×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Aurkezpenak egiteko tresnarik onenak

Share on facebook
Share on twitter
Share on linkedin
Share on whatsapp
Share on email

Aurkezpenak aukera paregabea dira, batez ere ekintzailea bazara: areto batean bezero izan daitekeenarekin elkartu eta zure produktua edo zerbitzua aurkeztea salmentarako lehen urratsa da. Pisuzko arrazoia da ahalegin guztiak egin eta eskura dituzun tresnarik onenak erabiltzeko.

Aurkezpen ona egitea ia-ia salmenta burutzea da; erdipurdikoa egitea bezeroa uxatzea da. Gogoratu, bestela, Power Point bidezko aurkezpen amaigabe hura, diapositiba motel, aspergarri eta errepikakorrez betea. Zure aurkezpenak astunak izan ez daitezen, erabilerrazak diren tresna batzuk erakutsiko dizkizugu, solaskideen arretari eusten lagunduko dizutenak. Zure aurkezpenek arrakasta izan dezaten.

Prezi

“Erakargarria, eraginkorra, limurtzailea”. “Diseinatzaile ez direnentzat diseinatua”. Hungariako startup honek 85 milioi erabiltzaile baino gehiago ditu munduan, eta Power Pointen ordezko aukera fidagarri, erraz eta eraginkorrenetako bat da. Askotariko txantiloi mordoa eskaintzen du, egin nahi duzun aurkezpen-motaren arabera diseinatutakoak. Aurkezpen dinamikoak diseinatzeko lagungarri izango zaizun oihal ireki antzeko bat eskaintzen du, zooma duena, zure solaskideak modu originalean pasa daitezen diapositiba batetik bestera. Android eta iOS gailuetarako appa du, baina Viewer formatuarekin bakarrik dabil eta ez du uzten azken orduko aldaketarik egiten.

Emaze

Programa bikaina da aurkezpenak sortzeko, baina baita web-orriak, txartel elektronikoak, blogak edota argazki-albumak ere. Emazek aurkezpen oso erakargarriak prestatzen lagunduko dizu, bere HTML editorearekin. Aukeratu zure aurkezpenera egokitzen den txantiloia eta pertsonalizatu diapositibak zeure edukiarekin. Kito! Aurkezpena audioarekin hobetu daitekeela uste baduzu, aurrera; bideo edo infografiaren bat behar duelakoan bazaude, gehitu itzazu beldurrik gabe. Eta lehenago Power Pointekin egin duzun aurkezpena inportatu eta formatu berrira ekar dezakezu. PCrako diseinatuta dago, eta Android gailuetarako appak aurkezpenak ikusi eta partekatzeko aukera bakarrik eskaintzen du.

Brainshark

Software honekin, modu dinamikoan erakutsiko duzu zure aurkezpenaren edukia, antolatutako fitxetan banatzeko aukera eskaintzen baitu. Brainshark-ek argazkiak eta bideoak sartzeko aukera ematen du, eta PPTak, PDFak, Word dokumentuak, pantaila-argazkiak eta abar bihurtzeko laguntza eskaintzen du. Programak honekin, hainbat formatutako dokumentuak uztar ditzakezu, ahots-oharrak sartu aurkezpenaren zati bakoitzean, hondoko musika hautatu eta bideoak edo bestelako irudiak tartekatu.

 

Haiku Deck

Aurkezpen minimalista egin nahi baduzu, Haiku Deck da aukerarik onenetako bat. Editoreei edukiak sinplifikatzen laguntzen die, programak berak osagai gutxi batzuk erabiltzera mugatzen baitu aurkezpena. Software honen alderdi erakargarrienetako bat da Getty Images nazioarteko agentzia ezagunaren 40 milioi irudi eskuragarri jartzen dituela. Gainera, aurkezpena hodeian parteka daiteke, eta baita PDF edo PPT dokumentu moduan gorde ere. Letra-tipoen, txantiloien eta irudi-iragazkien aukera zabala eskaintzen du, baina iOS gailuekin bakarrik dabil. Hauxe du goiburu: “Sinplifikatu zure mezua, erabili irudi hunkigarriak eta formatua garbia eta sendoa izan dadila beti”.

Keynote

Applek Power Pointaren ordezko gisa sortu zuen, baina sagarraren markako tresnak beste garatu da. Adibidez, Apple Pencil erabil dezakezu iPadean diagramak edo ilustrazioak marrazteko eta zure diapositibei bizitasuna emateko. Software honekin aurkezpen bikainak egin ditzakezu, efektuz beteak, grafikoak gehi ditzakezu, argazkiak editatu eta zinemako efektuak sartu, modu errazean. Talde-lanerako eta aurkezpenak taldean egiteko pentsatua dago. Gainera, zure aurkezpenak Power Point fitxategi gisa gordetzen utziko dizu.

Tresna horietatik edozeinek lagunduko dizu aurkezpenik onenak osatzen, baina errazagoa eta eraginkorra den besteren bat ezagutzen baduzu, parteka ezazu gurekin!

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...