×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Eusko Jaurlaritzaren diru-laguntzak saltokiak zaharberritzeko

Share on facebook
Share on twitter
Share on linkedin
Share on whatsapp
Share on email

Zabalik da eskaerak aurkezteko epea: uztailaren 2tik irailaren 15era

Autonomoa edo ETEa (enpresa txiki eta ertaina) bazara eta zure negozioa EAEn kokatuta badago, zure lokala edo saltokia zaharberritzeko laguntza eska diezaiokezu Eusko Jaurlaritzari.

Merkataritza eta Turismo sailak finkatutako baldintzak betetzen badituzu, itzuli beharrik gabeko diru-laguntza jaso dezakezu, inbertitutakoaren % 20rainokoa. Diruz lagun daitezkeen inbertsioetako batzuk:

  • Informatika-aplikazioak (softwarea)
  • Informazioa prozesatzeko ekipamendua eta osagarriak (eskanerra, inprimagailua,…)
  • Saltokiko terminalak
  • Kode-irakurgailuak
  • Etiketatzeko sistemak
  • Agenda elektronikoak
  • Balantza elektronikoak
  • Altzariak
  • Salmenta-lokalak eraberritzea
  • Aire girotuko sistemak, lapurreten aurkakoak, …
  • Errotulazioak, barrukoak eta kanpokoak
  • Erakusleihoak berritzea
  • Merkataritza-jarduerarako beharrezkoak diren aparatuak edo tresnak eskuratzea

Ehuneko horiek bi puntu igo daitezke enpresak Emakumeen eta Gizonen Berdintasunerako Lankidetza Erakunde aitorpena jaso badu, UNE 175001 kalitate-ziurtagiria (oinarrizkoa) badu edo “Saltokitik Enpresara” programan parte hartu izana egiaztatzen duen ziurtagiria lortu badu. Aurretik aipatutakoa baino maila handiagoko bikaintasun-ziurtagiria badu, igoera 3 puntukoa izango da. Halaber, igoera 5 puntukoa izango da enpresa Merkataritza Ganberetako erroldan dagoen merkataritza-elkarte bateko partaide baldin bada, titularrak edo langileak araututako titulazioren bat edo merkataritzarekin lotutako profesionaltasun-ziurtagiriren bat badu, kudeaketa-software batean inbertitzen badu edo Enpresa-transmisioko programa batean parte hartu badu.

Diru-laguntzaren ehunekoa ezin da izan, inolaz ere, onartutako inbertsio osoaren % 25etik gorakoa. Diru-laguntza faktura-kostuaren arabera kalkulatuko da, Balio Erantsiaren gaineko Zerga kendu eta gero.

Informazio gehiago behar baduzu edo zalantzaren bat argitu, jar zaitez gurekin harremanetan. 900 101 143 doako telefonora dei diezagukezu, edo gure webguneko inprimakia bete.

Post gehiago irakurri.

Uztaila 10, 2025
2025eko uztailaren 8a.–LABORAL Kutxaren Gaztenpresa Fundazioak 348 enpresa sortzen lagundu du 2024an, eta enpresa horiek 696 lanpostu berri sorrarazi dituzte. 1994an sortu zenetik, Fundazioak 7.246 enpresari lagundu die abian jartzen, eta horiek 13.371 laguni eman diete lana. Datuok Gaztenpresaren 2024ko txostena aurkezteko ekitaldian ezagutarazi dituzte, LABORAL Kutxak Bilbon duen lurralde-egoitzan. Gaztenpresako lehendakari Ibon Urgoiti pozik...
Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...