×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Eskerrik asko eta zorionak, ekintzaileok

Eskerrik asko emprendedores
Share on facebook
Share on twitter
Share on linkedin
Share on whatsapp
Share on email

Albert Einstein handiak esana da: «Krisialdietan sortu ohi dira asmamena, aurkikuntzak eta estrategia apartak». Eta 2020a jende askorentzat urte benetan zaila izan bada ere, agerian utzi ditu pertsona askoren talentua, hobetzeko gaitasuna eta ekiteko gogoa. Horiek, zuk bezala, osasun-krisiari traol-hitz erraz batekin egin diote aurre: #JarraitzekoBerritzen.

Gabonetako post hau zuentzat guztiontzat da. Zuen ahalegina eta irudimena eskertu nahi ditugu, eta esan: eskerrik asko, bihotzez, eta zorionak. Ezagutu dugun egoera zailenetako batean, aurrerapausoa emateko gai izan zarete, eta zuen ekiteko ahalmen osoa erabili duzue enpleguari eta jarduera ekonomikoari eusten laguntzeko. Gainera, Gaztenpresarentzat oso berezia den unean egin duzue, mende laurdena bete baitugu, gure sorrera eragin zuten balio eta helburu berekin, gaur egun oraindik ere indarrean dirauten horiekin. Hauek dira: krisialdia gainditzea eta enplegua sustatzea.

Baina dena ez dago eginda: urratsak egiten jarraitzeko unea da, 2021a erronkaz beteta dator eta. Ekintzailetzan eredugarri izaten jarraitu behar dugu, eta elkartasun-apur bat ere eskaini. Horregatik, tokiko merkataritzaren salmentak sustatzeko asmoarekin, gabonetako kanpaina bat jarri berri dugu abian, eta horretan parte hartzera gonbidatu nahi zaituztegu. #ErosiTokikoa traolaren bidez, negozioetako pertsianak irekitzen dituzten bakoitzean gure herri eta hirietako kaleak argitzen eta bizitasunez betetzen dituzten pertsona horiei laguntzen saiatuko gara. Eskerrak eman nahi dizkiegu pandemiako hilabete gogor hauetan egin duten ahalegin pertsonal eta ekonomiko izugarriagatik, eta gure aletxoa jarri nahi dugu ilusioari eta lanari eutsi diezaieten.

Aipamen berezia

Tokiko negozioren baten ardura duten pertsona guztiak hartu ditugu kontuan gonbidapena egitean, baina lerro hauen bidez bereziki gogoratu nahi ditugu gure ekintzaile-sarea, Gaztenpresarekin elkarlanean aritu zaretenak eta eredu izan zaretenak beste pertsonak askok ere berritu eta aurrera egin dezaten. #JarraitzekoBerritzen traol-hitzak dioen moduan. Haien produktuak eta zerbitzuak erostera animatu nahi zaituztegu, jarduerari gogoz eutsi diezaioten. Hona hemen horietako batzuk:

  1. Zelai txiki. Juan Carlos Carok eramateko menu berezia prestatu du gabonetarako. Formula horri esker aurrera egin du azken asteotan.
  2. Bar Matalauva. Borja García Argüellesek zizka-mizken kutxa prestatu du Gabon-gauerako eta Eguberri-egunerako.
  3. Kopas. Garaikurrak, enpresa-opariak eta era guztietako sorkuntza-lanak egiten dituzte askotariko materialak erabiliz.
  4. Cerebrito Pérez. Opari- eta jostailu-dendarik irudimentsu eta teknologikoenetako bat da. Haurrentzako eta helduentzako ikastaroak eta tailerrak ere eskaintzen ditu robotika, magia, marrazketa eta abarri buruz.
  5. La Manducateca. Bilboko erdiguneko modako lokaletako bat da. Eskaintza zabal-zabala du: gaztak, dastatze-kitak, opariak, hanburgesak, sorta bereziak, gozokiak eta askoz gehiago, jai hauetan eta edonoiz gozatzeko.
  6. Laugar. Online garagardo-denda honek hamar urte baino gehiago daramatza lanean, eta hogeita hamarren bat erreferentzia eskaintzen ditu: klasikoak, berritzaileak, sasoikoak eta edizio bereziak.
  7. Manuela va de fiesta. % 100 made in Donostia moda. Erreferentzia da ospakizunetarako soinekoetan eta ukitu esklusiboa duen haurrentzako modan.
  8. María Uranga. Gune honetan aholku emango dizute, looka aldatzean zeurea den estiloa aurkitzeko, zeure nortasunari eutsita.
  9. PatxiKoop. Janaria eta edaria etxera eramateko zerbitzuak 3.000 erreferentziatik gora ditu eta Bizkaia osorako egiten du lan.
  10. Tipula Burger. Hanburgeseria honek Los Angeleseko lokal klasikoen formula ekarri du, eta tokiko gustuetara egokitutako proposamena eskaintzen du. Espezialitate ugari aukeran.

Eta, bukatzeko, gogoan izan: «Gabonetan, erosi tokiko saltokietan». Zain gaituzu.

Post gehiago irakurri.

Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...
Maitza 17, 2022
Pandemiak goitik behera aldatu zituen pertsonen kontsumo-ohiturak eta ingurune digitalago batera egokitu behar izan zuten. Datuak lehendik ere pozgarriak ziren eta Interneteko erabiltzaile den Euskadiko biztanleriak hazten jarraitu zuen 2021. urtean, % 84,9raino. Gai horri buruz hitz egingo dugu gaur, Interneteko Mundu Egunean, Pello Múgicarekin eta SavileCode enpresaren talde guztiarekin. Gainera, lehen eskutik kontatuko digute nola...
Maitza 16, 2022
Irudi batek mila hitzek baino gehiago balio duela esan ohi da eta horixe erraztuko digu Canvak, hain zuzen ere: gure negoziorako eduki grafikoa modu sinple eta intuitiboan sortzea, diseinu-ezagutzarik zertan izan gabe. Izan ere, on-line erreminta honek plantillen eta baliabide grafikoen kopuru handia (irudiak, argazkiak, tipografiak, eta abar) jartzen du gure esku, haiekin gure negozioaren/markaren...
Maitza 9, 2022
Negozio bat martxan jartzen dugunean (edo jartzeko asmoa dugunean), pertsona ekintzaile batek egin beharreko lehenengo gauzetako bat besteei aurkeztea da: balizko bezeroei, banatzaileei, laguntza emango diguten toki-garapeneko erakundeei, eta baita gure jarduera abiarazteko kreditu bat ematen diguten finantza-erakundeei ere. Kasu guztietan ere, gure solaskideen arreta erakartzeko eta gure helburuak lortzeko posibilitate gehiago izango ditugu, gure...
Maitza 5, 2022
Gaztenpresaren Finantza-Osasuneko Asteazkenetako 2022 lehen zikloarekin hasi gara ekainaren 15era arte. Zer dira Finantza-Osasuneko Asteazkenak? FinBox aholkularitza ekonomiko eta finantzarioko enpresaren babesarekin sortutako web-mintegiak dira. Ordubeteko iraupena dute, eta enpresa baten osasuna zaintzeko ezinbestekoak diren finantza gaiak jorratzen dira. Web-mintegi guztietan FinBox-ek Gaztenpresarentzat esklusiboki diseinatutako tresna eta simulagailuak erabiliko dira. Gainera, saio bakoitza bukatutakoan, parte-hartzaile...
Apirila 28, 2022
EAEko gaixotasun profesionalei buruzko Osalanen urteko txostenak agente taldearen araberako maiztasunari buruzko azterketan erakusten duenez, 2020an jarrera eta mugimendu errepikakorrekin lotutako 1.705 kasu erregistratu ziren guztira, kasu guztien % 78. Testuinguru horretan, eta Laneko Segurtasun eta Osasunaren Mundu Egunaren harira, Jon Ibáñez Pérezekin hitz egingo dugu; fisioterapeuta eta ekintzailea da, Gaztenpresako sarearen barruan.   Hitz egizu...