×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Youth Business Spainek 398 negozio berri eratzen lagundu du 2015ean

Share on facebook
Share on twitter
Share on linkedin
Share on whatsapp
Share on email

Gazte ekintzaileek sustatutako enpresa berri horiek 642 lanpostu sortu dituzte

 

Youth Business Spain Fundazioa (www.youthbusiness.es) Youth Business International sareko kidea da. Autoenplegu gaztearen alorrean erreferentzia globala den sare horrek azken urteko emaitzak kaleratu berri ditu, eta horien artean nabarmentzekoa da 398 enpresa eta 642 enplegu berri sortu izana.

 

”Youth Business Spainek kalitateko zerbitzu profesionalak eskaintzen ditu, Espainian negozio-ideia bat duen gazte orok ideia hori hezurmamitzeko aukera izan dezan”, azaldu du Carmen García de Andrés Fundazioko lehendakariak.

 

Zerbitzu horien artean nabarmentzekoa da gazte ekintzaileentzako mentoring programa. Izan ere, programa horretan 329 enpresarik eskuzabaltasun osoz laguntzen diete gazte ekintzaileei, negozioaren lehen urtean euren denbora eta esperientzia eskainiz.

 

“Espainian ez dago mikroenpresei finkatzen laguntzeko beste programarik, Youth Business Spainen mentoring-programaren eraginkortasunarekin, eskalagarritasunarekin eta iraunkortasunarekin”, adierazi du Guillem Arís Fundazioko zuzendariak. Programa hori bera beste 40 herrialdetan ere garatzen da, Youth Businees International sarearen bidez (www.youthbusiness.org). GKE globala da, munduan 20.000 aholkulari boluntariotik gora biltzen dituena.

 

2015ean, Youth Business Spainek 2.514 gazte ekintzaile trebatu ditu Madrilen, Katalunian, EAEn, Galizian, Extremaduran, Gaztela-Mantxan, Aragoin, Andaluzian eta Kanarietan, bederatzi erkidegoetako bazkide-sareen bidez.

 

Fundazioak konpainia handien (JP Morgan eta Accenture, besteak beste) nahiz administrazio publikoen (Injuve eta Enplegu eta Gizarte Segurantzako Ministerioa, adibidez) babesa du.

 

Datozen 5 urteetan eta sarea Espainiako geografia osoan hedatu ahala, Youth Business Spainek 5.000 enpresa eta 10.000 lanpostu sortzen lagunduko du.

Post gehiago irakurri.

Uztaila 9, 2024
Gaztenpresaren podcastean, kubaldun honekin (jaiotzez kubatarra eta bihotzez euskalduna) hitz egin dugu. Ekintzaile peto-petoa da, eta ez da konformatu bere proiektuak abiaraztearekin, baizik eta, gainera, ekintzailetzarako grina partekatzen du Euskadira migratutako emakumeekin, kolektibo horrek negozio bat abian jartzeko orduan dituen oztopo gehigarrien jakitun.   Laguntza eta ulermenerako gune bat Lan hori egiteko, Maylin Vergarak Emakume...
Uztaila 8, 2024
Ekin eta zure enpresa sortu aurretik, zure negozio-eredua landu behar duzu. Erakunde batek balioa nola sortzen, entregatzen eta bereganatzen duen deskribatzen duen eskema bat da. Bestela esanda, enpresa batek nola funtzionatzen duen eta irabaziak sortzen dituen definitzen duen plana da. Enpresa-tresna hau oso erabilgarria da, batez ere zure ibilbide berriaren hasieran, gida eta orientazio gisa...
Uztaila 2, 2024
Gaztenpresaren jarduera jarraitu ohi duzuen pertsonei ziur Elsa Pamparacuatro eta Keko Salvador izenak ezagunak egiten zaizkizuela. Ekintzaile bikote hau Gernikako Txitatoki zirku eskolaren sustatzailea da, iaz Donostian antolatu genuen Gaztenpresatik topaketan esan ziguten bezala. Han jakin genuen zentro honek, landa-eremuan zirkuko arteen praktika hurbiltzea eta sustatzea ez ezik, pertsonen garapen pertsonalerako eta gizarteratzeko tresna gisa...
Ekaina 25, 2024
Prest dago Joanes Roso, Tazebaezeko CEOarekin izan dugun solasaldiaren azken zatia!! Lehenengo zatian proiektuaren hasierei buruz hitz egin genuen, eta zergatik egituratzen den kooperatiba gisa. Bigarren atal honetan, talde kooperatibo honen jardueran sakondu dugu. Lau negozio-unitate biltzen ditu, independenteak, baina elkarren artean lotuta daudenak eta erantzunkideak direnak: Bira: aholkularitza-zerbitzuak Tazebaezen jarduera nagusia aholkularitza eta aholkularitza...
Ekaina 18, 2024
Gaur Joanes Roso, Tazebaez kooperatibako CEO eta presidentearekin hitz egin dugu. Kooperatiba horrek 15 urte baino gehiago daramatza negozio eta proiektu jasangarriak bultzatzen, pertsonak prozesuaren erdigunean kokatuz beti. Jakin nahi duzu nola egiten duten eta zerk motibatzen duen enpresa honetako taldea? Aholku bat: entzun gure podcastaren atal hau, eta baita hurrengoa ere, elkarrizketa hain interesgarria...
Ekaina 12, 2024
Imajina dezakezunez, Eko-Ekintzailetzak goraka doazen bi joera biltzen ditu: ekologia eta ekintzailetza. Ekintzailetza berdea edo ingurumenekoa da, proiektu profesional bat sortzean jasangarritasunari ere garrantzia eman behar diozulako. Gaur egun, klima aldaketarekin kezkatuta dagoen jende gehiengoarekin eta 2030 agenda ezartzearekin, ez da nahikoa ekonomikoki funtzionatuko duen negozio bat sortzea, ekologikoki ere funtzionatu behar baitu. Jasangarritasunaren eta...