×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Elkarrizketa Iñaki Carreterori: “Ingravity Dreams zera da, maitasuna, gogoberotasuna eta profesionaltasuna gure abereei laguntzeko, gauza txikiak zainduz.”

Share on facebook
Share on twitter
Share on linkedin
Share on whatsapp
Share on email

Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.

 

Zer da Ingravity Dreams eta nola sortu zen?

Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua, tratu familiarrarekin betiere.

Baina denak du bere hasiera: amets bat. Gure txakurretako batek izandako arazo fisiko baten ondoren, eta fisioterapia naturala eta abereen ongizatea gure herrialdean ohikoa ez zela ikusita, AMETS EGITEA erabaki genuen. AMETS EGITEAK ikertzea, ikastea, ezagutzea eta, azken batean, martxan jartzea eragin zigun.

8 urte eman ditugu prestatzen (eta oraindik ere geratzen zaiguna) txakur-fisioterapian, terapia kraneosakraleko tekniketan, hidroterapian, abereen akupunturan, fitoterapia txinatarrean, elikadura naturalean, kirol-txakurrentzako/laguntzako txakurrentzako entrenamenduan, gurekin batera bizi diren txakur, katu eta beste abere batzuei laguntzeko. Eta urte horiek Ingravity Dreams zentroaren sorkuntzarekin eta autoeraikuntzarekin burutu ziren.

Zentro oso berezia izan da hasieratik:

  • Gure txakurrek erabaki zuten zentroaren kokapena. Maturanako gain batean, Arabaren erdian, energiez betetako ingurune batean (izan ere, zentroaren ondotik igarotzen dira eta atseden hartzen dute milaka hegaztik beren migrazioetan).
  • Zentroaren ingurunea, urez eta mendiz inguratuta. Inguratzen gaituzten monumentu neolitiko eta historikoak. Elkarrekin bizi gara askatasunean dauden 4 hankako lagunekin eta gainerako herritarrekiko modu jasangarri eta irekian landa-ingurunean lan egiteko erabakia partekatzen duten 2 hankako auzokideekin.
  • Zentroaren eraikuntza: Gure eskuekin eraikia dago guztia gure abere, familia eta lagunekin batera, garai batean egiten zen bezala: zimenduetatik sabaiko azken zur puskaraino. Guztia ere parametro bioklimatiko eta jasangarrien pean eraikia, betiere ingurunea, inguruneko indar naturalak eta lekuaren espiritua errespetatuz.  Hori guztia energia egunero lagun izan dezagun, segundoz segundo. Nolabait esateko, fatxada krema eta txokolatezkoa bada ere, zentroaren bihotza berdea eta urdina da.
  • Kontzeptua: zentroa eta haren ingurunea dira gure etxebizitza nagusia, mendeetan zehar tradizionalki egin denera itzuli nahi izan dugu: norbera bizi den toki berean lan egitea partekatu ahal izateko.
  • Teknikak: gure lan-teknikak naturalak dira, arazo fisiko/psikikoetarako, zein kirol-txakur eta laguntzako txakurrentzako gure entrenamenduetarako. Beti egin izan ohi den bezala, medikuntza alopatikoarekiko ikuspegi osagarritik begiratuta.

Laburbilduta, maitasuna, gogoberotasuna eta profesionaltasuna gure abereei laguntzeko. Betiere gauza txikiak zainduz.

Prozesu osoan, kanpoko eta konfiantzazko ikuspegia ekarri zigun Gaztenpresak, eguneroko jardunak kutsatutako gure ikuspegia alde batera utzi, eta proiektua bideragarria ote zen eta errentagarria izan zitekeen jakiteko. Behin hori berretsitakoan, finantzaketa lortzen lagundu ziguten.

 

Zentroarentzako kokapena hautatzeak, baita zentroa bera eraikitzea ere, hausnartutako zerbait izan da eta denbora hartu du. Esaguzu nolakoa izan den prozesu hori.

Hasieratik argi genuen gure proiektua landa-ingurunean garatu nahi genuela. Argi geneukan hirian dena izango zela errazagoa, baina argi geneukan halaber kontsekuenteak izan behar genuela gure helburuekin eta gure enpresa-ametsarekin. Horregatik, hiritik urrun ez zegoen leku batean diseinatu genuen gure zentroa, baina leku erabat landa-inguruko eta energiaz beterikoan. Gainera, “baserriaren” formatua erabili genuen zentroaren autoeraikuntzan: lehenengo solairuan etxebizitza, eta etxabean, garai batean ukuiluak jarriko lituzketen lekuan, lantokia dago. Eta uste dut landa-ingurunean erreferente bat izatea lortu dugula lehen sektorearekin edo turismoarekin soilik zerikusia ez duten enpresak sortzeko.

 

Zergatik aukeratu duzue kooperatiba bat eratzea gainerako forma juridikoen gainetik?

Bazkideen filosofia pertsonalarekin lotuta dagoelako. Enpresa formatu sozialena da kooperatiba, eta guri gizarteak eskaini diguna gizarteari itzultzea gustatzen zaigu. Gainera uste dugu lehen familia-lana zenaren antza handiena duen lege-figura dela: “denak batera”.

 

Zer berritasun aurkezten dituzue hurrengo hilabeteetarako?

Proiektu asko ditugu esku artean.

  • Zalantzarik gabe, funtsezkoa iruditzen zaigu eskaintzen ari garen zerbitzua sendotzen jarraitzea.
  • Online denda bat irekitzeko asmoa ere badugu, bertan gure zentroan erabiltzen dugun materiala bezero profesionalei eskaintzeko.
  • Laguntzako txakurrentzako usaimen-eskola bat sortzeko ideia darabilkigu buruan.

Proiektu horietako batzuk martxan ditugu jada, beste batzuk aurreikusita baino mantsoago egingo dute aurrera egungo egoeraren eraginez, baina haietan lan egiten jarraituko dugu beti lan egin dugun ilusioarekin eta pasioarekin.

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...