×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Sortu estrategia bat zure bezero ideala identifikatzeko eta zeureganatzeko

gzt-conquistar-cliente
Share on facebook
Share on twitter
Share on linkedin
Share on whatsapp
Share on email

“Enpresa baten funtzioa bezeroak sortzea da”. Esaldi bikain hori Peter Ferdinand Druckerrek esan zuen, enpresa-munduko pentsalaririk garrantzitsuenetako batek, eta zure negozioaren arrakasta bermatzeko egin behar duzun lehenengo gauza laburbiltzen du, argi eta garbi.

Druckerrek bezeroak “sortzeaz” hitz egiten zuenean, ez zuen “fabrikatzea” esan nahi, identifikatzen jakitea baizik. Horrela, gure publiko idealarengana bidera ditzakegu ahaleginak, gure produktuak eta zerbitzuak bezeroen premia eta gustuen arabera pertsonalizatzeaz gain. Bezero ideala (Buyer pertsona, marketineko hizkuntzan) bilatzean, haren interesak zehaztu eta premia eta kezka zehatzak ezagutu behar ditugu, gure kanpainak eta mezuak egokitu ahal izateko.

Lortu datu garrantzitsuak.

Profil bat zehaztu ahal izateko, ahalik eta informazio objektibo gehien bildu behar dugu. Informazio horrek honako datu hauek hartzen ditu barne:

  • Adina, generoa, lanbidea, sexua, nazionalitatea eta egoera zibila.
  • Sektore profesionala.
  • Gutxi gorabeherako diru-sarrerak.
  • Premiak eta erosteko interesak eta ohiturak.
  • Non bizi den eta nora joateko ohitura duen.
  • Zer kanal erabiltzen dituen informazioa jasotzeko.

Datu horiek lortzeko, merkatuko ikerketa bat egin, zure datu-basea erabili edo zure blogak edo webguneak lortzen duen trafikoari buruzko informazioa bildu dezakezu, Google Analytics bidez.

Identifikatu bezeroaren helburuak eta premiak.

Bezeroaren premiak, helburuak, motibazioak eta interesak identifikatzea da hurrengo urratsa. Zentzu horretan, argitasunez eta enpatiaz jokatu behar duzu, zure produktua zergatik erosi duen edo zure zerbitzua zergatik kontratatu duen jakin ahal izateko.

Ulertu zure bezeroa.

Honako hau da zeure buruari egin behar diozun galderarik garrantzitsuenetako bat: Zergatik erosi du nire produktua? Hausnartu prezioari, kalitateari eta abarri buruz; zure produktua edo zerbitzua zergatik erosi duen argitzen lagunduko dizun guztia funtsezkoa da etorkizunean are gehiago hobetu ahal izateko.

Pentsatu nola gauzatu salmenta.

Dagoeneko baduzu zure bezeroak behar duen produktua: orain, saldu egin behar diozu. Horretarako, online salmentaren fase guztiak berrikusi behar dituzu, konbertsioa barne.

Zaindu saldu osteko prozesua.

Azkenik, gogoratu gaur egun transakzio batek ezin duela inoiz salmentarekin amaitu: zure produktuari Bezero Esperientzia on bat gehitzen badiozu, bezeroa pozik geratuko da. Esparru horretan sartzen da, hain zuzen ere, sare sozialetako komunikazioa, zure blogeko eduki interesgarrien eta erabilgarrien ekarpena… Zure markaren enbaxadore bihurtzeko beharrezko guztia.

Dagoeneko zehaztu duzu nolakoa den zure bezero ideala. Orain, zeureganatzeko edo konkistatzeko estrategia batzuk bete behar dituzu.

  • Erakutsi zeu zarela aukerarik onena. Zure bezeroak eskatu dizun lehen eginkizuna iristen zaizunean, ez ahaztu zure aurrerabideen inguruko informazio eguneratua ematea. Partekatu emaitza guztiak (onak eta txarrak) eta konpondu sor daitezkeen arazo guztiak modu bateratuan. Erakutsi, uneoro, ahal duzun guztia egiten ari zarela eta bien onura lortzeko ari zarela lanean. Hala egitea lortzen baduzu, harreman ona sortuko duzu, eta, gainera, gogobetetasun-sentimendua piztuko duzu kontsumitzailearengan. Horrela, kontu hori eta beste asko irabazteko aukerak hobetuko dituzu.
  • Jarri arreta xehetasunetan. Zure produktua edo zerbitzua ona izan arren, seguruenik ezaugarri asko partekatuko ditu zure lehiakideekin. Horregatik, oso garrantzitsua da lehiakideengandik bereizten gaituzten xehetasunak nabarmentzea. Gogoratu bezeroaren inguruko informazio asko duzula; beraz, erabil ezazu zein alderdi baloratzen dituen jakiteko eta alderdi horiek nabarmentzeko.
  • Konpondu bezeroaren arazorik handiena. Bezero batekin harremanetan jartzen hasteko modurik onena haren arazorik handienei (inork konpondu ezin izan dituenei) erantzunen bat eskaintzea da.
  • Utz iezaiozu zure lana probatzen. Produktu bat benetan probatzeko aukera ematea da bezeroari sinesgarria iruditzeko modurik onena. Horrela, zuzenean ezagutuko ditu zure proposamenak eta nola lan egiten duzun. Eta, batez ere, haren konfiantza lortu ahal izango duzu.
  • Egokitu zure bezeroaren ezaugarrietara. Bezeroaren hizkuntza bera hitz egin behar duzu: termino teknikoak erabiltzen baditu, moldatu zaitez edo jar ezazu harremanetan pertsona egokiarekin. Mimetizatu bezeroaren premiekin eta, batik bat, ez utzi zalantza edo kezka bat bera ere argitu gabe. Jokatu enpatiaz eta saiatu zuk sentitu nahiko zenukeen bezala sentiarazten.

Eta, batez ere, gogoratu Gaztenpresan zure negozioa martxan jartzeko eta sendotzeko behar dituzun erreminta guztiak jartzen ditugula zure eskura: mentoring-programak edo behar dituzun gaitasun guztiak lortzen lagunduko dizuten prestakuntza-ikastaroak. Sartu gure webgunean eta informatu. Zure zain gaude.

Post gehiago irakurri.

Ekaina 7, 2023
Laida San Sebastianena izan zen Gaztenpresatik ekimenean jasotako azken testigantza. Gizarte arloan ia 20 urtez ekintzaile izan ondoren, orain Mondragon Unibertsitateko Eskola Politeknikoko ikasleekin partekatzen ditu bere ezagutzak eta esperientziak, Ekintzailetza Teknologikoko arduraduna baita han. “Ni naiz guztiari ‘bai’ esatearen asmatzailea”, aitortu zuen Laidak keinu bat eginez Andrea Fernandezek egin zuen aurreko mintzaldiari. Hain zuzen...
Maitza 31, 2023
Andrea Fernández-ena izan zen Gaztenpresatik ekimenean ezagutu genuen beste ekintzailetza-istorioetako bat. “Argentinar doinurik ez duen ekintzaile argentinarra eta erremediorik gabeko ibiltaria” da. Orain dela 20 urte baino gehiago etorri zen Andrearen familia Bilbora, hark hamabi urte baino ez zituenean. Bizitza pertsonalaren eta profesionalaren arteko orekari eusteak duen garrantziaz hitz egin zigun arlo anitz jorratzen dituen...
Maitza 23, 2023
Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea. Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen...
Maitza 17, 2023
Duela egun gutxi batzuk gure 2022ko Memoria aurkeztu genuen Donostian. Izan ere, aurten Donostia Gizarte Ekonomiaren Hiriburu izendatu dute. Prentsaurrekoaren ondoren, Gaztenpresatik ekitaldia egiteko aprobetxatu genuen, hain zuzen ere, gure erkidego ekintzailea inspiratu, motibatu eta babesteko ekitaldia. Topaketa hau oso mamitsua izan zenez, eta ezer ez ahazteko, bertan gertatu zen guztia kontatzea erabaki dugu. Has...
Apirila 28, 2023
Gure inguruko errealitate soziala hobetzeko helburuari jarraikiz, Gaztenpresan 314 negozio berri abiarazten lagundu dugu 2022an, eta horiei esker 637 lanpostu sortu dira. Hori horrela izanik, ia 30 urteko ibilbide honetan, 6.578 enpresa eta 12.041 enplegu sortzen lagunduko dugu, eta LABORAL Kutxaren bitartez 192 milioi euro lortzeko aukera eman dugu, mailegutan. Datu horiek guztiak gure 2022ko...
Apirila 17, 2023
Guztion ahotan dago Adimen Artifiziala (AA), eta ChatGPT tresnari zor zaio bere ospearen zati handi bat. Tresna hori OpenAI enpresak merkaturatu zuen joan den urtearen amaieran, eta guztiok harrituta utzi gaitu galderei erantzuteko, elkarrizketak izateko eta testuak modu natural eta koherentean sortzeko duen eraginkortasunagatik eta zehaztasunagatik. Tresna horrek zer egin dezakeen ikus dezazuen, pentsatu dugu...