×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Negozio-plan on bat egiteko gako guztiak

plan-negocio
Share on facebook
Share on twitter
Share on linkedin
Share on whatsapp
Share on email

Zer da negozio-plan bat

Kanpamentu nagusi gisako bat da negozio-plana edo enpresa-plana, edozein abentura ekintzaileren abiapuntua eta pauso garrantzitsuenetako bat enpresa bat sortzeko garaian. Hamaika aldiz entzungo zenuen noski horri buruz hitz egiten, baina beharbada ez dakizu nola garatu edo gauzatu. Dokumentu oso baliagarria dugu hau, enpresa-proiektu berriaren izaera laburbiltzeko gai izan behar duena, eta, horrekin batera, negozio arrakastatsu bihurtuko duten helburuak, nortasuna eta funtzionamendua biltzeko gai.

Jakin behar duzun lehenengo gauza zera da, negozio- edo enpresa-plan guztiek gutxi gorabehera ezaugarri eta atal berak dituztela. Plan hori zenbateko sakontasunez landu den, horixe da plan txar bat eta on bat bereizten dituena, hain zuzen ere. Oso garrantzitsua da zorrotza izatea eta ildo orokorretan soilik ez geratzea. Zure negozioaren mapa gisako hau landu nahi baduzu, xehetasunez jokatu behar duzu. Industria Ministerioaren orri ofizialean deskargatu dezakezun programa batean jarraitu beharreko urratsak adieraziko dizkizute, edo begiratu bat eman diezaiokezu halaber hemen aurkitu dezakezun ereduari.

 

Negozio-plan bat diseinatzeko arrazoiak

Bat baino gehiago dira negozio-plan on bat diseinatzea beharrezko egiten duten arrazoiak:

  • Enpresaren funtzionamendu-gakoak zehazten ditu.
  • Enpresaren egitura eta antolamendua definitzea ahalbidetzen du.
  • Lagungarria da AMIA Ahuleziak, Mehatxuak, Indarrak eta Aukerak identifikatzeko.
  • Enpresaren funtzionamendua eta alternatiba posibleak zehazten laguntzen du.

Ikusiko duzunez, zure enpresa errentagarria izan dadin zer egin behar duzun eta hori lortzeko zer pauso eman behar dituzun azaltzea da dokumentu honen helburua. Ideia zera da, hasiera batean dauzkazun baliabideen marrazki xehatu bat egitea eta denbora-epe jakin batean lortu nahi duzun helmuga mugatzea.

Negozio-plana benetan garrantzitsua da, eta zuretzat barne-mailan baliagarri izateaz gain, funtsezko elementu bihurtu daitekeen erreminta bat ere bada banku-mailegu bat emateko prozesua arintzeko, edo falta den detailea inbertitzaile pribatu edo business angel bat proiektu batean inplikatzera animatzeko. Gainera, gida ere izan daiteke sustatzaileek negozio berri bat abenturarik eta inprobisaziorik gabe garatu dezaten.

 

Negozio-planaren egitura

Gorago adierazi dugunez, negozio-plan guztiek erkide dituzten zenbait atal aipatu daitezke. Eskema ohikoenak honako zazpi jarraibide hauei jarraitzen die:plan-de-negocio-eus

  1. Produktuaren edo zerbitzuaren definizioa. Zure negozio-ideia zertan datzan deskribatu beharko duzu atal honetan. Merkatu-premia bati erantzun beharko dio horrek, arazo bat konpondu beharko du edo zerbait berria eskaini, lehendik badauden negozio lehiakideei dagokienez. Zehaztu aldeko edo aurkako alderdiak, eta azaldu nola egingo diezun aurre sortzen diren arazoei. Zure nortasun komertziala definitzen lagunduko dizu horrek guztiak.
  2. Lan-taldea. Merkatuak betetzen ez duen premia hori nola bideratuko duzun azaldu ondoren, zure lantaldea definitzea eta zerbitzu edo produktu bereizi bat lortzea ahalbidetuko dizuten talde-abileziak txertatzea izango da hurrengoa.
  3. Merkatu-azterketa. Aztertu zehatz-mehatz zure enpresa zer sektoretan ezarriko den eta zer tamaina izango duen, eta egiaztatu zure ideiarentzat egiazko aukera bat dagoen edo ez. Definitu zure balizko bezeroen profila (erosteko dituzten motibazioak, gustuak, erosteko ahalmena, eta abar) eta haiengana enfokatu zure proiektua. Zure merkatu-azterketa zentratzea eta merkatu zati handiegia hartzen ez saiatzea da gakoa, eta, hori horrela, zure targeta modu egoki eta errealistan bideratzea izango da onena.
  4. Negozio-eredua. Behin zure balizko bezeroak definitu dituzunean, azaldu zein den zure balio-proposamena, zerk bereiziko duen egiaz zure negozioa. Erabiliko dituzun marketin-estrategiekin eta salmentei buruzkoekin lotutako atala sartu beharko duzu atal honetan, diru-sarrerak eta horretarako beharrezkoak diren baliabideak erabiltzeko zer metodo erabiliko duzun definituz. Gogoratu hau dela planaren funtsezko puntuetako bat, zure negozioaren arrakasta edo porrota definitu dezakeena.
  5. Finantza-plana. Negozio-ideia batek, ona izateaz gain, errentagarria izan behar du, eta hemen balioetsi beharko dugu ideiaren bideragarritasun ekonomikoa. Zure negozioa nola monetizatuko duzun azaltzeko unea da, eta aurreko puntuetan jada azaldu duzuna zenbaki bihurtzekoa. Horretarako prezioen, kostuen, marjinen eta gastuen azpiegitura bat txertatu beharko duzu.
  6. Arriskuen azterketa. Ezinbestekoa da, halaber, zure negozioaren arriskuak ebaluatzea, merkatuaren mehatxuak identifikatzea, eta jarduketa jakin batzuk planteatzea egoera konprometituei erantzuteko. Zer egingo zenuke gauzak zuk imajinatu bezala ez badoaz? B plan bat beharko duzu kontuan hartu ez zenituen arazoak konpontzeko.
  7. Ezarpen-plana. Ezarri plangintza zehatz-mehatz bat orientatu zaitezen, eta zure negozio berriaren denborak eta faseak markatzeko. Identifikatu azken helburura bideratutako eguneroko ekintza eta zeregin onenak.

Azpimarratzekoa da, atal hauez gain dokumentuaren hasieran laburpen exekutibo bat txerta dezazula, non labur eta eskematikoki bilduko dituzun gainerako planean garatuko dituzun atalak (zertan datza proiektua, nola lortuko duen etekina, hazteko posibilitateak…). Proiektuarekin konfiantza izateko eta bere dirua arriskatzeko inbertitzaile posible batek jakin beharreko guztiari erantzungo dio laburpen horrek. Planaren hasieran aurkezten bada ere, komenigarria izaten da dokumentu osoa amaitzean egitea, ondoren garatzen diren puntu guztien ikuspuntu osatuagoa izango baituzu.

 

Nori zuzentzen zaio negozio-plana?

Negozio-planak bi hartzaile nagusi mota ditu:

  • Enpresen pertsona sustatzaileak. Proiektua garatzeko, zehatz-mehatz ezagutzeko eta inprobisatzeko tentazioak mugatzeko definitutako bide-orri gisa baliagarria izango da dokumentu hau. Lantzeko garaian zenbat eta zorroztasun handiagoa erabili, orduan eta hobea izango da emaitza.
  • Inbertitzaileak edo hornitzaileak. Gure negozioan konfiantza duen inor badago, konfiantza hori hitzetan baino zerbait gehiagotan oinarritzeko posibilitatea izan behar du. Hori horrela, negozio-plana izango da gure potentzialtasunak abalatuko dituen dokumentua, laguntzak edo dirulaguntzak eskatzeko garaian zein inbertitzaileak erakartzeko garaian.

 

Negozio-plan bat egiteko aholkuak

Azkenik, orain negozio-plan batean barne hartu beharreko elementuak zein diren badakizunez, plana idatzi baino lehen, nahitaez hartu behar dituzu kontuan oinarrizko aholku batzuk erabilgarria eta erakargarria izan dadin, eta helburu dituen pertsonen edo erakundeen premiei erantzun diezaien.

consejos-plan-de-negocio1. Proiektuan parte hartzen duten pertsonek idatzia. Xehetasunak elementu bereizgarria izan daitezke bilatzen diren helburuak lortzeko garaian. Horregatik, ez da komeni hirugarren pertsonen esku uztea, alde batetik dedikazio handiagoa eskatuko ligukeelako eta bestetik kostu handia izango lukeelako. Inork ez ditu ezagutzen proiektu baten ezaugarriak, espiritua edo motibazioa proiektu horretan parte hartzen dutenek baino hobeto, enpresa berri baten funtzionamendua markatuko duen bide-orria izateaz gain, enpresa horren aurkezpen-txartela ere izango baita finantzaketa lortzeari begira.

2. Luzera, beharrezkoa dena. Funtzionamendu egokia ziurtatzen duen abal baten antzekoena da negozio-plana eta beharrezkoa duen xehetasuna izango du betiere, eta, hori horrela, ez da komeni garrantzitsuak izan daitezkeen edo testuingurua dakarten datuak ezabatzea. 50 folio inguruko luzerak nahikoa izan beharko luke dena laburbiltzeko. Gogoratu punturik garrantzitsuenak laburbiltzen dituen laburpen exekutiboa ere baduzula.

3. Egitura definitua. Dokumentuak ongi egituratua egon behar du pertsona interesdunek eurentzat interesgarrienak izan daitezkeen alderdiak bizkor aurkitu ditzaten.

4. Hizkuntza argi eta konbentzigarria. Hizkuntza argia erabili behar da, irakurtzen duten pertsona guztiek identifikatu dezaketena, pertsona bakoitzaren espezializazioa edozein izanda ere. Gainera, gure negozioaren ontasunak modu egokian helarazteko gai izan behar dugu. Horregatik, komeni da, behin amaitzen dugunean, edukien lanketan espezializatutako pertsona edo enpresa bati eman diezaiogula, planak beharrezkoak diren ulermen- eta egitura-estandarrak gainditzen dituela egiaztatu dezan.

5. Litekeena da zure negozioaren bizitzan zuk zure negozio-plana eguneratu behar izatea. Hori gertatzen bada, ziurtatu azterketa estrategiko on bat egiten duzula, zure enpresaren funtzionamenduan esku hartzen duten faktoreak ongi ulertzeko lagungarria izango zaizuna.

6. Oraindik zalantzarik baduzu, eman begiratu bat negozio-plan bat egiteari lotutako ohiko galderen zerrenda honi.

Plana lantzen dutenak proiektuan parte hartzen duten pertsonak izatea oso gomendagarria bada ere, horrek ez du esan nahi komenigarria ez denik kanpo-laguntzak bilatzea izaera orokorreko zalantzak argitzeko edo ezagutza handirik ez dugun atal bat lantzeko. Gaztenpresan behar duzun laguntza eskaintzen dizugu negozio-plan kaudimendun bat diseinatu dezazun eta zure abentura ekintzailea arrakastaz gauzatu dezazun.

Post gehiago irakurri.

Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...
Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...