×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Ekonomia zirkularra: ingurumenaren aldeko apustua eta negozio-aukera bat

gzt-art-economia-circular
Share on facebook
Share on twitter
Share on linkedin
Share on whatsapp
Share on email

Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta?

Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria?

Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela?

Izugarrizko datuak dira, ezta? Baina, seguruenik, ekonomia zirkularraren kontzeptua azaltzeko aski grafikoak irudituko zaizkizu, baita gure inguruko herrialde eta enpresa askok haren alde zergatik egiten duten azaltzeko ere.

Lehenik eta behin, ekonomia zirkularra zer den eta hura gauzatzen duten enpresek zer egiten duten azalduko dizugu. Oso kontzeptu berria da eta, haren bitartez, enpresak ahalik eta gehien aprobetxatzen saiatzen dira erabiltzen dituzten baliabideak, beren hondakinak ahalik eta gehien murrizteko eta horiek berriz ere ekoizpen-sistemara txertatzeko.

Horrela, zirkulu bat sortzen da eta, bertan, hondakinak baliabide bihurtzen dira berriz ere. Izan ere, euskal zabortegietara botatzen diren materialek 47 milioi euroko balioa dutela balioesten da. Horrenbestez, ez gara “hondakinak aprobetxatzeaz” bakarrik ari, sektore ekonomiko berriak sortzeaz baizik, guztiz iraunkorrak eta errentagarriak diren sektoreak.

Normalean, termino horiek sektore industrialari aplikatzen zaizkio, hura baita baliabide-kantitate gehien xurgatzen duen sektorea, baina ekonomia zirkularra sektore ekonomiko guztietara estrapola daiteke, eta hala egin behar da gainera, baita zerbitzuen sektorera ere.

Ekonomia zirkularra zuzenean lotuta dago enpresen ospearekin. Hori dela eta, horiek erantzukizun sozialeko politikak eta 3.0 marketineko ekintzak sustatzen saiatzen dira beren jardueran. Kontua ez da saltzea bakarrik, gizarteak dituen arazoekin eta ingurumenaren zaintzarekin kezkatuta dauden pertsonei saltzea baizik.

Oro har, funtsezko balio batzuk izan behar ditugu kontuan gure negozioa ekonomia zirkularrean txertatu nahi badugu:

  • Produktu baten bizi-zikloari haren ingurumen-inpaktua gehitu behar zaio, hura murrizten eta modu eraginkorrean aprobetxatzen saiatzeko.
  • Gure lurralde-esparruko hornitzaileen aldeko apustua egin behar dugu, materialen fabrikazioan eta horniduran garraioaren erabilera ahalik eta gehien murrizteko.
  • Hondakinak ekoizpen-sisteman berriz sartzen eta berreskuratzen saiatu behar dugu, material berriak balira bezala.
  • Hobe da oraindik ere bizi erabilgarria duten produktu teknologikoak konpontzen saiatzea, horiek botatzea eta berriak erostea baino. Jaiki zaitez zaharkitze programatuaren kontra.
  • Saia gaitezen erabateko birziklatze-politika bat mantentzen erabiltzen ditugun material guztiekin.
  • Saia gaitezen gure jarduerarako energia berriztagarriak aukeratzen.

Ekonomia zirkularraren eredua erabiltzen duten negozioen adibide ugari daude: negozio horiek iraunkortasunaren eta ingurumenaren zerbitzura jarri dute teknologia. Besteak beste, inprimagailuetarako tinta-kartutxoak eta tonerrak jasotzen eta berrerabiltzen dituzten enpresak aurki ditzakegu, baita beren erabiltzaileentzat ohitura iraunkorrak sustatzen dituzten startup enpresak edo ibilgailu erabilien hondar-materialen berrerabilpena ikertzen duten ekimen publiko eta pribatuak ere.

Adibide horiek ekonomia zirkularrak ekintzaileei eta startup enpresei eskaintzen dizkien negozio-aukera guztien barnean sartzen dira, eta Accenture aholkularitza-etxeak bost talde handitan laburbildu ditu:

  • Hornidura zirkularrak. Baliabide ez berriztagarrien ordez, energia berriztagarriak, biomasa edo material birziklagarriak erabiltzea.
  • Baliabideak berreskuratzea. Hondakinak eta hondar-produktuak erabiliz, energia eta baliabide erabilgarriak lortzea.
  • Produktuaren bizitza erabilgarria luzatzea. Diseinu iraunkorra ezartzea, produktuak eta osagaiak konponduz, eguneratuz eta berriz salduz, horien bizi-zikloa handitu ahal izateko.
  • Plataformen erabilera partekatua. Produktuen erabilera handitzea, horien erabilera nahiz sarbidea eta jabetza partekatuz.
  • Produktua zerbitzu gisa. Produktuen jabetza gordetzea, baliabide zirkularren produktibitatearekin sortutako onurak barneratzeko. Planteamendu hori produktu-fluxuei aplika dakieke, balio-katearen edozein puntutan.

Ikus dezakezun moduan, zure negozioa ekonomia zirkularrera txertatzeaz gain, jasangarritasun-parametroetan oinarrituz ekitea ahalbidetuko dizuten merkatu-hobiak aurki ditzakezu. Esparru hori esploratu nahi baduzu, gogoratu Gaztenpresan ia 4.000 enpresa-proiektu sortzen lagundu dugula eta zure negozioa sortzeko urrats guztietan lagun diezazukegula. Zure zain gaude.

Post gehiago irakurri.

Ekaina 7, 2023
Laida San Sebastianena izan zen Gaztenpresatik ekimenean jasotako azken testigantza. Gizarte arloan ia 20 urtez ekintzaile izan ondoren, orain Mondragon Unibertsitateko Eskola Politeknikoko ikasleekin partekatzen ditu bere ezagutzak eta esperientziak, Ekintzailetza Teknologikoko arduraduna baita han. “Ni naiz guztiari ‘bai’ esatearen asmatzailea”, aitortu zuen Laidak keinu bat eginez Andrea Fernandezek egin zuen aurreko mintzaldiari. Hain zuzen...
Maitza 31, 2023
Andrea Fernández-ena izan zen Gaztenpresatik ekimenean ezagutu genuen beste ekintzailetza-istorioetako bat. “Argentinar doinurik ez duen ekintzaile argentinarra eta erremediorik gabeko ibiltaria” da. Orain dela 20 urte baino gehiago etorri zen Andrearen familia Bilbora, hark hamabi urte baino ez zituenean. Bizitza pertsonalaren eta profesionalaren arteko orekari eusteak duen garrantziaz hitz egin zigun arlo anitz jorratzen dituen...
Maitza 23, 2023
Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea. Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen...
Maitza 17, 2023
Duela egun gutxi batzuk gure 2022ko Memoria aurkeztu genuen Donostian. Izan ere, aurten Donostia Gizarte Ekonomiaren Hiriburu izendatu dute. Prentsaurrekoaren ondoren, Gaztenpresatik ekitaldia egiteko aprobetxatu genuen, hain zuzen ere, gure erkidego ekintzailea inspiratu, motibatu eta babesteko ekitaldia. Topaketa hau oso mamitsua izan zenez, eta ezer ez ahazteko, bertan gertatu zen guztia kontatzea erabaki dugu. Has...
Apirila 28, 2023
Gure inguruko errealitate soziala hobetzeko helburuari jarraikiz, Gaztenpresan 314 negozio berri abiarazten lagundu dugu 2022an, eta horiei esker 637 lanpostu sortu dira. Hori horrela izanik, ia 30 urteko ibilbide honetan, 6.578 enpresa eta 12.041 enplegu sortzen lagunduko dugu, eta LABORAL Kutxaren bitartez 192 milioi euro lortzeko aukera eman dugu, mailegutan. Datu horiek guztiak gure 2022ko...
Apirila 17, 2023
Guztion ahotan dago Adimen Artifiziala (AA), eta ChatGPT tresnari zor zaio bere ospearen zati handi bat. Tresna hori OpenAI enpresak merkaturatu zuen joan den urtearen amaieran, eta guztiok harrituta utzi gaitu galderei erantzuteko, elkarrizketak izateko eta testuak modu natural eta koherentean sortzeko duen eraginkortasunagatik eta zehaztasunagatik. Tresna horrek zer egin dezakeen ikus dezazuen, pentsatu dugu...