×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

CITA emprende, topaketa ekintzailetzarekin eta digitalizazioarekin, Gaztenpresaren eskutik

Share on facebook
Share on twitter
Share on linkedin
Share on whatsapp
Share on email

Imajinatzen al duzu norbait ekintzailetzaren munduan aurrera egiten tresna digitalik gabe? Zaila, ezta? Gaztenpresan badakigu ekintzailetzak gaitasun berritzaileak garatzea, malgua izatea eta egokitzeko gaitasuna izatea esan nahi duela, eta horretarako, eraldaketa digitala da bide bakarra.

Horregatik, hilaren 15ean eta 16an CITA | Emprende digitalizazioari buruzko edizio berezia ekitaldi birtualean parte hartu genuen. Ekitaldi horretan, ekintzailetzaren eta digitalizazioren konbinazio onenetako batzuk ikusi ahal izan ditugu, bizitzea egokitu zaigun krisi-garai honetan ere aurrera egitea lortu dutenak.

NaizFit, modako e-Commerce edo merkataritza elektronikoarentzako laguntza

Borja Cembrerok, NaizFit plataformaren zuzendari exekutiboak, argi eta garbi identifikatu zuen onlineko moda-dendek zuten arazo nagusietako bat: neurriak. NaizFit bidez, inprimaki bat sortu zuen arroparen sektoreko merkataritza elektronikoko bezeroei beren neurri zehatza ezagutzen laguntzeko eta, horrela, sektore horretako itzultze-tasa handia (% 30 ingurukoa) murrizteko. Bezeroen datuak jaso eta aztertuz, startup horrek bezeroak hobeto ezagutzea ahalbidetu die saltokiei; baina ez hori bakarrik, baita haien beharretara egokitzea eta, besteak beste, neurri berriak sortzea ere, eraginkorragoak izateko helburuarekin.

Naru, COVID-19ra egokitutako tresna

Eider Sánchez, Naru Intelligence enpresaren zuzendari exekutiboa, adibide ezin hobea da startup batek bere negozioa COVID-19aren krisialdira nola egokitu dezakeen erakusteko. 2017an, Adimen Artifizialean oinarritutako tresna bat sortu zuen gaixotasun larrien tratamendua hobetzen laguntzeko, bereziki minbiziarena. Naruk erabiltzen duen teknologiak pazienteen datu ugari biltzen eta interpretatzen ditu, tratamendurik egokiena identifikatzeko, kudeaketak arintzeko eta gaixoei jarraipena egitea errazteko. Koronabirus berriarekin, Naruren funtzionamenduak helburu berbera duela konturatu ziren: osasun-sistemari gaixotasun bat eta haren tratamendua hobeto ezagutzen laguntzea, mediku-emaitzen optimizazioa bizkortzeko. Horrenbestez, datuen eredua egokitzea eta horiek aztertzea proposatzen du, COVID-19aren pazienteentzat algoritmo zehatz bat sortzeko eta osasun-zentroei beren eskaerak eta zalantzak hobeto kudeatzen laguntzeko.

Glamping Hub, turismoa egiteko beste modu bat

Koronabirus berriak mundu osoan zehar ezarri dituen murrizketa sozialak direla-eta, Glamping Hub plataformak oporretarako beste aukera bat eskaintzen du, aire zabaleko turismoa eta luxua batzeko gai dena. Izan ere, mundu osoko lider bihurtu da mota honetako aisialdian, eta 5.000 ostatu baino gehiago erregistratu dira dagoeneko. Haren fundatzaileetako batek, Talal Benjellounek, tresna digitalak erabiltzera animatu gintuen, itxuraz digitalizatzea ezinezkoa diruditen sektoreetan negozio-aukerak bilatzeko. Talalek azaldu zuenez, turismoaren erronketako bat da bidaia klasikoen proposamenak COVIDaren arora egokitzea. Eta ziurtatu zuenez, gaur egun bizi dugun aldaketa-unea ezin hobea da ideia berriekin ekiten eta teknologiaren bitartez berritzen saiatzeko.

Jeff, fisikoaren eta onlinekoaren arteko konbinazioa

Jeff 40 herrialdetan dagoen startup bat da, onlineko eta offlineko zerbitzu pertsonalak bateratzen dituena. Haren zuzendari exekutibo Eloi Gómezek azaldu zigunez, gaur egungo osasun-krisialdira egokitzea da haren helburua, zaintza eta higienea lehenesten diren elkargune malguen eta moldagarrien bitartez, bezeroei behar dutena eskaintzeko. Arrazoia? Jendea gero eta gutxiago irtengo da etxetik ile-apaindegira, gimnasiora edo jatetxeetara joateko, eta onlineko eta offlineko zerbitzuen bizikidetza erabakigarria izango da agerleku berri horretan.

Krisiek aukera berriak irekitzen dituzte

Hala esan zuen David Montero de la Torre Bic Arabako zuzendariak: krisiek aukerak sortzen dituzte, eta digitalizazioak teknologia berriak hedatzeko eta geratzeko etorri diren dinamika berritzaileak sustatzeko aukera ematen die enpresa askori. Hori da telelanaren kasua. Universitat Oberta de Catalunya unibertsitatean irakasle den Eva Rimbauk jarraibide batzuk eman zizkigun hura eraginkorra izan dadin; Blarlo itzulpen-agentziako zuzendari exekutibo Carmelo Gayubok ere hitz egin zuen haren inguruan. Bere esperientziaren arabera, premia batetik jaio zen lan-modalitate hori hazteko eta langileen kontziliazioa hobetzeko aukera bihurtu da.

Egokitzeko gaitasun horren adibide gisa nabarmendu ziren, besteak beste, Pablo Ayala eta haren Innovae Group enpresa, urrutitik lan egiteko teknologia birtualak diseinatzen dituena, eta banku-sektorearen ahaleginak, eten digitala gainditzeko eta banku-prozesuak arinduko dituzten tresnak eskaini ahal izateko. Horiei buruz hitz egin zigun, hain zuzen ere, Óscar Muguerzak, LABORAL Kutxako Enpresen Negozio Garapeneko zuzendariak.

Era berean, Gipuzkoako Foru Aldundiaren, erabakitasuna egiaztatu dugu; hark zuntz optikoa lurraldeko “azken baserriraino” eramateko proposamena egin du, Ekonomia Sustapen, Turismo eta Landa Inguruneko ahaldun Imanol Lasak ziurtatu zuen moduan.

Hori guztia, garapen teknologikoko laginen artean ―hala nola Xabet enpresarena eta haren IA eta Big Data aplikazioena―, eta Manuel Alonso Pérez Telefónicaren Administrazio Publikoko eta Enpresa Handietako ipar-zonaldeko zuzendariak egindako iragarkiaren erdian. Haren arabera, 5G teknologia pizgarri izango da eta eraldaketa digitala hedatzen lagunduko du.

Ekintzailetza, digitalizazioa eta berrikuntza egoera hutsean, eta Gaztenpresaren eskutik.

Post gehiago irakurri.

Iraila 26, 2023
2004an hasi zuen bere harremana Gaztenpresarekin Irene Rodríguez ekintzaileak, bere kontura delineatzaile gisa lan egiten hasteko pausoa eman zuenean. Baina harremana ez zen hor bukatu. 2016an, goi-kualifikazioko langile teknikoen outsourcinga bere jardueraren ardatz gisa hartzea erabaki zuen Iddtekek, bere zerbitzuak zabalduz, eta, berriro ere, Gaztenpresan oinarritu zen aldaketa horri aurre egiteko. Eta, orain, mentore gisa...
Iraila 14, 2023
Maiatzaren amaieran ireki zuten Bilbon House Of Movement Experience (HOME) zentroa, entrenamendu pertsonal eta mugimendu egokiturako gunea. Proiektu horren atzean, Laura Leandro eta Noel Herresánchez ditugu, eta euren esperientzia ekintzailea kontatuko digute elkarrizketa honetan. Entrenamendu-zentro horretara joaten diren guztientzat “etxe” bihurtzeko asmoz sortu duzue HOME. Zer du bereizgarri zuen proposamenak ariketa fisikoa egiteko beste aukerekin...
Iraila 4, 2023
Bi emakume gazte ekintzaile hauek urte batzuk zeramatzaten Concha Calle Decoración dendan lanean, Portugaleten (Bizkaia) erreferentziazkoa den interiorismoko negozioa. Orain, jabeek erretiroa hartu dute, eta proiektuaren buru jartzea erabaki dute Cristinak eta Edurnek. Elkarrizketa honetan kontatuko digute prozesu hori nolakoa izan den.   Zein unetan erabaki zenuten dekorazioko eta interiorismoko denda honen jarduerarekin jarraitzea? Edurne:...
Uztaila 7, 2023
Gaur Leire Uretarekin hitz egingo dugu, Nukka dendaren sortzailearekin. Emakume eta gizonentzako marka anitzeko moda-denda da Nukka, duela hiru urte irekia Amorebieta-Etxanon (Bizkaia). Bere apustua outfit erosoak egitea da, estilo handiko jantziekin eta osagarriekin, Leirek 20 urte baino gehiagoko eskarmentua baitu retail sektorean. Baina utz diezaiogun berari kontatzen. Zergatik erabaki zenuen zeure arropa-denda martxan jartzea?...
Ekaina 7, 2023
Laida San Sebastianena izan zen Gaztenpresatik ekimenean jasotako azken testigantza. Gizarte arloan ia 20 urtez ekintzaile izan ondoren, orain Mondragon Unibertsitateko Eskola Politeknikoko ikasleekin partekatzen ditu bere ezagutzak eta esperientziak, Ekintzailetza Teknologikoko arduraduna baita han. “Ni naiz guztiari ‘bai’ esatearen asmatzailea”, aitortu zuen Laidak keinu bat eginez Andrea Fernandezek egin zuen aurreko mintzaldiari. Hain zuzen...
Maitza 31, 2023
Andrea Fernández-ena izan zen Gaztenpresatik ekimenean ezagutu genuen beste ekintzailetza-istorioetako bat. “Argentinar doinurik ez duen ekintzaile argentinarra eta erremediorik gabeko ibiltaria” da. Orain dela 20 urte baino gehiago etorri zen Andrearen familia Bilbora, hark hamabi urte baino ez zituenean. Bizitza pertsonalaren eta profesionalaren arteko orekari eusteak duen garrantziaz hitz egin zigun arlo anitz jorratzen dituen...