×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Lantoki produktibo, praktiko eta osasungarria sortzeko aholkuak

Share on facebook
Share on twitter
Share on linkedin
Share on whatsapp
Share on email

Izan daiteke informala, klasikoa, vintage, modernoa, funtzionala, bai eta alternatiboa ere. Baina, kasu horietan guztietan, zure lantokiak ordenatuta, zainduta eta garbi egon behar du, eta, batez ere, praktikoa eta osasungarria izan behar du.

Berdin dio barne-bulego ilun batean lan egiten baduzu edo zure etxeko bazter bat atondu baduzu autonomo gisa lan egiteko: funtsezkoena da inspirazioa bilatzen duzun leku horrek lan egiteko girorik egokiena eskaintzea. Errendimendu berdina emango al zenuke mahai kalamastra baten aurrean eta aulki herren baten gainean eserita, horma marroi bati begira eta ondoan landare bat bera ere izan gabe? Imajinatzen al duzu?

Galdera horrek pentsarazi baldin badizu, agian lantokia zure beharretara egokitzeko garaia heldu da. Baina dirua xahutzen hasi aurretik, pentsatu zer behar duzun, irudikatu azken emaitza eta hartu kontuan aholku hauek, baliagarri izango baitzaizkizu.

  • Erabili altzari egokiak. Laneko aulkiak eta mahaiak zerozergatik izango dute izenlagun hori, ez duzu uste? Gogoan izan egunean hainbat ordu emango dituzula ordenagailuaren aurrean eserita, eta denbora horretan jarrera osasungarria eduki behar duzula. Horregatik, altzari erosoak aukeratu behar dituzu, lesio zerbikalik eta lunbarrik eragingo ez dizutenak eta estresari aurre egiten —eta ez sorrarazten— lagunduko dizutenak.
  • Eman argia zure lanari. Kanpoko argia duen leku batean lan egin ahal baduzu, primeran. Adituek diotenez, argi naturalak erne eta kontzentraturik egoten laguntzen dizu. Baina alokairua ez bada horrenbesterako iristen, zuk zeuk jarri beharko duzu argia. Ugaria, zuria eta distiratsua izan behar du, eta ahal bada, LED motakoa, ahalik eta gutxien gastatzeko. Ez ahaztu lan egiteko argi gutxiko lekuek buruko mina eta nekea sorrarazten dituztela.
  • Kolorea bizitza da. Ba al dakizu, adituen arabera, kolore beroek, hala nola gorriak, indarra ematen duten arren, estresa ere sorrarazten dutela? Eta horiak asaldura eta laranja-koloreak mesfidantza eragiten dutela? Hainbat ikerketak lotu egin dituzte sentsazioak eta koloreak. Haietako gehienak bat datoz berdeak eta urdinak lasaitasuna ematen dutela eta dinamismoaren, harmoniaren eta egonkortasunaren sinonimoak direla esatean. Aukeratu al duzu zeure kolorea?
  • Jarri landareak. Landareak zaintzea gogoko ez duten horietako bat zara, agian. Horrela bada, jakin behar zenuke barneko landareek, gela batean estrategikoki kokatuta, airearen kalitatea hobetzen dutela eta estresa kentzen eta kontzentrazioa hartzen laguntzen dutela. Gainera, landareek irudi ona emango diete zutaz bezeroei, bisitan joaten zaizkizunean.
  • Kaosa badago, ordenaturik egon dadila behintzat. Pertsona bakoitza mundu bat da, eta batentzat anabasa jasanezina dena, beste batentzat gauza guztiak eskura izatea da. Halere, guztientzat balio duten oinarrizko arauak daude. Laburturik, honako hiru hauek dira: kendu aldamenetik behar ez dituzun gauzak, eduki garbi eta saiatu hormak ez betetzen. Horrela, hitz ematen dizugu zure lantokira iristen zarenean ez zarela disgustura sentituko.Espacio de trabajo en casa
  • Pertsonalizatu zure espazioa. Horrek ez du esan nahi zure familiako kide bakoitzaren argazkia mahai gainean jarri behar duzunik. Suspertzen, lasaitzen edo baikor sentiarazten zaituen koadro edo kartel bat jar dezakezula esan nahi du. Hobeto sentiaraziko zaituzten usainez ere bete dezakezu giroa. Adibidez, sandaloak kontzentrazioa areagotzen du, limoiak antsietateari aurre egiten dio, sagar berdearen usaina ezin hobea omen da astelehenetarako eta kanelak ere kontzentrazioa lortzen laguntzen dizu…
  • Hartu atseden zure lantokitik kanpo. Atsedenaldi bat hartu nahi baduzu, ez egin ordenagailuaren aurrean, laneko aulkian eserita, minutu bat geroago lanean arituko baitzara berriro. Irten hortik, eman paseotxo bat, hitz egin lankideren batekin edo aprobetxatu lanean zauden bitartean egiterik ez duzun gauza horietako bat egiteko.

Aholku horiek guztiak lagungarri izango dituzu lanerako behar duzun kontzentrazioa lortzeko. Baina ez dugu post hau itxi nahi Feng Shui deritzon teknika aipatu gabe. Diotenez, teknika taoista horrek argibideak ematen ditu jakiteko nola banatu espazioa era harmoniatsuan, bertan dauden pertsonengan eragin positiboa izateko. Hitzez hitz, haizea eta ura esan nahi du Feng Shuik. Horren atzean dagoen sinesmenaren arabera, bada Chi izeneko bizi-arnas bat, eta horren fluxua aldatu egiten dute espazioaren formak eta antolakuntzak, orientazioak, puntu kardinalek eta denbora-aldaketek. Aholku hauei esker, zure bulegoa Feng Shui espazio bat bihurtu ahal izango duzu:

Funtsezkoa da garbi eta ordenatuta izatea, eta hondakinak aldizka kentzea.

  • Ez jarri idazmahaia ez sarrerako atearen aurrean ez zure bizkarraldean, energia-eroale txarra bihur baitaiteke.
  • Saiatu beste pertsona baten aurrean ez egoten lanean. Beste irtenbiderik ezean, jarri apaingarri edo panel bat elkarren artean, intimitate-apur bat izan dezazun.
  • Jarri telefonoa eta laneko tresnak idazmahaiaren eskuinaldean eta argia ezkerraldean. Sormena areagotu egingo duzu.
  • Jarri landare naturalak gelako hego-ekialdean. Horrela, oparotasuna erakarri eta harreman onak izango dituzu lankideekin. Horren harira, kaktusek giroko elementu negatiboak eurenganatzen omen dituzte.
  • Armairu, tiradera eta artxibategiek ordenaturik egon behar dute eta giroan ez da gehiegizko apaindurarik izan behar, energia-fluxuak oztoporik izan ez dezan.
  • Egin atsedenaldiak leku irekietan eta inoiz ez korridoreetan, horrelako lekuetan bibrazio txarrak geratzen baitira.

Gogoan dituzu aholku horiek? Espero dugu aholkuok zure lana ahalik eta emankorrena eta osasungarriena izateko balio izatea. Eta gogoan izan Gaztenpresan gainerako gauza guztietan lagunduko dizugula: zure negozioa martxan jartzen duzunetik finkatzen duzun arte, baita mentoring-programekin ere. Dagoeneko 4.000 ekintzaileri baino gehiagori lagundu diegu. Beraz, hurrengoa izan nahi baduzu, konta iezaguzu zeure idea. Zain gaituzu.

¿Quieres leer más artículos relacionados?

enero 13, 2021
Una persona emprendedora es un auténtico valor en sí misma: aporta visión de negocio, iniciativa, creatividad y liderazgo; es innovadora, resolutiva, sabe sobreponerse a los obstáculos y es capaz de reinventarse para mantener su negocio. Pero cuando una persona emprendedora forma parte de otra empresa se convierte en una auténtica joya a la que hay...
enero 4, 2021
Una de las lecciones que nos ha dejado el viejo 2020 es que el emprendimiento implica colaborar, adaptarse y, sobre todo, innovar. Por eso en Gaztenpresa hemos aprovechado la llegada del nuevo año 2021 para poner en marcha nuestra web renovada, una herramienta innovadora diseñada para adaptarse a todos los escenarios del emprendimiento con el...
diciembre 30, 2020
El genial Albert Einstein dijo una vez: “Es en épocas de crisis cuando nace la inventiva, los descubrimientos y las grandes estrategias”. Y aunque 2020 ha sido un año especialmente duro para mucha gente, también nos ha permitido descubrir el talento, la capacidad de superación y el espíritu emprendedor de muchísimas otras personas que, como...
diciembre 7, 2020
El modelo Canvas es uno de los métodos más efectivos que existen para describir una idea de negocio de una manera sencilla, visual y comprensible. Se basa en el libro The Business Model Canvas, escrito por Alexander Osterwalder. Este método parte de la premisa de que cualquier empresa debe asentarse sobre cuatro pilares: los clientes,...
diciembre 1, 2020
Aunque la hostelería es uno de los sectores más castigados por la pandemia, cada día encontramos ejemplos de personas emprendedoras que no se resignan y que intentar combatir esta difícil situación con creatividad y buen ánimo. Juan Carlos Caro y Borja García Argüelles son dos de esas personas que han decidido dar un paso adelante...
noviembre 6, 2020
Como parte del Programa de Consolidación de Gatenpresa, hemos diseñado una serie de webinars que tienen como objetivo ayudarte en la digitalización de tu negocio y la gestión de la tesorería de tu negocio. Son cinco webinars de una 1 hora de duración y temática complementaria, que se pueden realizar individualmente o en su totalidad....

Esta web utiliza cookies para que tengas la mejor experiencia. Si continúas navegando estás dando su consentimiento para la aceptación de las mencionadas cookies y de sus políticas.