×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Atera etekina sare sozialetako salmentari Facebook Shoppingekin

Share on facebook
Share on twitter
Share on linkedin
Share on whatsapp
Share on email

Badakizu zergatik deitzen dioten Facebooki sareen sarea? Munduan gehien erabiltzen dena delako: 2.000 milioi erabiltzaile aktibo baino gehiago eta milioika aplikazio eta gune integratu ditu. Hori dela eta, zure sare sozialetako estrategian merezi duen protagonismoa eman beharko zenioke. Baina, esaten badizugu Facebookeko aplikazioetako baten bidez saltoki elektroniko bat ireki dezakezula zure Fan Pagean? Bada, gogoan hartu, tresna hori oso egokia baita zure produktuak Interneten saltzen hasteko. Funtsean, hiru arrazoi hauengatik:

  1. Gehien erabiltzen den sare soziala delako. WhatsAppek adina erabiltzaile ditu Facebookek gure ingurunean. Horrek esan nahi du sare sozialen erabiltzaileen % 90 inguruk Facebook erabiltzen duela.
  2. SEOa ahaztu dezakezulako. Facebook Shopping lagungarri izan daiteke zure posizionamendua hobetzeko. Gogoan izan sare sozial batean gaudela eta zure jarraitzaile eta erabiltzaileak zure produktuetarako edo online saltzeko webgunerako trafikoaren bideratzaileak izan daitezkeela, nahiz eta zure SEOa munduko onena ez izan.
  3. Trafiko kualifikatua erakarriko duzulako. Zure orrialdearen jarraitzaile guztiak izan litezke zure produktuen erosle, eta, Facebooken jarraitzen bazaituzte, noizbait zure jarduerak erakarri egin dituelako da. Beraz, jar iezaiezu erraz eta eskaini zure produktua orrialdetik bertatik.
  4. Zure erosleek orrialdetik irten gabe erosi ahal izango dutelako. Frogatuta dago Facebook erabiltzen duten eta aisialdia bertan ematen duten pertsonek ez dutela orrialdetik irten nahi, salbu eta horretarako arrazoi ona badute. Beraz, zergatik ez diezu dena eginda ematen, erlaitz bakar batean klik eginez zure produktuak eskuratzeko aukera eskainiz?

Oraingoz, Facebookek Estatu Batuetan soilik eskaintzen du bere orrialdearen bidez ordaintzeko aukera. Horrek esan nahi du zure Fan Pageko “denda” plataforma bat besterik ez dela izango, eta bezeroek zure merkataritza elektronikoko gunera jo beharko dutela erosteko. Edonola ere, online merkatua dibertsifikatzeko aukera interesgarria da. Eta erraza, gainera. Izan ere, zure Facebookeko denda sortzeko honako pausu erraz hauek besterik ez dituzu eman behar:

  1. Zure Facebookeko orrialdean, egin klik Denda erlaitzean.
  2. Onartu merkatarientzako baldintzak eta politikak, eta egin klik Jarraitu botoian.
  3. Aukeratu Ordaindu beste webgune batean aukera eta egin klik Jarraitu botoian. Zure Facebookeko dendara produktuak sartzen dituzunean, salmenta-webgunea ere erantsi ahal izango duzu.
  4. Aukeratu erabili nahi duzun dibisa. Dibisa hori produktu guztiei aplikatuko zaie, eta aldatzeko bide bakarra zure denda kendu eta beste bat sortzea da.
  5. Egin kik “Gorde” aukeran.

Behin zure saltokia sortutakoan, produktuak gehitu behar dituzu, banaka edo bildumaka, irudiak eta bideoak barne. Datuak sartzen amaitzen duzunean, zure online dendako produktu bakoitzari dagokion URLa erantsi ahal izango diozu. Horrela, bezeroek, Erosi erlaitzean klik egiten dutenean, zure merkataritza elektronikoko gunera bideratuko dira. Dena dela, zure saltokiko erakusleihoa zabaldu aurretik, kontuan izan aholku hauek:

  • Sortu zuzeneko edukia. Deskribatu zure produktua argi eta garbi, baina ez luzatu gehiegi haien ezaugarriak eta onurak azaltzen.
  • Jolastu eskaintzekin. Facebookek zure produktuen eskaintzak egiteko aukera ematen dizu. Beraz, jolastu horrekin, baina zentzuz. Izan ere, askotan, prezio-jaitsiera batek uxatu egiten ditu bezeroak.
  • Nabarmendu irudiekin. Zure produktua onena bada, onena den itxura izan behar du. Horretarako baliabiderik egokiena produktuaren argazki on eta zainduak erabiltzea da.
  • Erabili Erosketen txantiloia. Facebookek zure orrialderako hainbat txantiloiren artean hautatzeko aukera eskaintzen dizu. Hortaz, zoaz Konfigurazioa eta Orrialdea editatu ataletara, zure dendarako txantiloirik egokiena aukeratzeko.

Itxura ona du, ezta? Halere, denak abantailak direla badirudi ere, FB Shoppingek desabantailak ere baditu. Horietatik garrantzitsuena lehenago aipatutakoa da, alegia zure Fan Pagea ezin duzula online denda gisa erabili. Oraingoz behintzat, Facebookek ez du bere orrialdeetan ordainketak egitea baimentzen Estatu Batuetatik kanpo, ezta PayPal edo Stripe bidez ere. Beraz, zure produktuak salgai jarri nahi badituzu Facebookeko orrialdean, lehenago online denda bat ireki beharko duzu, zure bezeroak Facebooketik bertara bideratzeko. Eta, bai, egia da bezeroak sartzeko bide “ofizialaren” ordezko aukera bat dela, baina nolabaiteko mesfidantza ere sor dezake zure erosleen artean.

Bigarren desabantaila erabilgarritasun txikia da. Izan ere, zure dendan produktuak gehitu nahi dituzun bakoitzean, banan-banan egin beharko duzu. Dendaren katalogoa mugatua bada, adibidez, tartak saltzen badituzu, horrek ez dizu arazorik sortuko. Baina pentsatu zenbat ordu sartu behar dituzun, adibidez, zure negozioa azkoinak eta torlojuak saltzea bada eta ehunka modelo eta barietate sartu behar badituzu eskuz. Hori dela eta, Facebookeko dendaren jatorrizko aplikazioan datuak masiboki sartzeko sistemarik ez dagoenez, ia bideraezina da produktu-kopuru handia salgai jartzen duten saltokientzat.

Halere, lehen esan dugun bezala, Facebookek hainbat aplikazio ditu bere prestazioak hobetzeko, eta horien artean badira batzuk zure merkataritza elektronikoko gunea Face Pagean txertatzea eta zure katalogoko produktuak bertara eramatea ahalbidetzen dutenak. Hori bai, denda  bera ez bezala, aplikazio horiek ordaindu egin behar dira. Hona hemen horietako batzuk:

  • Palbin. Zure online denda Facebookera txertatzeko aukera ematen dizu, nahiz eta aparteko ezagutzarik ez izan. Hainbat abantaila eskaintzen ditu, hala nola domeinu profesionala, zure bankuarekin konektatutako saltokiko terminalaren bidezko ordainketa eta zure dendaren optimizazioa Googleko posizionamendua hobetzeko, beste alderdi garrantzitsu batzuen artean.
  • Beetailer. App horrek inportatu egiten du zure denda Facebookera. Sustapenak egiteko tresnak eskaintzen ditu eta ekintza horien inpaktua neurtzeko analisiak ere egiten ditu. Facebooken zure online denda sortzeko doako plana ere eskaintzen dizu, 30 produkturekin gehienez, baita bi plan ere hileko edo urteko harpidetza egiteko.

Tira ba. Dena prest duzu Facebook Shoppingen murgiltzeko eta, horrela, zure negozio digitala dibertsifikatzeko. Beraz, presta ezazu zeure burua online denden potentziala aprobetxatzeko munduko sare sozialik erabilienean. Eta gogoratu, sare sozialetako marketinari buruzko informazio gehiago nahi baduzu, prestakuntza-tailerrak eta -ikastaroak eskaintzen dizkizugu, gaitasun gehiago eskura ditzazun. Zure zain gaude.

Post gehiago irakurri.

Martxoa 4, 2024
Digitalizazioa da negozio askoren konpondu gabeko arazoa. Horregatik, gaur Cristina Terán kazetari eta marketin digitaleko aholkularia dugu.   Gaztenpresa: Ekiten duzunean, badirudi dena jakin behar duzula. Eta askotan, tresna teknologikoekin (sare sozialak, internet, etab.) identifikatu naiteke edo ongi eta eroso senti naiteke. Baina izerdi hotzak ematen dizkidate kontabilitatearekin, finantzekin eta abarrekin lotutako beste gai batzuekin....
Otsaila 8, 2024
GAZTENPRESA: Inma, lehen, mikroetatik kanpo, ekitea gauza hutsala ez dela jakitea garrantzitsua dela komentatzen ari ginen. Eta oso interesgarria iruditzen zaidan konparazio bat egiten zenuen. Kontatuko diguzu? INMA RAMOS: Guk 30 urte daramatzagu ekiten duten pertsonekin lanean. Eta askotan, pertsonak ekiten duenean, egiten duen lehen aldia da. Beraz, gelditu gabe korrika egiten ari naizen esprint...
Urtarrila 15, 2024
Simon Zineckek zioen ekintzailetza ez dela lasterketa bat, inoiz amaitzen ez den bidaia baizik. Bidaia honetan, motxila tresna askorekin beteta eraman behar dugu, eta funtsezko tresna bat finantza-osasuna da. Iñaki Ruiz de Balugerarekin hasiko dugu solasaldi sorta. Bere ibilbide profesionala enpresei eta ekintzaileei helburu hori lortzeko aholkuak ematen eman du. GAZTENPRESA: Badirudi ekintzaileek denetik jakin...
Abendua 13, 2023
Patxi Vizcainorekinhitz egin dugu. Imanol Lecuona eta Iñigo Graciarekin batera, Vaprest enpresa gipuzkoarra jarri dute martxan. Enpresa horrek mota guztietako sektoreetarako presiozko aparatuak instalatu, konpondu eta mantentzen ditu: altzairutegiak, galdategiak, elikagai-fabrikak, ospitaleak, garbitegiak, etab. Nola erabaki zenuten Imanolek, Iñigok eta zuk ekitea? Gure ekintzailetza beharretik dator. Argi eta garbi. Hirurok lurrunezko galdarak eta fluido termikoak...
Abendua 4, 2023
Beatriz Ramos eta Tzibi Juaristierekin batera, Eukene Aranak irabazi-asmorik gabeko kooperatiba bat jarri du martxan, erakunde publiko eta pribatuei haurrak eta nerabeak babesten, eta tratu ona prebenitzen eta lortzen laguntzeko. Elkarrizketa honetan azaldu digu.   Hobeto ezagutzeko, azalduko al diguzu labur-labur zer egiten duzuen Zain Protección Infancia y Adolescencia erakundean? Gure lana, batez ere, erakunde...
Azaroa 10, 2023
Sheila Rubiarekin hitz egin dugu gaur. Emakume ekintzaile honek, Emilio Cabrera bikotekidearekin batera, etxeko sukaldaritzako negozio bat jarri du abian Iruñean, eramateko janariarekin. Bere establezimenduak “Pollos Asados La Abuela” du izena eta, elkarrizketa honetan, proiektu honen jatorria eta Gaztenpresak errealitate bihurtzen nola lagundu dion azalduko digu.   Nola sortu zen zuen negozioa abian jartzeko ideia?...