×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Gora egiten ari diren hiru joera urte honetan bertan ekiteko

Share on facebook
Share on twitter
Share on linkedin
Share on whatsapp
Share on email
  1. urtea zure urtea izango da. Ekintzaile gisa hasiko zara eta zure negozioa sortuko duzu. Dagoeneko egin dituzu ia etxeko lan guztiak: merkatua aztertu duzu, frankizia interesgarrienak aztertu dituzu; mugitu nahi duzun sektorearen inguruko ideia argi bat duzu; negozio on bat identifikatzen ikasi duzu… Gauza bat frogatzea bakarrik falta zaizu:
  • Aurten gora egiten ari diren joerak eta negozio-ideiak ezagutzea.

Oso bestelakoak diren sektoreetako hiru bakarrik hautatu ditugu, horietakoren bat buruan duzun negozio-ideiara gerturatzen den ala ez ikusteko.

Erabiltzaile-esperientzia ingurune digitaletan

Dagoeneko ez da nahikoa produktu bat edo zerbitzu bat saltzea: enpresek ahalik eta Erabiltzaile Esperientziarik onena aurkeztu nahi dute, hori baita bezeroa fidelizatzeko modurik garrantzitsuenetako bat.

Hobekuntza horrek web-prozesuaren esparru guztiak hartzen ditu barne: nabigazio-esperientzia ezin hobea, erakargarria eta intuitiboa bermatzen du, eta izugarri sinplifikatzen eta errazten ditu erosketa-prozesuak. Hau da, gure webgunean nabigatzen ari diren bitartean bezeroen bizitza errazagoa egitea da helburua. Hori lortzeko, 5 urrats erraz hauek jarraitu behar ditugu:

  • Webgunea modu logikoan egituratzea, bide erraz, eroso eta azkar bat diseinatuz.
  • Diseinu erakargarri bat egitea, kalitatezko irudiak erabiliz.
  • Begiratu batean irakurtzeko modukoa izatea.
  • Azkarra izatea.
  • Mugikorrera egokitzeko diseinua izatea.

Nabigazioan erabilgarritasun eta esperientzia optimoak eskaintzea must bat da edozein enpresarentzat, haren tamaina dena dela. Izan ere, negozio txikiek ere ahalik eta gehien zaindu behar dituzte mota horretako elementuak, merkataritza elektronikoaren esparruko nazioarteko operadore handiekin lehiatu nahi badute. Horrek aukera-leiho bat irekitzen die ekintzaileei eta autonomoei, zerbitzu pertsonalizatua eskain baitiezaiekete bezeroei.

Osasuna eta edertasuna.

Osasunaren eta Edertasun pertsonalaren sektoreak sekulako hazkundea izan du azken urteetan: edozein hiritako merkataritza-guneetatik paseo bat emanez gero laster ikusiko duzu mota horretako establezimenduak asko ugaritu direla, hala nola estetika-klinikak, hipster ile-apaindegiak eta estresaren kontrako tratamenduak, edo osasunaren zaintzan espezializatutako zentroak.

Herritarrek gero eta arreta handiagoa eskaintzen diete beren ongizateari, itxurari eta zaintza pertsonalei, eta horrek aukera ugari eskaintzen dizkie pertsona ekintzaileei eta autonomoei. Hona hemen bi adibide:

  • Ilea transplantatzeko asmoz Turkiako zentroetara antolatzen diren bidaiek izugarrizko booma izan dute eta merkatu-hobi handi bat bihurtu dira bidaiak kudeatzeaz eta pazienteei jatorrizko herrialdean jarraipen medikoa egiteaz arduratzen diren enpresa txikientzat.
  • Herritarren pixkanakako zahartzeak areagotu egin du pertsona zaharren zaintzan eta arretan espezializatuta dauden pertsonen eta mota horretako zerbitzuak etxean eskaintzen dituzten enpresa espezializatuen

Sektore horrek eskaintzen dituen ehunka aukeretatik bi baino ez dira, sektore horrek protagonista izaten jarraitzen baitu ekintzailetzaren esparruan.

Jasangarritasuna.

Gero eta sektore gehiagotan aplikatzen den joera bat da, sektore industrialetan nahiz zerbitzuetan edo lehen sektorean. Gero eta gehiago erabiltzen ditugu ekonomia zirkularraren, eraginkortasun energetikoaren, ekoizpen ekologikoaren edo bioteknologiaren gisako kontzeptuak eta, horregatik, jasangarritasunak negozio-aukera izaten jarraitzen du startup eta ekintzaileentzat, prozesu jakin batzuk jasangarriak izan daitezela lortu nahi dutenentzat. Ikusi adibide hauek:

  • Hondakin organikoen aprobetxamendua eta berrerabilpena, pentsu naturalak egiteko eta arrainak hazteko.
  • Erabiltzen ez diren materialekin egindako osagarriak saltzen dituzten saltokiak.
  • Berregokitutako telefono mugikorrak.
  • Erabilitako arropa salerosteko aplikazioak.
  • Nekazaritzako eta abeltzaintzako kilometro 0 produktuak.

Sektore horietan edo beste edozein eremutan ekitea pentsatzen ari bazara, Gaztenpresan behar duzun laguntza guztia emango dizugu zure negozioaren fase guztietan: ideia sortzean, izapideak egitean nahiz finantzaketa bilatzean. Azken urteetan 5.300 enpresari baino gehiagori lagundu diegu eta 9.500 lanpostu baino gehiago sortzen lagundu dugu.

 

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...