×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Sortu publizitate-kanpaina erraz bat sareetan eta sustatu zure negozioa

Share on facebook
Share on twitter
Share on linkedin
Share on whatsapp
Share on email

Sare sozialen abantaila handienetako bat da edozein negozioren marketin-estrategiarako balio dutela. Berdin da nazioarteko enpresa baten edo tokiko ETE baten arduradun izatea, edo kanpaina horretarako aurrekontu txikia izatea: kasu guztietan izango duzu aukera zure premietara doitutako merkatu potentzial batetara iristeko eta zure produktuak eta zerbitzuak zure aukeretara egokitutako kostuekin sustatzeko.

Galdera honakoa da: Nola egin? Erantzuna bikoitza da: batetik, sare sozialetako estrategia egoki batekin eta, bestetik, publizitate-kanpaina errazekin, horiekin bezero gehiagorengana iritsi ahal izango baituzu zure eragin-eremuan.

Beste post batzuetan azaldu dizugu nola eman ezagutzera zure negozioa sareetan eta zein diren sare sozialetan ekintza-plan on bat sortzeko jarraibideak. Oraingo honetan, publizitatean eta hura egiteko sarerik egokienetan jarriko dugu arreta: Facebook eta Instagram, Twitter eta LinkedIn. Kanpaina horiek agentzia espezializatuei eskatzeko beharrezko baliabideak ez badituzu, izan itzazu gogoan jarraibide hauek, publizitate-kanpaina errazak egiten lagunduko baitizute.

Facebook Ads.

Facebooken eta Instagramen online publizitate-plataforma autokudeagarria da. Haren bitartez, iragarkiak erakutsi ahal izango dizkiegu erabiltzaileei, branding-ekintzak egiteko, gure webgunea sustatzeko, gure webgunera trafikoa erakartzeko, gure produktuak saltzeko eta abarretarako. Google Ads plataformaren eskaintza-metodo berdinarekin funtzionatzen du, baina merkatua segmentutan banatzeko askoz gaitasun handiagoa du. Eta kanpaina bat konfiguratzea oso erraza da:

Zehaztu zertarako nahi duzun iragarkia (erabiltzaileak bere datuak uzteko, zure webgunera joateko, zure argitalpenean Like egiteko…).

Segmentatu publikoa: iragarkia argitaratuko den gunea, data, zure bezero potentzialen adin-tartea, hezkuntza, interesak, hizkuntzak, generoa…

Aukeratu pantailako zein lekutan agertuko diren iragarkia, aurrekontua, argitalpen-datak eta ordaintzeko modua (klik eginda edo inprimatze bidez).

– Ordaindu eta kito.

Argitaratu aurretik, zirriborro bat ikusiko duzu eta, gero, iragarkien eta emaitzen jarraipena egin ahal izango duzu haren pixelari esker. Facebook Ads plataforman doan sor daitezke iragarkiak: erabiltzaileek egiten duten klik bakoitzeko (CPC) edo mila inprimatze bakoitzeko (CPM) bakarrik ordaintzen da, eta gutxieneko aurrekontua 5 eurokoa da.

Abantaila asko ditu, baina honako hauek dira garrantzitsuenak: erraztasuna, segmentutan banatzeko gaitasuna eta bezeroen merkatu potentziala, Facebook baita gure inguruan gehien erabiltzen den sare soziala. Laguntzaile hau erabiltzen hasteko, sartu esteka honetara.

Twitter Ads

Twitterren publizitate-plataforma Facebookenaren nahiko antzekoa da, baina intuitiboagoa eta zertxobait garestiagoa da. Harekin, followerrak, gure webguneko bisitak, gure webguneko bihurketak, gure argitalpenen retweetak, beste erabiltzaile batzuen posta elektronikoko helbideak eta abar lor ditzakegu. Facebooken bezala, zer lortu nahi dugun erabaki behar dugu lehenengo. Gero, kanpainaren iraupena zehaztu eta hura segmentutan banatu behar dugu, eskaintzen dizkigun irizpideak kontuan hartuta; iragarkiak zein kokaleku geografikotan erakutsi adieraziko dugu; aurrekontua eta gure eskaintza zehaztuko ditugu, lortutako ekintza bakoitzeko; eta ordaindu egingo dugu. Kasu honetan ere kanpainak emandako emaitzen jarraipena egin ahal izango dugu. Twitter Ads oso erabilerraza da, kanpainak oso azkar konfiguratzen dira eta jarraitzaileak lortzen baditugu bakarrik ordaindu ahal izango dugu, segmentazio handia eskaintzeaz gain. Gainera, beste orientazio batzuetara iristeko aukera izango dugu, telebista-programetako Twitter kontuekin jarduten duten erabiltzaileengana, adibidez.

Kanpaina bat Twitter Ads bidez sortzeko, sare horretan kontu bat izan eta esteka honetan sartu behar duzu, besterik gabe.

LinkedIn Ads

Hiruen artean honako hau izango da, seguruenik, errazena. Gainera, publiko jakin batengana iristeko iragarkiak argitaratzea eta argitalpenak babestea ahalbidetzen du, horiek irismen handiagoa izan dezaten. Plataforma honek ere enkante bidezko sistema batekin funtzionatzen du eta, bertan, iragarkiak gure publikorik garrantzitsuenari helaraztea da helburua. Sare hau profesionala da, jakina, eta oso lan-profil zehatzak dituzten erabiltzaileak izango dira beti haren xede. Horregatik, oso segmentazio-aukera bereziak eskaintzen ditu: kokapen geografikoa, adina eta generoa, baina baita enpresan duen kargua, laneko funtzioa, tituluak, gaitasunak, prestakuntza-zentroak eta abar ere. LinkedIn bidez, klik bakoitzeko (CPC) edo 1.000 inpresio bakoitzeko (CPM) ordain dezakegu. Gainera, oso aukera interesgarria eskaintzen du: iragarkiak erabiltzailearen LikedIn postontzira (InMail babestua) zuzenean bidaltzeko aukera. Abantaila horrez gain, sare honek irisgarritasun handia eskaintzen die enpresei, eta ezin hobea da profil profesional zehatz batengana iritsi nahi badugu.

Bestalde, oso CPC eta CPM altuak ditu, eta gure publiko potentzialak guztiz zehaztutako profil profesionala izan behar du aukera hau eraginkorra izan dadin. Edonola ere, emaitza mugatuak ditu eta, beraz, publizitate-kanpaina osagarri gisa zehaztea komeni da. LinkedInen iragarki bat egiteko, hemen klik egin behar duzu.

Zure negozioa marketin-kanpainen bitartez sustatzeko informazio gehiago behar baduzu, gogoratu Gaztenpresan prestakuntza-tailerrak eta -ikastaroak ditugula zuri laguntzeko. Ez izan zalantzarik: konta iezaguzu zure ideia eta ausartu ekitera!

Post gehiago irakurri.

Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...
Maitza 17, 2022
Pandemiak goitik behera aldatu zituen pertsonen kontsumo-ohiturak eta ingurune digitalago batera egokitu behar izan zuten. Datuak lehendik ere pozgarriak ziren eta Interneteko erabiltzaile den Euskadiko biztanleriak hazten jarraitu zuen 2021. urtean, % 84,9raino. Gai horri buruz hitz egingo dugu gaur, Interneteko Mundu Egunean, Pello Múgicarekin eta SavileCode enpresaren talde guztiarekin. Gainera, lehen eskutik kontatuko digute nola...
Maitza 16, 2022
Irudi batek mila hitzek baino gehiago balio duela esan ohi da eta horixe erraztuko digu Canvak, hain zuzen ere: gure negoziorako eduki grafikoa modu sinple eta intuitiboan sortzea, diseinu-ezagutzarik zertan izan gabe. Izan ere, on-line erreminta honek plantillen eta baliabide grafikoen kopuru handia (irudiak, argazkiak, tipografiak, eta abar) jartzen du gure esku, haiekin gure negozioaren/markaren...
Maitza 9, 2022
Negozio bat martxan jartzen dugunean (edo jartzeko asmoa dugunean), pertsona ekintzaile batek egin beharreko lehenengo gauzetako bat besteei aurkeztea da: balizko bezeroei, banatzaileei, laguntza emango diguten toki-garapeneko erakundeei, eta baita gure jarduera abiarazteko kreditu bat ematen diguten finantza-erakundeei ere. Kasu guztietan ere, gure solaskideen arreta erakartzeko eta gure helburuak lortzeko posibilitate gehiago izango ditugu, gure...
Maitza 5, 2022
Gaztenpresaren Finantza-Osasuneko Asteazkenetako 2022 lehen zikloarekin hasi gara ekainaren 15era arte. Zer dira Finantza-Osasuneko Asteazkenak? FinBox aholkularitza ekonomiko eta finantzarioko enpresaren babesarekin sortutako web-mintegiak dira. Ordubeteko iraupena dute, eta enpresa baten osasuna zaintzeko ezinbestekoak diren finantza gaiak jorratzen dira. Web-mintegi guztietan FinBox-ek Gaztenpresarentzat esklusiboki diseinatutako tresna eta simulagailuak erabiliko dira. Gainera, saio bakoitza bukatutakoan, parte-hartzaile...
Apirila 28, 2022
EAEko gaixotasun profesionalei buruzko Osalanen urteko txostenak agente taldearen araberako maiztasunari buruzko azterketan erakusten duenez, 2020an jarrera eta mugimendu errepikakorrekin lotutako 1.705 kasu erregistratu ziren guztira, kasu guztien % 78. Testuinguru horretan, eta Laneko Segurtasun eta Osasunaren Mundu Egunaren harira, Jon Ibáñez Pérezekin hitz egingo dugu; fisioterapeuta eta ekintzailea da, Gaztenpresako sarearen barruan.   Hitz egizu...