×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Ikasi zeure marka sortzen Gaztenpresaren eta Doctora Retailen eskutik

Share on facebook
Share on twitter
Share on linkedin
Share on whatsapp
Share on email

Zeure enpresa sortzeko zorian zabiltzala eta jarraibide batzuk behar dituzu negozioa hasieratik ondo gestionatzeko? Ba al dakizu nola eman ezagutzera bezeroei enpresa berria? Bezeroekiko harreman-eremu bat izango duzu, eta lokalaren diseinua planifikatu beharra al daukazu? Irtenbide praktikoa emango diegu gai horiei guztiei Gaztenpresaren lantegietan, behar bezala has dadin lanean zure enpresa.

Horregatik, beste ezer egin aurretik, hau gomendatzen dizugu: begiratu, arretaz, datozen hilabeteotan EAEko hiriburuetan eta Iruñean emango ditugun trebakuntza-saioak. Ez badaukazu astirik hitzaldietara zuzenean etortzeko, ez utzi irakurtzeari. Izan ere, luxuzko hizlari bat dakargu gaur, aitzindari gisara: Igone Castillo, Doctora Retailen arduraduna.

Nahiko erraza da enpresa bat sortzea, baina hari merkatuan iraunarazteko, lan handia eta planifikazio zorrotza behar dira. Garrantzitsuak dira, etorkizunerako, lehen urratsak; horregatik, ondo has zaitezen nahi dugu.

 Zeure marka propioa sortzea da gairik garrantzitsuenetako bat zure enpresa-proiektua martxan jartzeko

Marka behar al du nire enpresa berriak?

Litekeena da zure negoziorako izena ere pentsatua izatea jada, baina…, gauza bera al dira izena eta marka? Zure enpresaren izena edo logotipoa baino askoz gehiago da marka. Zure marka gogoratuko dute elkarrizketa batean zure proiektuaz hitz egin diezun haiek, zure publizitate-orri bat edo txartel bat hartzen dutenek, zure saltoki edo bulegora bisitari joaten zaizkizunek… Zure marka sortzea pentsatu ez baduzu ere, zure enpresaz zerbait gogoratuko du jende horrek; garaia da, beraz, gaiari ekiteko.

Zure markaren posizionamendua

Diseinuari ekin aurretik, pentsatu zer adierazi nahi duzun, zer arrasto utzi nahi diezun zure bezero izan daitezkeen horiei. Bezero jakin batzuen premietarako konponbideak eskaintzen ditu zure negozioak, eta modu jakin batean egiten du hori, lehiakideek ez bezala: Zein dira bezero horiek? Zein da haien arazoak konpontzeko zure modu berezi hori? Nola konpontzen dituzte zure lehiakideek? Iritsi da zure negozio-plana berriro jorratzeko unea: egiazta ezazu, beraz, bat datozen egin nahi duzuna eta adierazten duzuna. Sinesgarria izan behar du zure markak, eta konfiantza sortu bezeroen, zure lantaldeko kideen, inbertitzaileen eta inguruan dituzun guztien artean.

Zure markaren nortasuna

Nolakoa nahi duzu izatea zure marka? Zer esaten duzun ez ezik, nola esaten duzun ere pentsatu behar duzu zure negozioko markaren nortasuna zehaztean. Komunikazio-estrategia bat prestatzeko, beraz, edukiei begiratu lehenbizi: zer onura eskaintzen dizkiezu zure produktu edo zerbitzuen kontsumitzaileei edo erabiltzaileei? Zer balio eta konpromiso erabiltzen ditu zure enpresak? Nolakoak dira zure lantaldeko jendearekiko harremanak? Eta hornitzaileekikoak?

Ondo zehaztu duzu jada zer den zure enpresa, eta nola egiten duen lan; orain, hasi zure marka ezagutarazten. Baina, gogoan izan hau: komunikazioaz baliatu behar duzu jendearen emozioetara iristeko. Errazago gogoratuko zaituzte bezeroek haien bihotzera iristea lortzen baduzu.

Marka-arkitektura

Baliteke “marka” bat baino gehiago izatea zure enpresak; hala baldin bada, ondo antolatutako hierarkia osatu behar dute markek, ulergarriak izan dadin. Adibidez, zure enpresa eskualdeko edo gremioko elkarte bateko partaide baldin bada, babes-lana egingo du elkarte horrek, eta bazkide guztien ezaugarri komun batzuk zehaztuko ditu. Gerta liteke, halaber, marka desberdinak behar izatea eskaintzen dituzun produktu eta zerbitzuetarako, bai haien ezaugarriak bereizteko, bai haietako bakoitza zer bezero-multzori eskaini zehazteko. Bestalde, bere marka pertsonala du zure negozioko kide bakoitzak. “Arkitekturaren” bidez, hierarkia bat sortzen dugu, elkarrekin bizi eta harremanetan diharduten marka horiek guztiak multzo koherente bat izan daitezen.

Zure markaren alderdirik nabarmenena

Aipatu ditugun alderdi guztiak argi ikusten direnean, iritsi da gure marka paperean, bisita-txartel batean, triptiko batean, uniforme batean, webgune batean… ipintzeko unea. Oso lagungarri izango zaizu horretarako “nortasun korporatiboko eskuliburu” bat, leku bakoitzean zure logotipoa nola erabili jakin dezazun.

Komeni da ezagutzea zure logoa eraman behar duen material edo fitxategi bakoitzaren bereizgarriak. Izan ere, fitxategi desberdinak sortu beharko ditu diseinatzaileak, haietako bakoitzari eman behar zaion erabileraren arabera. Hasi behar duzu ikasten, besteak beste, koloreei buruzko terminologia (adibidez, hamaseitarra, Interneterako; CMMYK, inprimatzeko). Gainera, dagokion tamaina izan behar du fitxategi bakoitzak, inprimatzekoak zein Interneterakoak, bere lekura ondo egokitu dadin; sustapen-txartel, -orri eta eta –oparietarako zentimetroak eta milimetroak erabiliko ditugu, eta “pixelak” neurritzat webguneko edo sare sozialetako fitxategietarako.

Argazkiak ere garrantzizkoak dira. “Argazki-banku” bateko irudiak erabiltzeko tentaldia izango duzu; baina, ahal dela, erabili zeure argazki propioak: irudi zintzoagoa eta bereziagoa emango duzu.

Nire markaren erregistroa

Berria baldin bada zure marka, beharbada ez zaizu burutik pasako hura erregistratzea. Baina erregistratu gabeko marka bat babesik gabe dago erabat; ez da zurea. Arrakasta izaten baduzu, beste enpresa edo pertsonaren batek erabil dezake marka hori, zure baimenik gabe, eta ez duzu hura babesteko modurik izango. Gogoan izan: ez da nahikoa zure webgunearen domeinua erregistratzea; marka ere erregistratu egin behar duzu, eta zure jarduerari lortu, OEPM-n (Espainiako patente eta Marka Bulegoa). Internet bidez erregistra dezakezu, baina denborarik ez baduzu, badaude izapide horiek egiten dituzten enpresak.

Hurrengo lantegian (“Nortasun korporatiboaren eskuliburua: nola eta zergatik egin?”), zure helburuei buruz gogoeta egiten lagunduko dizugu, zure markaren bereizgarriak, nortasuna eta balioak zehazten, argiro eta eraginkortasunez helarazteko zure bezeroei, inbertitzaileei eta inguruan dituzunei. Ikasi zure bezeroak hunkitzen, ikasi besteengandik bereizten!

 

Egilea:

Arte Aplikatuetan graduatua da Igone Castillo, dekorazio atalean, eta goi-teknikaria Gestio Komertzialean eta Marketinean. Graduatu ondoren, saltzaile, arduradun eta interiorista jardun zuen zenbait dendatan, bartez ere dekorazioaren, etxeko gauzen eta erreformen alorrean. Ibilbide profesional horretatik sortu zen Doctora Retail, non bat egiten duten marketin-aholkularitzak, diseinuak, interiorismoak eta trebakuntzak, betiere merkataritzaren sektorea dela helburu.

 

¿Quieres leer más artículos relacionados?

Mayo 17, 2022
La llegada de la pandemia hizo que los hábitos de consumo de las personas se modificarán radicalmente y tuvieran que adaptarse a un entorno más digital. Si los datos ya eran alentadores, en 2021 la población de Euskadi usuaria de internet continuó creciendo, hasta alcanzar el 84,9%. De este tema hablamos hoy, Día Mundial de...
Mayo 16, 2022
Se dice que una imagen vale más que mil palabras y eso es precisamente lo que nos va a facilitar Canva: la creación de contenido gráfico para nuestro negocio de una forma sencilla e intuitiva, sin necesidad de tener conocimientos de diseño. Y es que esta herramienta on-line pone a nuestra disposición un gran número...
Mayo 9, 2022
Cuando ponemos en marcha un negocio (o tenemos intención de hacerlo), una de las primeras cosas que toda persona emprendedora debe hacer es presentarlo a los demás: potencial clientela, distribuidores, organismos de desarrollo local que vayan a darnos apoyo e, incluso, a entidades financieras que nos faciliten un crédito con el que poder arrancar nuestra...
Mayo 5, 2022
Ya hemos comenzado con el primer ciclo 2022 de los Miércoles Financieros de Gaztenpresa a los que tendrás la oportunidad de asistir todos los miércoles hasta el 15 de junio. ¿Qué son los Miércoles Financieros? Es una programación de webinars, impartidos por la consultoría económico-financiera FinBox. Todos ellos tendrán una duración de una hora, en...
Abril 28, 2022
Según el informe anual de Osalan de enfermedades profesionales en la CAPV, en su estudio sobre frecuencia según grupo de agente, en 2020 se registraron un total de 1.705 casos relacionados con posturas y movimientos repetitivos, un 78% del total. En este contexto y con motivo del Día Mundial de la Seguridad y la Salud...
Abril 25, 2022
El 16 de abril se conmemora el Día Mundial del Emprendimiento. Con él, se busca visibilizar y fomentar el espíritu emprendedor. Desde Gaztenpresa, aprovechamos el mes para dar voz a algunas de las experiencias emprendedoras que hemos tenido la suerte de apoyar. De la mano de Jon Bixente de Santiago Guijarro, dueño del viñedo y...