×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zure negozioa sendotzeko webinar eta tutoretza digital berriak

Share on facebook
Share on twitter
Share on linkedin
Share on whatsapp
Share on email

Gaztenpresaren Sendotze Programaren barnean, hainbat webinar diseinatu ditugu zure negozioaren digitalizazioan eta altxortegiaren gestioan laguntzeko helburuarekin. Bost webinar izango dira, ordubeteko iraupenekoak eta gai osagarriei buruzkoak, eta banaka edo guztiak egin ahal izango dira. Gainera, Gaztenpresaren aholkularitza jasotzen duten eta webinar hauetakoren bat egiten duten negozioek bi tutoretza digital pertsonalizatu egin ahal izango dituzte, 45 minutukoa bakoitza. Horietan, webinarretan ikasitakoa zure egunerokotasunean ezartzen lagunduko dizu aditu batek.

Webinarren gaiak

Zure sare sozialetako estrategiaren diseinua

Edukien estrategiarik gabe, egunero inprobisatu beharko dituzu zure argitalpenak. Seguruenik ez duzu eskuratuko lor zenezakeen ikusgarritasun guztia; seguruenik ez zara iritsiko jende egokiarengana eta ezin izango duzu baloratu zure helburuetan aurrera egiten ari zaren ala ere. Estrategia bat zehazteak zure lana hobeto antolatzea ahalbidetuko dizu; egiten dituzun ekintzen eta zure negozio-helburuen arteko harremanaren ikuspegi argia izateko aukera emango dizu eta sare sozialetan inbertitzen dituzun denbora eta dirua errentagarriak diren ala ez neurtu ahal izango duzu.

  • Iraupena: ordubete.
  • Formatua: online, Zoom bidez.
  • Materiala: PDF formatuan emango da, saioa amaitzean.
  • Webinar-emailea: No te pierdas en las redes
  • Eguna: urriak 19.
  • Izen-ematea: itxita dago.

Sare sozialak eta bezeroarentzako arreta gestionatzeko tresnak

Tresna batzuek hobeto antolatzen lagun diezagukete, baita gure sare sozialak gestionatzera bideratzen ditugun denbora eta lana optimizatzen ere. Webinar honetan, tresna jakin batzuek eskaintzen dizkiguten aukerak ikusiko ditugu. Tresna horiei esker, ikus-entzunezko edukiak hobeto sortu (Canva, Snaapseed…), edukiak programatu (Hootsuite, Facebook Creator Studio, Planoly…) eta bezeroarentzako arreta gestionatu (WhatsApp Business, Mailchimp eta abar) ahal izango ditugu.

  • Iraupena: ordubete.
  • Formatua: online, Zoom bidez.
  • Materiala: PDF formatuan emango da, saioa amaitzean.
  • Webinar-emailea: No te pierdas en las redes
  • Eguna: azaroak 2.
  • Izen-ematea: itxita dago.

Publizitatea sare sozialetan

Sare sozialak bezeroak erakartzeko bide garrantzitsua badira, publizitatean inbertitzea pentsatu behar duzu. Webinar honetan, publizitate-plataformek sare sozialetan eskaintzen dizkiguten aukera guztiak aztertuko ditugu, bereziki indartsuenak: Facebook eta Instagram. Eskaintzen dizkiguten segmentazio-aukerak aztertuko ditugu, baita gure negoziorako benetan interesgarriak diren audientziak sortzen lagun diezaguketen konfigurazioak ere, eta gure iragarkiak sortzeko eta emaitzak neurtzeko gakoak ikusiko ditugu.

  • Iraupena: ordubete.
  • Formatua: online, Zoom bidez.
  • Materiala: PDF formatuan emango da, saioa amaitzean.
  • Webinar-emailea: No te pierdas en las redes
  • Eguna: azaroak 16.
  • Izen-ematea

Interneteko gure salmenta-orriaren alderdi garrantzitsuak

Online saltzea pentsatzen ari bazara, edo duela gutxi egitera animatu bazara, oso garrantzitsua da zure webgunea ondo planteatuta izatea (zure aurkezpena, zure produktu edo zerbitzuen aurkezpena…). Gainera, sare sozialak erabili beharko dituzu zure online dendari ikusgarritasuna emateko eta bezeroak erakartzeko. Webinar honetan, zure online denda behar bezala planteatzeko eta hura sare sozialetan sustatzeko jarraibideak emango dizkizugu.

  • Iraupena: ordubete.
  • Formatua: online, Zoom bidez.
  • Materiala: PDF formatuan emango da, saioa amaitzean.
  • Webinar-emailea: No te pierdas en las redes
  • Eguna: azaroak 30.
  • Izen-ematea

Berreraiki zure altxortegia

Lantegi honetan, tresna sinple bat jarriko dugu zuen eskura, zuen altxortegia kontrolatu eta planifikatu ahal izateko. Ahalik eta modurik praktikoenean egiteko, adibide praktikoak erabiliko ditugu, eta gero, CashBox gestio-tresnaren bidez simulatuko ditugu. Zure altxortegia gestionatzen lagunduko dizun tresna bizi, intuitibo eta erraz bat da. Gainera, eguneroko zergak modu automatikoan nola jasotzen diren ikusiko dugu.

  • Iraupena: ordubete.
  • Formatua: online, Zoom bidez.
  • Webinar-emailea: Finbox
  • Materiala: PDF formatuan emango da, saioa amaitzean.
  • Eguna: abenduak 14.
  • Izen-ematea

 

Zure negozioarekin laguntza behar baduzu, Gaztenpresan behar duzun guztia eskainiko dizugu, zure enpresa merkatuko egoera berrietara egokitu ahal izateko.

Post gehiago irakurri.

Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...
Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...