×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola jarri martxan proiektu ekintzaile bat?

gzt-arrancar-proyecto-emprendedor-blog
Share on facebook
Share on twitter
Share on linkedin
Share on whatsapp
Share on email

Duela urte batzuk, Alazne izeneko gazte ekintzaile bat konturatu zen, munduan zehar makina bat bidaia egin arren, ia ez zuela merezi zuen oroitzapeneko argazkirik. Selfie lausoak, enkoadraketa eskasak, jendea alde guztietan… Arrazoia zena zela, ateratako milaka argazkietatik gutxi batzuk baino ez ziren onik irteten. Urte batzuk geroago, Alaznek argazkilari profesionalez osaturiko sare bat sortu zuen, turistek beren bidaiez gozatzeko eta kalitate oneko oroitzapenak gordetzeko aukera izan zezaten.

Ideia bururatu zitzaionean, Alaznek bere bide ekintzailearen lehen etapa bete zuen, seguruenik guztietan garrantzitsuena; baina, horren aurretik, urte pare bat igaro behar izan ziren fokua ardaztu eta behin betiko proiektua abian jarri arte. Aldi horretan, zenbait aukera bururatu zitzaizkion, ideiaren bideragarritasun ekonomikoa eta teknikoa aztertu zituen, finantziazioa bilatu zuen… bere enpresa sortu arte.

Faseak mugatzea

Negozio-ideia bat aurkitzeko eta hura zehazten hasteko, denbora behar da. Ekintzaile batek bere proiektua martxan jartzen duenean, gauza batek bakarrik gainditzen du bere ilusioa: barne hartu nahi dituen zerbitzuen kopuruak, eta zerbitzu horiek bere bezero potentzialek behar dituztenak baino askoz gehiago izaten dira gehienetan. Horregatik, ezinbestekoa da zure proiektu ekintzaileak zein fase igaro behar dituen argi eta garbi zehaztea, eta arrakasta izaten laguntzeko erabakigarriak izan daitezkeen printzipio jakin batzuk argi izatea. Oro har, proiektu ekintzaile batek bost etapa igaro behar izaten ditu: ideia bat izatea, negozio-plana egitea, finantziazioa bilatzea (behar izanez gero), enpresa martxan jartzea eta hura sendotzea.

1. Negozio-ideia

Zure negozioaren sorreraren aurrean zaude, eta jende askok uste du ideia bikainak beren kasa garatzen direla, sormen-uhin baten erdian; baina, egia esan, dena abiapuntuaren araberakoa da, konbentzitzen zaituen ideia batera iristeko modu asko baitaude. Beharbada oso gustuko duzun zerbait duzu eta modu profesionalean jardun nahi duzu horretan; agian, negozio-aukera bat aurkituko duzu aurrez izan duzun lan-esperientzia baten ondorioz; edo frankizia bat irekitzeko edo eskualdatutako negozio bati jarraipena emateko aukera sor dakizuke. Horrenbestez, beharbada zure bideari ekin beharko diozu ekintzailetzaren munduan.

2. Negozio-plana

Gehienetan, «ideia» hori prozesu luze baten emaitza izaten da; izan ere, ideia aztertu, aukerak bilatu eta bezero potentzialekin hitz egin behar da eta, azken batean, lan horrek guztiak Negozio Plan baten lanketarekin amaitu behar du. Plan horri esker, zure ideiak aurrera egiteko benetako aukerarik baduen egiaztatu ahal izango duzu. Horrez gain, bideragarritasun teknikoa (produktu bat garatzea erabakitzen baduzu), ekonomikoa (diru-sarrerak gastuak baino handiagoak direla egiaztatuta), finantzarioa (negozioa mantentzeko nahikoa diru duzun ikustea) eta komertziala (salmenta-plan egoki bat izatea) ezagutu ahal izango dituzu.

Gainera, Negozio Plana simulazio bat izango da, zure enpresak, irekita balego, nola funtzionatuko lukeen eta nola antolatuko litzatekeen ikusteko. Negozio Planaren lanketan, proiekturako dituzun ideia guztiak modu antolatuan islatu, eta garatu nahi duzun ideia hori benetan errentagarria izango den eta horretarako aukera izango duzun baloratu ahal izango duzu. Horri esker:

  • Zure ideiak antolatuko dituzu.
  • Aurkezpen-gutun on bat izango duzu, zure proiektua bazkide edo inbertitzaile bati aurkeztu behar badiozu.
  • Sor daitezkeen akatsak zuzendu eta egin beharreko aldaketak egin ahal izango dituzu.
  • Bideragarria den ala ez baloratuko duzu.
  • Erabakiak hartu ahal izango dituzu.

Ilusioz betetako eginkizun bat izango da, buruan zenuen ideia horrekin lotutako zerbait eraikitzen ari zarelako. Era berean, negozio horrek dakarren konpromiso guztia zure gain hartzeko prest zauden ala ez erabakitzeko balioko dizu.

3. Finantziazioa bilatzea

Zure negozio-plana egin ondoren, aurrera jarraitzea erabaki baduzu, honako hau izango da hurrengo urratsa: zure negozioa martxan jartzeko eta zure jarduerari ekiteko nahikoa diru duzun baloratzea. Erantzuna «bai» bada, primeran; baina erantzuna «ez» bada, bilatu egin beharko duzu. Beti duzu beste pertsona batekin elkartzeko aukera, edo beste aukera batzuk ere azter ditzakezu: langabezia kapitalizatzea, bankuari finantziazioa eskatzea edo beste formula batzuk, hala nola crowdfundinga, arrisku-kapitaleko fondoak eta, jakina, merkatuan dauden laguntzak eta dirulaguntzak.

4. Abian jartzea

Dena prest baduzu, abian jartzeko ordua da. Negozio-planean beharrezkotzat jo dituzun konpromiso guztiak gauzatuko dituzu (hornitzaileak, merkataritza-lokala— beharrezkoa izanez gero—, eta abar). Eta ez ahaztu: jarduerari alta eman beharko diozu Ogasunean eta Gizarte Segurantzan.

5. Sendotzea

Hala ere, zailena ez da negozioa martxan jartzea, baizik eta merkatuan sendotzea, haren errentagarritasuna epe luzera mantentzea eta, hala badagokio, hazkunde-etapa bati bide ematea. Kontuan izan behar duzu, gauzak ondo badoaz ere, zure enpresak ezin duela automatikoki funtzionatu eta egunero optimizatu behar dela merkatuaren beharretara egokitzeko. Horregatik, pultsu hau mantentzen lagunduko dizuten gomendio hauek izan behar dituzu kontuan:

  • Saiatu hobera egiten eta erosotasun-eremuan ez geratzen.
  • Aprobetxatu sortzen diren aukerak eta hartu arriskuak zuhurtziaz.
  • Bilatu beti bikaintasuna.

Gomendio horiez gain, ez ahaztu eskura dituzun mentoring-programez baliatzea beste ekintzaile batzuen ekarpenak jasotzeko, oso baliagarriak izan baitaitezke zure negozioa hazteko. Lanarekin eta dedikazioarekin, mailaz maila igo eta etapa berriak aztertu ahal izango dituzu.

 

Post gehiago irakurri.

Otsaila 8, 2024
GAZTENPRESA: Inma, lehen, mikroetatik kanpo, ekitea gauza hutsala ez dela jakitea garrantzitsua dela komentatzen ari ginen. Eta oso interesgarria iruditzen zaidan konparazio bat egiten zenuen. Kontatuko diguzu? INMA RAMOS: Guk 30 urte daramatzagu ekiten duten pertsonekin lanean. Eta askotan, pertsonak ekiten duenean, egiten duen lehen aldia da. Beraz, gelditu gabe korrika egiten ari naizen esprint...
Urtarrila 15, 2024
Simon Zineckek zioen ekintzailetza ez dela lasterketa bat, inoiz amaitzen ez den bidaia baizik. Bidaia honetan, motxila tresna askorekin beteta eraman behar dugu, eta funtsezko tresna bat finantza-osasuna da. Iñaki Ruiz de Balugerarekin hasiko dugu solasaldi sorta. Bere ibilbide profesionala enpresei eta ekintzaileei helburu hori lortzeko aholkuak ematen eman du. GAZTENPRESA: Badirudi ekintzaileek denetik jakin...
Abendua 13, 2023
Patxi Vizcainorekinhitz egin dugu. Imanol Lecuona eta Iñigo Graciarekin batera, Vaprest enpresa gipuzkoarra jarri dute martxan. Enpresa horrek mota guztietako sektoreetarako presiozko aparatuak instalatu, konpondu eta mantentzen ditu: altzairutegiak, galdategiak, elikagai-fabrikak, ospitaleak, garbitegiak, etab. Nola erabaki zenuten Imanolek, Iñigok eta zuk ekitea? Gure ekintzailetza beharretik dator. Argi eta garbi. Hirurok lurrunezko galdarak eta fluido termikoak...
Abendua 4, 2023
Beatriz Ramos eta Tzibi Juaristierekin batera, Eukene Aranak irabazi-asmorik gabeko kooperatiba bat jarri du martxan, erakunde publiko eta pribatuei haurrak eta nerabeak babesten, eta tratu ona prebenitzen eta lortzen laguntzeko. Elkarrizketa honetan azaldu digu.   Hobeto ezagutzeko, azalduko al diguzu labur-labur zer egiten duzuen Zain Protección Infancia y Adolescencia erakundean? Gure lana, batez ere, erakunde...
Azaroa 10, 2023
Sheila Rubiarekin hitz egin dugu gaur. Emakume ekintzaile honek, Emilio Cabrera bikotekidearekin batera, etxeko sukaldaritzako negozio bat jarri du abian Iruñean, eramateko janariarekin. Bere establezimenduak “Pollos Asados La Abuela” du izena eta, elkarrizketa honetan, proiektu honen jatorria eta Gaztenpresak errealitate bihurtzen nola lagundu dion azalduko digu.   Nola sortu zen zuen negozioa abian jartzeko ideia?...
Urria 23, 2023
Eskolan txalupa bat egiten ari zela konturatu zen arabar hau bere bizitza betiere zurarekin lotuta egongo zela. Eta horrela izan da, baina ez beti modu berean. Elkarrizketa honetan, merkatuko premiak aldatzen ziren neurrian bere artisau-jarduera ere nola aldatu den kontatutako digu Félix Pikatzak. Baita berrasmatze-prozesu horretan Gaztenpresak nola lagundu dion ere. Oso txikitatik argi izan...