×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

IGASI Vacuum Solution S.L.: industria-sektorean sortu berria den ETE bat

Share on facebook
Share on twitter
Share on linkedin
Share on whatsapp
Share on email

Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.

 

Nola sortu zen Igasi eta nola definituko zenukete zuen enpresa?

Enpresa gaztea gara, sortu berria. Aurretik, eraztun likidoko huts-ponpak fabrikatzeko eta konpontzeko enpresa bat zegoen, eta haren errautsetatik sortu ginen. IGASI Vacuum Solution enpresa 8 eta 20 urte bitarteko esperientzia duten ingeniari- eta finantzari-talde batek osatzen du. Hausnarketa-aldi baten ondoren, eta etorkizuneko proiektuei buruzko elkarrizketa askoren ondoren, oso lehia txikiko merkatu-hobi bat aurkitu genuen, potentzial handiko negozio bat ikusi, eta aurrera egitea erabaki genuen. Enpresa sortzeko erabakia hartu ondoren, Andoain aukeratu genuen ezartzeko, gure bezero potentzialak dauden inguruaren erdi-erdian dagoelako eta produktua fabrikatzeak eskatzen dituen premia nagusiak betetzeko prestatuta dagoelako: proba-banku bat, mekanizazio-lantegiak hurbil, etab.

 

Bilakaera horretan, noiz sartu zen Gaztenpresa?

Hausnarketa horren ondoren, erabaki genuen aholkularitza behar genuela proiektuaren ideiak finkatzeko eta bideragarritasun-plana egiten laguntzeko, finantziazio-bideak aurkitzeko eta enpresak aurrera egin zezakeela ziurtatzeko ikuspuntu objektibo bat aurkitzeko. Beste lankide batzuen aipamenen bidez, harremanetan jarri ginen Bultz Lan enpresarekin, eta hori Gaztenpresaren enpresa laguntzailea da. Tutoreetako batekin, Marisarekin, hitz egin genuen, eta harritu egin gintuen haren profesionaltasunak; izan ere, nahiz eta gure produktua ezagutu ez, hasieran kontuan hartu ez genituen puntuak planteatu zizkigun. Gaztenpresaren eskutik iritsi ginen LABORAL Kutxara eta Elkargira. Erakunde horiek gure negozio-ideia finantzatzen eta abian jartzen lagundu ziguten. Emaitza oso positiboa izaten ari da, gaur egun funtzionatzen ari garelako eta gure bezero-zorroa handitzen ari delako, bai Estatuan, baita nazioartean ere.

 

Nor dago enpresa honen atzean eta nolakoa da eguneroko bizimodua?

IGASI taldea hiru lagunek osatzen dugu: Garbiñe Imaz Tolosa Finantza Departamentuan dago; Asier Calle Hernandez Produkzio Zuzendaria da; eta Igone Agirre Iturbe Merkataritza Teknikaria da. Talde honen zeregin nagusia da bezero berriak lortzea, eta horiei laguntza teknikoa ematea hutsaren eta haren osagaien inguruan, adibidez, eraztun likidoko huts-ponpekin eta horien osagarriekin. Urte askotako esperientzia daukagu, eta gure zerbitzua eskaintzen dugu arazo teknikoak konpontzeko lehendik dauden instalazioetan eta instalazio berrietan. Bezeroen instalazioetara joaten gara, eta in situ baloratzen ditugu etorkizunean sor daitezkeen beharrak edo arazoak.

Eraztun likidoko huts-ponpen parke bat daukagu aldi baterako alokatzeko, bezeroek ekoizpena gelditu beharrik izan ez dezaten.

 

Gaur egungo osasun-testuinguruaz gain, egoera soziopolitiko konplexua ere bizi dugu, enpresa-sare osoari zuzenean edo zeharka eragiten diona. Nola eragin dizue zuei?

Gure sektoreko edo beste edozein motatako ia enpresa guztiek bezala, egunero egin behar diogu aurre lehengaien, elektrizitatearen, gasolinaren eta abarren prezio-igoerari. Horregatik, gure salmenta-prezioei ia egunero eman behar izaten diegu berriz balioa. Hain zuzen ere, gure enpresa ziurgabetasun eta ezegonkortasun handiko une batean sortu zen, bai ekonomian, bai gizartean, eta, beraz, oraingoz ez dugu beste errealitaterik ezagutzen. Aurreko krisialdietan ere egin behar izan genituen ahaleginak, profesionaltasunez eta heldutasunez, eta eskarmentu horrek indartu egin gaitu gure proiektuan are gehiago sinesteko. Ilusio handiz hasi genuen proiektua, eta ia urtebete egin ondoren, ikusi dugu gure helburuak betetzen ari direla.

 

Zuk ere negozio-ideia bat baldin baduzu eta itxuratu nahi baldin baduzu, jarri harremanetan Gaztenpresa taldearekin, negozio plan bat egiten eta zure proiektu ekintzailearen potentziala ebaluatzen lagunduko dizugu.

 

Post gehiago irakurri.

Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...
Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...