×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Pertsona ekintzailearen izaera eta jarrera al dituzu?

Share on facebook
Share on twitter
Share on linkedin
Share on whatsapp
Share on email

Ekintzailetza modan dago. Egunero ikusi eta irakurtzen ditugu startup bikainei edo negozio-ideia apartak izan dituen jendeari buruzko albisteak. Gaiaren inguruko informazioa oso ugaria da, eta batzuetan badirudi arrakastaz ekiteko nahikoa dela ideia on bat edukitzea, gainerako guztia berez etorriko dela.

Baina errealitatea oso bestelakoa da. Mundu guztia ez da ekintzaile perfektua: negozio bat martxan jartzeko beharrezkoa da asko aztertzea, orduak ematea, pazientzia izatea, irmotasuna, sakrifizio-gaitasuna eta lana. Unea iritsita eta ideia egokiari helduta gaitasun horiek guztiak izan ditzakegula uste badugu ere, askotan norberaren izaera izaten da egitasmoaren arrakasta edo porrota erabakitzen duena. Izan ere, negozio batek aurrera egin dezan, milaka egoera konpondu behar dira egunero, lehenik eta behin gaitasun profesionalarekin zerikusia dutenak, baina baita norberak ikuspuntu pertsonaletik egoera horiei aurre egin eta konpontzeko duen gaitasunarekin ere.

Ariketa erraz baten bidez egiazta dezakezu hori. Begiratu inguruan dituzun pertsonei, senitartekoei, lagunei, kideei… Seguru ezagutzen duzula norbait gelditzen ez dena nahi duena lortu arte; bere denbora librea eginkizun horretan emateko gai dena, helburua lortzeko modu guztiak aztertuko dituena. Eta kontrakoa ere, seguru ezagutzen duzula metodikoa den pertsonaren bat, berritasunak gehiegi atsegin ez dituena, ez ohikotasunetik ateratzea. Seguruenik biak ala biak fidagarriak izango dira euren lanean, baina badirudi lehenengoa ekintzailearen profiletik hurbilago dagoela.

Ekiteko abenturari heldu aurretik oso garrantzitsua da zeure burua aztertzea, hoztasunez, zure negozioa martxan jartzeko beharrezkoak diren izaera eta jarrera pertsonalak ba ote dituzun jakitea.

Jarraian, zenbait egoera azalduko dizkizugu, ekiteko aproposa ote zaren jakiten lagunduko dizutenak. Prest al zaude?

  1. Gai al zara bat-batean sortzen diren egoera berrietara egokitzeko ala berritasunek noizbait blokeatu izan zaituzte? Merkatu aldakorrak egoera eta arazo aldakorrak sorrarazten ditu, eta horiei aurre egiteko prest egon behar duzu.
  2. Arriskuak onar ditzakezu ala beldurtzen zaituzte? Arriskua negozio ororen berezko ezaugarria da. Arriskatzen ez duenak ez du irabazten, baina arriskua kalkulatu egin behar da beti.
  3. Zugan erabateko konfiantza al duzu ala hirugarrenen laguntza nahi izaten duzu? Enpresaburu eta arduradun direnek bakarrik erabaki behar izaten dituzte hainbat neurri, batzuetan ongi hartuak ez direnak.
  4. Lagunkoia al zara ala erosoago egiten duzu lan bakarrik? Nahitaezkoa da bezeroekin, hornitzaileekin, inbertitzaileekin, lankideekin… harremanak izaten jakitea. Harreman pertsonalek konfiantza sustatzen dute; horregatik, soziabilitatea funtsezkoa da enpresak arrakasta izan dezan.
  5. Tematsua al zara baita kolpe bat hartu ondoren ere, ala denbora behar duzu onera etortzeko? Onera etortzeko gaitasuna bertute handia da, etsipenean erori ez zaitezen.

Pertsona ekintzailea izateko izaera egokia ote duzun jakiteko ordua da. Galdera gehienetan lehenengo aukeraren alde egin baduzu, ekintzailetza zure bokazioa da, negozio bat martxan jartzeko beharrezkoak diren jarrera pertsonalak dituzu. Baina ez kezkatu nagusiki bigarren aukerarekin bat egin baduzu, inor ez baita jakitun jaio. Laguntza eta aholkularitza egokiarekin edozein motatako egoerak bideratzen ikas dezakezu, izan zaitezkeen ekintzailerik onena izan zaitezen. Eta horri prestakuntza egokia gehitzen badiozu eta zure bidean laguntzen uzten badiguzu, arrakastaz ekiteko aukera asko izango duzu.

Gogoratu Gaztenpresan ekintzaileentzako testa eskaintzen dizugula. Horrekin, zure proiektua garatzeko dituzun gaitasunak ezagutuko dituzu. Gainera, egitasmoa bultzatzeko behar dituzun baliabide guztiak jarriko ditugu zure esku, enpresak sortzeko tailerrak edota mentoring-programak, adibidez. Zain gaituzu.

Post gehiago irakurri.

Maitza 23, 2023
Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea. Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen...
Maitza 17, 2023
Duela egun gutxi batzuk gure 2022ko Memoria aurkeztu genuen Donostian. Izan ere, aurten Donostia Gizarte Ekonomiaren Hiriburu izendatu dute. Prentsaurrekoaren ondoren, Gaztenpresatik ekitaldia egiteko aprobetxatu genuen, hain zuzen ere, gure erkidego ekintzailea inspiratu, motibatu eta babesteko ekitaldia. Topaketa hau oso mamitsua izan zenez, eta ezer ez ahazteko, bertan gertatu zen guztia kontatzea erabaki dugu. Has...
Apirila 28, 2023
Gure inguruko errealitate soziala hobetzeko helburuari jarraikiz, Gaztenpresan 314 negozio berri abiarazten lagundu dugu 2022an, eta horiei esker 637 lanpostu sortu dira. Hori horrela izanik, ia 30 urteko ibilbide honetan, 6.578 enpresa eta 12.041 enplegu sortzen lagunduko dugu, eta LABORAL Kutxaren bitartez 192 milioi euro lortzeko aukera eman dugu, mailegutan. Datu horiek guztiak gure 2022ko...
Apirila 17, 2023
Guztion ahotan dago Adimen Artifiziala (AA), eta ChatGPT tresnari zor zaio bere ospearen zati handi bat. Tresna hori OpenAI enpresak merkaturatu zuen joan den urtearen amaieran, eta guztiok harrituta utzi gaitu galderei erantzuteko, elkarrizketak izateko eta testuak modu natural eta koherentean sortzeko duen eraginkortasunagatik eta zehaztasunagatik. Tresna horrek zer egin dezakeen ikus dezazuen, pentsatu dugu...
Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...