×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zure bezeroak fidelizatzeko teknika berriak

Share on facebook
Share on twitter
Share on linkedin
Share on whatsapp
Share on email

Teknologia berriek bezeroak fidelizatzeko modu berriei ireki dizkiete ateak. Gaur egun, enpresek kontsumo-ohiturak interpretatzen laguntzeko tresnak dituzte eskura, etorkizuneko joerak zein izango diren asmatzeko. Besteak beste, bilatzaileetan egindako kontsultak lotu ditzakete, gero ohiturak interpretatu eta bezero zehatzentzako kanpaina espezifikoak diseinatu ahal izateko.

Salmenta zientzia bat da, batik bat digitalizazioak gaur egun eskaintzen dizkigun irtenbideak direla medio. Hori horrela, beharrezkoa da Customer Science deiturikoarekin lan egitea. Diziplina horrek tresna digital garrantzitsuenetako batzuk erabiltzen ditu (Machine Learning, Big Data eta abar) enpresa baten bezeroak hobeto ezagutzeko. Horien bitartez lortzen dugun informazio guztiak segmentazio egoki bat egitea ahalbidetzen digu, gure buyer pertsona hobeto ezagutzeko eta bezero-segmentu bakoitzari tratu bereizi bat eskaintzeko. Customer Science horri esker, familia baten kontsumo-ohiturei eta lehentasunei buruzko informazioa lor dezakegu, baita hark egin dituen online erosketei eta gehien kontsumitzen dituen merkataritza-sektoreei (teknologia, kirola, elikadura mota) buruzkoa ere, bere erregistroen bitartez.

Modu osagarrian, marketin prediktiboak gure xede-taldearen kontsumoarekin lotutako jokaera-ohiturak hautematen ditu, eta hori denbora errealean egiten du. Jokabide horiekin lotutako datuak Smart Data tresnen bitartez aztertzen dira, enpresek erosketa-esperientzia pertsonalizatuak eta egokiak diseinatzeko ondorioak eta patroiak ateratzeko. Teknika horrekin, gure bezero potentzialen jarrera aurreikusten eta gure kanpainak errentagarriago egiten saia gaitezke.

Hau da, jada ezagunak diren jokabideei buruzko eredu deskribatzaileak sortzera bideratuta zeuden orain arte web-analitikaren baliabide gehienak, baina datuak tratatzeko eta analizatzeko modu honekin aurreikuspenak landu ditzakegu. Horiei esker, gure bezeroen premiak aurreikusteaz gain, hainbat kontsumitzaile taldeka ditzakegu, horien arteko loturak eta puntu komunak bilatu eta segmentazio zehatz bat sortu ahal izateko.

Edonola ere, fidelizazio-metodo guztiek beren bezeroak ahalik eta hobekien ezagutzea izan behar dute helburu. Horretarako, Bezeroaren Esperientzia Mapa deiturikoa diseinatu da. Horren bitartez, gure bezeroek jarraitzen dituzten urrats guztiak jasoko dituen mapa bat sortuko da, gure web-orrira sartzen direnetik hasi eta erosketa-prozesua burutu eta horiek fidelizatzea lortu arte. Ibilbide horren xedea etapa horietako bakoitza aztertzea da, bezeroak esperientzia ezin hobea izateko modurik onena zein den ezagutzeko eta haren premiak asetzeko. Esperientzia Mapa bat egin aurretik oso ondo zehaztu behar dugu gure target ideala, baita bezeroak gure antolaketatik edo produktutik zer espero duen ere. Gero, interakzio-guneak zehaztu behar dira pertsonekin, horiek erosketa-prozesuaren aurretik, bitartean eta ondoren aztertu ahal izateko; galdeketa bat ere egin diezaiekegu, erosketaren xehetasun guztiak ezagutzeko.

Fidelizazio-teknika berri eta konbentzional guztien artean, bada etengabeko hobekuntza-prozesuaren menpe dagoen bat: zerbitzua, merkataritza-harreman guztien oinarria. Merkataritza-banatzaile handiek ondo ezagutzen dute haren garrantzia eta, horregatik, bezeroei ahalik eta zerbitzurik egokiena eskaintzea da haien lehen helburua. Hori lortzeko, teknologia berrietara jo eta bikaintasuna bilatu behar dugu uneoro, ez baitago pertsona batek zerbitzu bikain bat jasotzen duenean sentitzen duena gaindi dezakeen ezer.

Zerbitzuarekin batera, fidelizazioaren funtsezko beste zutabe bat komunikazioa da. Horrek pertsonalizatua, berehalakoa eta kanal anitzekoa izan behar du. Komunikazioak marken eta bezeroen artean harremanak ezartzen laguntzen du, emozioak piztea eta feedback baliagarri bat lortzea ahalbidetzen baitu, eta horrek Bezeroaren Esperientzia hobetzen laguntzen die enpresei. Bestalde, komunikazioari esker, pertsona bat enpresaren kide sentitu eta marka baten preskriptore bihur daiteke.

Ikus dezakezun moduan, digitalizazioak enpresek eta bezeroek elkarri eragiteko gero eta aukera gehiago ireki arren, zerbitzuak eta komunikazioak fidelizazio-estrategia egoki baten oinarriak izaten jarraitzen dute. Teknika horietako batean sakondu nahi baduzu, Gaztenpresan hainbat prestakuntza-ikastaro aurkituko dituzu. Horiek zuk behar duzun orientazioa eskainiko dizute. Gainera, zure negozioa sustatzen lagunduko dizuten mentoring-tailerrak ere baditugu.

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...