×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Bihurtu zure negozioa enpresa eco-friendly

gzt-art-eco-friendly
Share on facebook
Share on twitter
Share on linkedin
Share on whatsapp
Share on email

Jasangarritasuna ez da moda iragankor bat; izan ere, ekologia eta jasangarritasunaren aldeko jarrera aspalditik ditu ezinbesteko balioak enpresa ororen brandingak edo marka-bereizgarriak. Zure negozioa eco-friendlya izateak eragin positiboa du enpresaren marka-posizionamenduan eta salmentetan. Oraindik ez baduzu erabaki jasangarritasuna txertatzea zure negozioaren DNAn edo gizarte-erantzukizun korporatiboan (GEK), kontuan hartu ideia hauek:

  • “Berdetu” zure lantokia Zure lantokiak asko esaten du zutaz, batez ere bezeroei; horregatik, asmo handiagoko helburuei ekin aurretik, bihurtu gune berde zure bulegoa. Lehenik eta behin, argiztapen-sistemari erreparatu: saiatu ahalik eta gehiena aprobetxatzen argitasun naturala, baina ez energia aurrezteko soilik, baizik eta bulegoan lan egiten duzuen guztion aldartea —eta zuen osasuna!— hobetzeko. Argi naturalik ezin baduzu eduki bulegoan, aldatu bonbilla tradizionalak eta jarri LED argiak, kontsumo txikikoak eta eraginkortasun handikoak, izugarri aurreztuko duzu eta (% 80ko energia-aurrezpena). Bulegoko tenperatura da energia-eraginkortasuna areagotzen lagunduko dizun beste faktore bat: udan, aire egokituak ez du egon behar 24-25 oC-ren azpitik; neguan, berriz, ez da inoiz ipini behar berokuntza-sistemaren termostatoa 21 oC-tik gora. Gogoan izan tenperatura igotzen duzun gradu bakoitzeko % 5 eta % 7 bitarte igotzen dela energia-kontsumoa. Material informatikoari dagokionez, erabili behar direnean bakarrik egon behar dute piztuta ordenagailuek eta inprimagailuek; bestalde, ez ahaztu tonerrak birziklatzea eta, ahal den guztietan, orriak bi aldeetatik inprimatzea. Bulegoko materiala erosteko, berriz, bilatu hornitzaile eco-friendlyak, eta ziurtatu saltzen dizkizuten piezek ez dutela ingurumena kaltetzen.
  • Sustatu jarrera jasangarriak kontsumoari dagokionez Ingurumenaren aldeko jarrera proaktiboa baldin baduzu eta zure bezeroei ere bide horretatik jotzeko eskatzen badiezu —adeitasunez—, haientzako erreferentzia bat izango zara. Horretarako, elikatu zure bloga eta webgunea zure jarduerari zein sektoreari eta ingurumenari buruzko eduki didaktikoz, eta eskatu bezeroei parte hartzeko zure kanpaina ekologikoetan eta ingurumenaren aldeko ekitaldietan. Geroz eta jende gehiago dagoenez horrelako ekimenetan parte hartzeko prest, prestatu zure ingurukoak erakartzeko jardueraren bat. Hartara, gizarteaz arduratzen den talde bateko partaide sentituko dira eurak ere.
  • Egin aliantzak beste enpresa batzuekin Linkedlnen sortzaileak, Reid Hoffmanek, zioenez, norbera hobetzeko modurik onena hau da: izan nahi dugun bezalakoak jada badiren beste pertsona batzuekin elkartzea. Enpresa-sareen gaineko filosofian trinko txertatuta dago ideia hori, eta hau du oinarri: batasunak ematen du indarra. Beraz, saia zaitez aliantza estrategikoak eratzen gai horiei buruz zuk bezala pentsatzen duten beste enpresa batzuekin. Izan ere, elkarrekin bultzatzen dituzuen ekimenek askoz ere eragin handiagoa izango dute bakarka sustatzen dituzunek baino.
  • Eman zure konpromisoaren berri enpresari buruzko informazioan Komeni da ematea zureganatu duzun erantzukizun ekologikoaren berri zure negozioari buruzko informazio komertzialean: aurkezpen-txartelak, sinadura elektronikoak, gutun komertzialak… Zure konpromiso ekologiko horrek prezio-igoerarik eragiten badu (baita txikia bada ere), esan bezeroei, eta jakinarazi zer onura ekarriko dien aldaketak.

Eta jasangarritasunaren balioak zureganatzeaz gain “negozio berdeen” munduan murgiltzeko asmoa baduzu, hona hemen aurkituko dituzun abantailetako batzuk:

  1. Joera sozial bat da. Geroz eta kontsumitzaile gehiago dira ekimen komertzial jasangarrien aldekoak. Noski, diru-sarrera handiagoak ekarri ohi ditu berekin joera horrek. Izan ere, ekologiarekin eta ingurumenarekin bat egiten duten kontsumitzaileek gainerakoek baino errazago ordaintzen dute gehiago produktu edo zerbitzu jasangarri baten truke.
  2. Aukera asko eskaintzen ditu merkatu horrek. Merkatu ekologikoa ez da oraindik erabat “loratu”. Egunero sortzen dira green business (negozio berdeak) deritzonarekin lotura duten ideia berriak, eta bakoitzak bere bezeroak ditu: bulegoko materialaren birziklatzea, etxebizitza erabilien hustuketa ekologikoa…
  3. Gutxiago inbertitu behar da lehengaietan. Negozio-mota horren abantailetako bat hau da: hondakin guztiak ahalik eta gehiena aprobetxatzea eta berriro erabilgarri bihurtzea enpresa-filosofian sartzen da. Hori dela eta, gutxiago inbertitu behar da lehengaietan; haiek berrerabiliz gero, berriz, inpaktu txikiagoa dute ingurumenean.
  4. Finantziazio-erraztasunak. Geroz eta banku gehiagok jartzen dute baldintzatzat, kredituak eman aurretik, jasangarritasun-parametro batzuk betetzea. Oraingoz, Europako zenbait herrialdetan ari da hedatzen joera hori (Alemania, Herbehereak eta Erresuma Batua), baina gure ingurura ere laster iritsiko da.

Laburbilduz, enpresa berde bat sortzera bideratu nahi baduzu zure ekintzaile-ahalmena, ekoizpen-prozesuak ahalik eta energia, lehengai eta ur gutxiena kontsumitu behar du. Horretarako, ekoeraginkortasun-estrategiak erabili behar dituzu. Ahalik eta gutxiena kutsatu, birziklapena sustatu, eta material jasangarriak erabili. Neurri horiek aplikatze hutsarekin, Lurra zaintzen ari zara; eta gainera irabaziek gora egiten badute…, zeren zain zaude? Ekin berehala lanari!

Eta aholkularitza behar baduzu zure negozioa suspertzeko, Gaztenpresak behar duzun laguntza guztia eskaintzen dizu, hasi Mentoring programa batetik eta prestakuntza-lantegietaraino, gaitasun berri batzuen jabe egin zaitezen. Zain gauzkazu!

Post gehiago irakurri.

Maitza 31, 2023
Andrea Fernández-ena izan zen Gaztenpresatik ekimenean ezagutu genuen beste ekintzailetza-istorioetako bat. “Argentinar doinurik ez duen ekintzaile argentinarra eta erremediorik gabeko ibiltaria” da. Orain dela 20 urte baino gehiago etorri zen Andrearen familia Bilbora, hark hamabi urte baino ez zituenean. Bizitza pertsonalaren eta profesionalaren arteko orekari eusteak duen garrantziaz hitz egin zigun arlo anitz jorratzen dituen...
Maitza 23, 2023
Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea. Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen...
Maitza 17, 2023
Duela egun gutxi batzuk gure 2022ko Memoria aurkeztu genuen Donostian. Izan ere, aurten Donostia Gizarte Ekonomiaren Hiriburu izendatu dute. Prentsaurrekoaren ondoren, Gaztenpresatik ekitaldia egiteko aprobetxatu genuen, hain zuzen ere, gure erkidego ekintzailea inspiratu, motibatu eta babesteko ekitaldia. Topaketa hau oso mamitsua izan zenez, eta ezer ez ahazteko, bertan gertatu zen guztia kontatzea erabaki dugu. Has...
Apirila 28, 2023
Gure inguruko errealitate soziala hobetzeko helburuari jarraikiz, Gaztenpresan 314 negozio berri abiarazten lagundu dugu 2022an, eta horiei esker 637 lanpostu sortu dira. Hori horrela izanik, ia 30 urteko ibilbide honetan, 6.578 enpresa eta 12.041 enplegu sortzen lagunduko dugu, eta LABORAL Kutxaren bitartez 192 milioi euro lortzeko aukera eman dugu, mailegutan. Datu horiek guztiak gure 2022ko...
Apirila 17, 2023
Guztion ahotan dago Adimen Artifiziala (AA), eta ChatGPT tresnari zor zaio bere ospearen zati handi bat. Tresna hori OpenAI enpresak merkaturatu zuen joan den urtearen amaieran, eta guztiok harrituta utzi gaitu galderei erantzuteko, elkarrizketak izateko eta testuak modu natural eta koherentean sortzeko duen eraginkortasunagatik eta zehaztasunagatik. Tresna horrek zer egin dezakeen ikus dezazuen, pentsatu dugu...
Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...