×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Argazki-trikimailuak, zure produktuak online dendan dotore agertzeko

Share on facebook
Share on twitter
Share on linkedin
Share on whatsapp
Share on email

e-commerce edo marketplace batean, produktuak kontsumitzaileen begietatik sar daitezen lortzea erosketa posible baten erdia burututa edukitzea da. Horregatik, nahitaezkoa da zure online salmentarako webgunearen diseinua sektorerako egokiena eta zure salgaien argazkiak ahalik eta erakargarrienak izatea.

Zentzu horretan, salgaien irudiek xehetasun nahikoa izan behar dute, irudi horren bidez ordeztu behar baitira negozio fisiko bateko teknika komertzialak ez ezik, edozein kontsumitzailek produktua eskuartean erabiltzeko duen premia ere.

Egokiena profesional batengana jotzea da… ahal baduzu behintzat. Alabaina, ekintzaile hasi berria bazara eta gastutan ibiltzeko aukera askorik ez baduzu, zeure reflex kameran edo smartphonean erabiltzeko trikimailu eta teknika batzuk aholkatuko dizkizugu.

Lehenik eta behin, salgaien argazkiek gutxieneko kalitatea izateko, honako hauek behar izango dituzu:

  • Tripodea. Ia kamera bezain garrantzitsua da. Reflexa erabiltzen baduzu, diagrama zenbat eta gehiago ireki, orduan eta argitasun eta eremu-sakonera handiagoa lortuko dituzu, baina kamerak obturadore-abiadura handiagoa behar izango du eta errazago nabarituko du edozein mugimendu, baita txikiena ere. Horregatik, kamerak geldi egon behar du.

Smartphonea erabiltzen baduzu, gauza bera. Gaur egun, gama ertain-altuko kamerek HDR eta antzeko funtzioak izaten dituzte irudiak automatikoki hobetzeko; halere, irudiak guztiz geldi egon behar du, ahalik eta bereizmenik handiena lortzeko.

  • Atzealde zuria eta beltza. Objektua nabarmentzeko eta enkoadraketan trabarik ez egoteko, atzealde zuria erabiltzen da. Atzealde beltzak, berriz, hobeto nabarmentzen ditu distira eta kolore leunak, eta kontrastea areagotu egiten du. Bi tonuetako kartoi meheak edukitzea komeni da baina, batez ere beltza erabiltzen baduzu, kontrasteak ondo erabiltzen jakin behar duzu, tolesdurak edo zimurtasunak ikus ez daitezen. Atzealde ilunek, ondo erabiliz gero, luxua eta esklusibotasuna transmititzen dute.
  • Argitasun egokia. Egia jakina dirudi, baina argitasuna da argazkia egiteko konturik garrantzitsuena. Argi-ekipamendu profesionalik ez baduzu, hobe argitasun naturala aprobetxatzen baduzu. Burutik pasatu ere ez flasha erabiltzea.
  • Errebote-txartel zuriak. Argiak errebotatzeko eta itzalik ez sortzeko erabiltzen dira. Ispiluak balira bezala erabili behar ditugu, nabarmendu nahi dugun lekura eramateko argia.
  • Argazkiak editatzeko programa bat. Profesionalek Photoshop erabiltzen dute, horixe baita argazkiak editatzeko dagoen programarik onenetakoa, baina ordaindu egin behar da eta, gainera, zaila da erabiltzea. Onena, erraz erabiltzeko moduko doako programa batera jotzea. Gogoan izan ez dugula nahi Annie Leibovitz bihurtzerik; kalitate dezenteko salgaien argazkiak egitea nahi dugu, ez besterik.

 

Sektore bat, argazkiak egiteko teknika bat.

Dena eskuartean duzunean, argazkiak egiten hasteko unea iritsi da. Lehenengo eta behin, zure sektoreari hobekien egokituko zaion teknika erabili behar duzu; egin begirada bat lehiakideek egiten dutenari. Ikusiko duzun bezala, salgaien argazkigintzaren munduan ez dago arau finkorik; halere, bideratzen laguntzeko aholku batzuk emango dizkizugu:

Moda. Modako irudiak egiteko erarik onena modeloak erabiltzea da. Horretarako inor ez baduzu, beste teknika batzuk erabil ditzakezu. Errazena, Flatlay (lauaren gainean) izenekoa, nahiz eta jantziak pertxatik eskegita edo maniki baten gainean ere jar ditzakezun. Azken garaian askotan erabiltzen dira knollingak edo natura hil zenitalak, jantziak elkarren artean uztartuta zer efektu izango duten erakusteko.

Elikagaiak. Aukeratu produkturik ederrenak eta ez mugatu atzealde zuri baten gainean argazkiak egitera. Sortu konposizioak eta txertatu produktuak atzealdeko beste irudi batzuen gainean.

Elektronika. Xehetasunak egingo du aldea. Adibidez, marka batzuetako smartphoneei begiratuz gero, beharbada guztiak antzekoak direla begitanduko zaizu. Bilatu ikuspegi desberdinak eta jarri berebiziko arreta produktua berezi egingo duen xehetasun horretan.

Bitxiak. Arlo honetan gure argazkilari-senetik onena atera beharra dugu, atzealdeekin jokatu, argiak erabili… Ez izan argazki asko egiteko beldurrik. Azkenean irudi bikaina aurkituko duzu.

 

Trikimailu eta teknika horiek guztiak abiapuntu egokia badira ere, gogoan izan nahi duzun argazkia lortzeko garrantzitsuena logika erabiltzea, probak egitea eta zeure sektorerako patroirik egokiena aurkitzea dela. Hori guztia aurkitzen duzunean, egiten dituzun argazki gehienekin gustura egongo zara eta dena errazagoa gertatuko zaizu.

Irudia zure online denda berriaren alderdi garrantzitsua da, baina badira ahantzi ezin dituzun beste asko ere. Gaztenpresak eskura jartzen dizkizun prestakuntza-lantegietan parte hartzera gonbidatzen zaitugu, zure negozioa sortzen edo abian duzuna finkatzeko laguntzeko.

Post gehiago irakurri.

Abendua 28, 2021
Zure negozioa martxan jartzeko orduan, kontuan hartu beharreko hainbat aldagai daude. Zure ideiak antolatu eta negozio-plan bat egin duzu ekiteko baldintzak hobeak izan daitezen. Badakizu zer egin nahi duzun, baita zure jarduera nola garatu ere. Hori guztia oso garrantzitsua da, baina lehen alderdi erabakigarria zure enpresak merkatuan aurrera jarraitzeko behar duen salmenta-zifra jakitea izango da....
Abendua 27, 2021
Egun gutxitan itxiko dugu 2021a, eta urteko azken egunotan eskerrak eman nahi dizkizuegu aurten ere. Badoan urte honetan, poliki-poliki gaindituz joan gara 2020an pandemiaren hasierarekin bidean azaldu zitzaizkigun oztopo handiak. Zuetako askorentzat, erronka horiek sormenaren akuilu izan ziren zuen negozioa berritzeko eta egoera berrira egokitzeko. Urte zail hauetan martxan jarritako ekintzailetza-proiektu askotan gure ekarpentxoa egin...
Abendua 15, 2021
Lan-norabidea aldatu nahi duzu? Negozio bat itxi behar duzu? Baja eman nahi diozu eta ez dakizu nola? Lehenik eta behin, gogoratu: horrelakoak gertatu egiten dira. Arrakastarik izan ez duen abentura pertsonala bada, ondorio egokiak ateratzea gomendatzen dizugu, erantzukizunez eta errudun sentitu gabe, eta ez etsi. Gaztenpresan, enpresa-proiektuaren fase guztietan laguntzen dizugu, eta, badakigunez agian ekintzailetzaren...
Abendua 2, 2021
Negozio bat martxan jarri baino lehen, hainbat erabaki hartu, kalkulu asko egin eta faktore ugari aztertu behar dira; baina benetako erronka gure denda, jatetxe edo bulegoaren pertsiana altxatzen dugunean hasten da. Egunero, datu hauek hartu beharko ditugu kontuan, gure hasierako negozio-plana ondo zegoen ala doikuntzaren bat behar duen ikusteko: erosketen bolumena, gehien edo gutxien saldutako...
Azaroa 23, 2021
Ekintzaile askok, beren negozioaren publizitatea Interneten eta/edo sare sozialetan egiteko aukera planteatzen zaienean, ez dute beharrezkotzat hartzen, inbertsio gisa baino gehiago gastu gisa ikusten baitute aukera hori. Eta, jakina, Googlen, Facebooken, Instagramen… iragarkiren bat egiten badugu zein helburu lortu nahi dugun argi izan gabe eta iragarki hori zein publikok jasoko duen ondo zehaztu/segmentatu gabe, seguruenik,...
Azaroa 19, 2021
Gaur, azaroak 19, Emakume Ekintzailearen Nazioarteko Eguna da. Horregatik, Gaztenpresatik, zorionak guri, emakume ekintzaileoi, gure negozioa aurrera ateratzeko egiten dugun etengabeko lan eta ahaleginagatik. Badakigu gaur egun oraindik ere desparekotasun handia dagoela gure gizartean, eta aparteko ahalegina egin behar dugula. Hala ere, Gaztenpresako ekintzaileen artean, % 42 emakumeak izan ziren 2020an; horrek esan nahi du emakumeak...