×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Ekintzaile bihurtzeko lehen pausoak

GZT-Primeros-pasos
Share on facebook
Share on twitter
Share on linkedin
Share on whatsapp
Share on email

Ekintzailetza bokaziozkoa da, gero eta gehiago. Urtez urte gora egiten du espiritu ekintzailea askatu nahi duten eta beren negozioa eratzeko aukera aztertzen duten pertsonen kopuruak, 35 urtera arteko gazteen artean batez ere.

Baina, ekiten hasi aurretik, edo aspalditik buruan darabilzun negozio-ideia hori garatu aurretik, oinarrizko pauso batzuk eman behar dituzu.

  1. Prestakuntza. Ekintzailetzaren munduan emango dituzun lehen pausoak zailtasunez eta zalantzaz beteta egongo dira, eta oso ondo prestatu beharko duzu, denetik pixka bat jakiteko, enpresaren arloko oinarrizko legegintzaz nahiz finantzaketaz eta kudeaketaz.

Esate baterako, ondo aukeratu beharko duzu zure negozio-ideiari zer enpresa-mota egokitzen zaion ondoen, autonomo gisa lan egin nahi duzun ala sozietate mugatu bat sortu nahi duzun. Negozio-plan bat prestatu beharko duzu, eta merkataritza-eginkizuna eta marketina oso kontuan izan beharko dituzu.

Post honetan, lehenbailehen ezagutu beharreko gai batzuk azalduko dizkizugu. Eta horietan sakontzen laguntzeko, Gaztenpresan zenbait prestakuntza-lantegi prestatu dizkizugu, autoenpleguaren abentura horretan lehen urratsak egiten laguntzeko. Eman izena eta behar duzun informazio guztia emango dizugu.

  1. Talde on bat aukeratzea. Hewlett eta Packard, Jobs eta Wozkiak… Enpresa handien historia arrakasta lortu duten bazkide-bikotez beteta dago, elkarren arteko osagarritasunari esker. Izan ere, horixe da bien arteko lanak aurrera egiteko ezaugarririk garrantzitsuena, inplikazioarekin eta komunikazio onarekin batera. Gainera, ziur egon behar duzu lankidearekin nolabaiteko kidetasuna duzula, eta izaeraz ere antzekoak zaretela.

Bi pertsona osagarriak izan daitezen, trebetasun edo skill desberdinak eskaini behar dituzte, eta behar adinako konfiantza izan behar dute, besteari trebetasunok garatzen uzteko. Harreman profesional bati ekin aurretik, oso garrantzitsua da bazkideek alderdi hauek argi uztea, baita idatziz ere:

  • Bakoitzaren lan-eremuak eta erantzukizunak.
  • Desadostasunak sortuz gero jarraitu beharreko prozedurak: nola erabaki bazkideetako batek beste bat gehitzea nahi badu, zer egin batek mailegu bat lortu nahi badu enpresak dituen fondoen kargura eta abar.
  1. Konfiantza. «Egin dezakezula uste baduzu, eginda duzu bide erdia». Zure negozioan fedea izatea ezinbestekoa da, funtzionatuko badu. Zuk sinesten ez baduzu, nork egingo du, bada? Beldurra da ekintzailetzaren etsairik handienetakoa, ideia on asko bidean uzten dituena. Egia da zalantza asko sortuko zaizkizula autoenpleguaren abenturan; horregatik, autokonfiantza gailentzea lortu behar duzu.
  2. Baliabideak aurkitzea. Finantzaketa izango da zure enpresa-abenturaren giltzetako bat. Ekin egin nahi baduzu, finantza-sostengua behar duzu, eta abian jarri ahal izateko beharrezko babesa. Gaztenpresan prest gaude formula finantzariorik egokiena aurkitzen laguntzeko. Gogoratu honako hauek aukeratu eta zehaztu beharko dituzula:
  • Finantzaketa-iturririk onena.
  • Behar duzun kopurua.
  • Zure negozio-ideiari ondoen egokitzen zaion ordainketa-metodoa.

Esaterako, aurrez besteren kontura lan egin baduzu, langabezia-saria kapitalizatzeko aukera baliozta dezakezu, eta dirulaguntzak lortzeko aukerak ere aztertu.

  1. Erreferenteak. Gure inguruan, ekintzailetzaren munduko erreferente eta mentore asko ditugu, eta horiek gomendio interesgarriak eman diezazkizuekete. Emprendedores atariaren arabera, hauek dira eraginik handiena dutenak: Enrique Dans, berrikuntzan aditua eta IE Business Schooleko irakaslea (50.000 pertsonak baino gehiagok jarraitzen dute haren web-orria); Julio Alonso, Weblogs taldearen fundatzailea, Xataka eta Applesfera gisako hedabide digitalak barne hartzen dituena (71 milioi erabiltzaile inguru ditu); eta Alfonso Alcántara, taldeak motibatzen eta orientatzaileak eta managerrak prestatzen aditua (enpresa-psikologiaren Yoriento atariaren bitartez). Zerrendan 30 pertsona ageri dira, besteak beste: Chema Alonso, Juan Merodio, Euge Oller, Martin Varsavsky, Jesús Encinar, Vilma Núñez, Eva Collado eta Ana María Llopis.

Gaztenpresan, mentoring programa bat garatu dugu, ekintzaileei konfiantza emateko eta ideiak aurrera eramaten laguntzeko. Gure mentoreetako batek ezin hobeto laburbildu zuen bere eginkizuna: «Mentorea jausgailu bat da, babestuta dagoela jakitearen konfiantzarekin salto egiteko ausardia ematen duena».

Lehen 5 pauso horiek bete badituzu, prest zaude autoenpleguaren abenturari arrakastaz aurre egiteko. Eta ez ahaztu Gaztenpresan guztiz prest gaudela, bidaia horretan laguntzeko. Zain gaituzu!

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...