y luego Añadir a pantalla de inicio.
Elkarrekin kaltetuenen enpleguaren alde/Juntos por el empleo de los más vulnerables ekimenak aktore eta erakunde desberdinen artean (15 sektore publikokoak, 37 sektore pribatukoak eta 34 gizarte-erakunde) estrategia kolektibo bat sustatzea du helburu, horrela, gizarteko sektore kaltetuenen laneratzean edo ekintzailetzan salto kualitatibo bat emateko.
Gaztenpresak hasiera-hasieratik lan egin du Accenture Fundazioak, Seres Fundazioak eta Compromiso y Transparencia Fundazioak sustatutako proiektu honetan.
Lan horren fruitu gisa Ekin+ proiektua jaio da, autoenplegurako gaitasunen garapenean oinarritutako on-line programa bat.Azkenean, proiektua urrian izango da erabilgarri hura errealitate bihurtzeko helburuarekin lan egin dugun erakunde guztientzat.
Zer da Ekin+?
Ekin+ autoenplegurako gaitasunak neurtzen dituen programa bat da.Ekintzailearen oinarrizko profila zehazten du eta ekintzaile batek izan behar dituen gaitasunen artean zein sendotu esaten du, prestakuntza-ibilbideen bitartez.
Programak honako ebaluazio hauek egiten ditu:
– Gizarte-ebaluazioa
– Gaitasunen ebaluazioa
– Eta ebaluazio profesionala
Erreminta honi esker, autoenplegurako Tutoreek errazago identifikatuko dituzte, ekiteko behar diren gaitasunei dagokienez, esperientziarik gabeko ekintzaileek dituzten gabeziak.
Ekin+ programa on-line erabili ahal izango da, eta, beraz, ekintzaileak bere gaitasunen auto-neurketa egin ahal izango du, internetez eskuratu daitekeen dokumentazioa erabiliz; gainera, autoenplegurako gaitasunak garatzen lagunduko dion prestakuntza-programa bat eskainiko zaio ekintzaileari.
Udazkenetik aurrera, ekintzaileen alde lantzen joan den informazio guztia eskuratu ahal izango da.
