×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Hona hemen… Loreki

Share on facebook
Share on twitter
Share on linkedin
Share on whatsapp
Share on email

Afarikideak etxeko postre gozo eta osasungarriarekin harritu nahi al dituzu? Opari polit eta osasungarriarekin zoriondu nahi al duzu norbait? Iruñeko Loreki izan liteke bilatzen ari zaren hori. Angel Rodriguez eta Loli Caballero dira sustatzaileak. “Artisau-eran, kalitate goreneko frutak txokolatez estali eta sortetan edo askotariko kutxetan” saltzen dituzte, enkarguzko bestelako produktuez gain, eta Iruñerriko 16 saltokitan eros daitezke.

 

Finantzaketa eta mentoringa

Angel eta Loli 20 urte baino gehiagoz aritu dira frutak eta barazkiak saltzen. Gaztenpresara jo zuten ideia gozagarria eskuetan, eta behar zuten finantza-laguntza lortzeaz gain aholkularitza ere izan zuten gure Mentoring figuraren bidez. Mentoringa ikaskuntza eredu bat da, non ekiten edo enpresan esperientzia duen pertsona batek beste bati laguntzen dion trebetasunak eta gaitasunak sustatzen, haren garapen pertsonala eta profesionala ahalbidetuz.

Lorekiren webean produktuen katalogo zabala aurkituko duzu, opari aho-gozagarriak eta politak. Txokolatez estalitako frutak modu erakargarrian eta askotarikoan aurkezten dituzte, bezero bakoitzaren beharren edo nahien arabera: sortak, saskiak eta kutxatxoak prestatzen dituzte txokolate zuriz edo beltzez estalitako fruta freskoarekin, eta fruta forma berezietan moztuta egoten da.

Haurren ospakizunetarako, urtebetetzeetarako, urteurrenetarako edota bestelako data berezietarako proposamenak, Gabonetarako, adibidez, edo otordu berezietarako postre paregabea, gonbidatuak harritzeko modukoa. Meloia, kiwia, mandarina, marrubiak, anana, …edozein fruta erabiltzen dute horretarako, bihotz edo lore formekin, txokolatez estalita eta tximeletak, mantangorriak edo panpinatxoak apaingarri dituztela.

 

Kalitatea eta ugaritasuna!

Loreki kalitatearekin konprometitutako enpresa da; Reyno Gourmet zigiluko partaidea da. Iruñerriko 16 saltokitan eskaintzen dituzte beren produktuak. Horietan, in situ dasta dezakezu erabiltzen duten lehengaiaren kalitatea.

Haien Facebooken aurkituko dituzu azken berriak. Eta, noski, Angelek eta Lolik egin zuten bezala, negozio-ideia aurrera eramateko gogoa duen edonork jo dezake Gaztenpresara. Profesionalen aholkua eta laguntza izango ditu, negozioak abian jartzen laguntzen urte askotako eskarmentua dutenena.

loreki figuras dulces y divertidas

Post gehiago irakurri.

Uztaila 10, 2025
2025eko uztailaren 8a.–LABORAL Kutxaren Gaztenpresa Fundazioak 348 enpresa sortzen lagundu du 2024an, eta enpresa horiek 696 lanpostu berri sorrarazi dituzte. 1994an sortu zenetik, Fundazioak 7.246 enpresari lagundu die abian jartzen, eta horiek 13.371 laguni eman diete lana. Datuok Gaztenpresaren 2024ko txostena aurkezteko ekitaldian ezagutarazi dituzte, LABORAL Kutxak Bilbon duen lurralde-egoitzan. Gaztenpresako lehendakari Ibon Urgoiti pozik...
Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...