×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zer da merkatu-azterketa bat?

gzt-art-estudio-mercado
Share on facebook
Share on twitter
Share on linkedin
Share on whatsapp
Share on email

Ekintzailetza abentura zirraragarria da, erronkaz betea. Zure negozio berria martxan jartzeko orduan, zalantza pila bat izango dituzu, eta horiei ahalik eta segurtasunik handienarekin erantzun beharko diezu arrakasta ziurtatzeko. Horregatik, arduratsua izan behar duzu, zure negozio berriaren xehetasun guztiak zehaztu behar dituzu eta aurrez aurre aurkituko dituzun erronken jakitun izan behar duzu. Erronka horietako bat, beharbada garrantzitsuenetako bat, zure merkatua ezagutzea izango da: Zein lehiakide izango dituzu? Zer espezifikotasun ditu? Zure produktua edo zerbitzua ondo txertatuko al da bertan?

Galdera horien eta beste askoren erantzunak merkatu-azterketan jasotzen dira. Izenak berak dioen moduan, oso tresna praktikoa eta funtzionala da, eta zure jardueraren inguruan dagoen eskaintza- eta eskari-motaren gutxi gorabeherako ideia bat lortzen lagunduko dizu. Haren bidez, arriskuak murriztu, datuetan oinarritutako erabakiak hartu eta zure negozioaren arrakastari buruzko gutxi gorabeherako proiekzioa egin ahal izango duzu. Oso garrantzitsua da azterketa hori zure enpresa martxan jarri aurretik egitea, baina hura martxan dagoenean ere aldizka errepikatzea komeni da, aldaketak egin behar dituzun jakiteko.

Helburuak

Merkatu-ikerketa batek hainbat helburu zehatz ditu:

  • Zure lehia naturala osatzen duten enpresak ondo ezagutzea. Azterketa honen bidez, esparru berean zure negozioarekin lehiatzen diren negozioak ezagutu ahal izango duzu, baita haien lan egiteko modua ere. Zure lehiakideak ezagutzeak zure merkatuko posizioa zehazten lagunduko dizu.
  • Zure xede-publikoa eta haren premiak identifikatzea. Zure target publikoa izango denaren gutxi gorabeherako ideia batetik abiatu arren, zure ohiko bezeroak identifikatzeko orduan asmatu, haien premiak ezagutu eta zer balio-proposamen bereizgarri eskain diezaiekezun jakin behar duzu.
  • Ustezko merkatu-hobiak ezagutzea. Oso garrantzitsua da zure lehiak eskaintzen dituen zerbitzuaren gabeziak identifikatzea, zuk horiek estali eta merkatu-hobi berri batean sartzeko aukera izan dezazun.
  • Zure hasierako ideia hobetzea. Bikainak izan arren, ia ideia guztiak hobetu daitezke. Eta hobetzeko tarte hori aurkitzeko, zure lehiaren ispiluan begiratu behar duzu. Merkatu-azterketa baten bidez, produktua edo zerbitzua hobetzen lagunduko dizun informazioa lortuko duzu, hari balio handiagoa emanez.
  • Arriskuak neurtzea. Merkatu-azterketa bat egiten duzunean, datu objektiboetan oinarritutako ikerketa bat egiten duzu. Datu horiek arriskuak neurtzeko balioko dizute, eta zure negozioak arrakasta izateko dituen aukeren gutxi gorabeherako ideia bat izateko. Merkatu-azterketa batek segurtasuna emango dizu zure enpresa berria martxan jartzeko orduan, eta, horrez gain, oso praktikoa izan dakizuke finantzaketa edo inbertitzaileak bilatzeko orduan.
  • Prezioen politika zehaztea. Prezioak dira erosketa baten baldintzatzaile nagusietako bat: produktuaren beraren ondoren, prezioan jartzen dugu arreta. Horregatik, xehetasunez aztertu behar dituzu zure lehiakideen prezioak; gainera, zure xede-publikoaren premiak ezagutu eta zure produktuaren edo zerbitzuaren truke zenbat ordaintzeko prest egongo litzatekeen jakin behar duzu. Horretarako, zure merkatuaren segmentazioa izan beharko duzu kontuan, adinaren, maila kultural eta sozioekonomikoaren, kontsumo-ohituren eta abarren arabera.

Merkatu-azterketa baten faseak

Merkatu-ikerketa bat egiteko, denbora, dedikazioa eta aztertzeko gaitasuna behar dira, eta hainbat fasetan bana daiteke:

  1. Azterketaren parametroak. Ikerketarekin hasi aurretik, jakin behar duzuna mugatu behar duzu, gainerako lana ardazteko. Honako hauei buruzko informazioa bilatzea da garrantzitsuena:
  • Zure xede-publikoa nor den.
  • Zer behar dituen eta zure produktua edo zerbitzua horiek asetzeko gai izango den.
  • Zure lehiakideek nola lan egiten duten, haien produktuek zer prezio duten, haien fidelizazio-kanpainak, promozioak eta abar.
  1. Azterketa-taldea. Landa-azterketa bat egiteko, zure negoziorako adierazgarria den pertsona talde bat aukeratu eta pertsona horien adina, generoa, bizi-ohiturak, maila ekonomikoa eta abar aztertu behar dituzu, hau da, biztanleriaren zein sektoretara jo dezakezun zehazten lagunduko dizun guztia, zure enpresak funtziona dezan.
  2. Informazioa lortzea. Denbora gehien eskaini beharko diozun faseetako bat da, eta delikatuenetako bat. Proposatutako guztia ezagutzeko, kalera irten eta publikoari galdetu beharko diozu. Nola? Bezero potentzialei galdeketak eginez; zure lehiako negozioak zuzenean aztertuz; pertsona talde txiki batekin esperimentazio-kanpainak eginez; eta, nola ez, Internet eta sare sozialen bidez.
  3. Analisia eta ondorioak. Emaitza guztiak mahai gainean jarrita, lana antolatzeko, informazioa aztertzeko eta, batez ere, ondorioak ateratzeko unea da. Fase honetan, bilatzen ari zinen erantzunak lortu ahal izango dituzu, honako hauek bereziki: Zure negozioa bideragarria dela uste duzu? Biztanleriaren zein segmenturi eman behar diozu lehentasuna? Nola hobetu dezakezu zure produktuaren edo zerbitzuaren balio-proposamena zure lehiakideen aurrean?

Ikus dezakezun moduan, merkatu-azterketa bat oso tresna erabilgarria da, eta zure negozio berriaren arrakastarako aukerak hobetzen lagun diezazuke. Gainera, gogoratu Gaztenpresan pozik lagunduko dizugula hura martxan jartzeko orduan nahiz negozioa sendotzeko orduan.

Post gehiago irakurri.

Ekaina 7, 2023
Laida San Sebastianena izan zen Gaztenpresatik ekimenean jasotako azken testigantza. Gizarte arloan ia 20 urtez ekintzaile izan ondoren, orain Mondragon Unibertsitateko Eskola Politeknikoko ikasleekin partekatzen ditu bere ezagutzak eta esperientziak, Ekintzailetza Teknologikoko arduraduna baita han. “Ni naiz guztiari ‘bai’ esatearen asmatzailea”, aitortu zuen Laidak keinu bat eginez Andrea Fernandezek egin zuen aurreko mintzaldiari. Hain zuzen...
Maitza 31, 2023
Andrea Fernández-ena izan zen Gaztenpresatik ekimenean ezagutu genuen beste ekintzailetza-istorioetako bat. “Argentinar doinurik ez duen ekintzaile argentinarra eta erremediorik gabeko ibiltaria” da. Orain dela 20 urte baino gehiago etorri zen Andrearen familia Bilbora, hark hamabi urte baino ez zituenean. Bizitza pertsonalaren eta profesionalaren arteko orekari eusteak duen garrantziaz hitz egin zigun arlo anitz jorratzen dituen...
Maitza 23, 2023
Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea. Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen...
Maitza 17, 2023
Duela egun gutxi batzuk gure 2022ko Memoria aurkeztu genuen Donostian. Izan ere, aurten Donostia Gizarte Ekonomiaren Hiriburu izendatu dute. Prentsaurrekoaren ondoren, Gaztenpresatik ekitaldia egiteko aprobetxatu genuen, hain zuzen ere, gure erkidego ekintzailea inspiratu, motibatu eta babesteko ekitaldia. Topaketa hau oso mamitsua izan zenez, eta ezer ez ahazteko, bertan gertatu zen guztia kontatzea erabaki dugu. Has...
Apirila 28, 2023
Gure inguruko errealitate soziala hobetzeko helburuari jarraikiz, Gaztenpresan 314 negozio berri abiarazten lagundu dugu 2022an, eta horiei esker 637 lanpostu sortu dira. Hori horrela izanik, ia 30 urteko ibilbide honetan, 6.578 enpresa eta 12.041 enplegu sortzen lagunduko dugu, eta LABORAL Kutxaren bitartez 192 milioi euro lortzeko aukera eman dugu, mailegutan. Datu horiek guztiak gure 2022ko...
Apirila 17, 2023
Guztion ahotan dago Adimen Artifiziala (AA), eta ChatGPT tresnari zor zaio bere ospearen zati handi bat. Tresna hori OpenAI enpresak merkaturatu zuen joan den urtearen amaieran, eta guztiok harrituta utzi gaitu galderei erantzuteko, elkarrizketak izateko eta testuak modu natural eta koherentean sortzeko duen eraginkortasunagatik eta zehaztasunagatik. Tresna horrek zer egin dezakeen ikus dezazuen, pentsatu dugu...