×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Mentore on batek izan behar dituen ezaugarri garrantzitsuenak

gzt-mentoring
Share on facebook
Share on twitter
Share on linkedin
Share on whatsapp
Share on email

Elton John abeslari britainiarra bere karreraren hasieran nabarmentzen hasi zenean, haren agenteak, Howard Rosek, gomendio batzuk eman zizkion, eta gomendio horiek bere ibilbidea markatu zuten; sekula ez zituen ahaztuko. Kontzertu handiak eskaintzeko nahikoa fama izan arren, Rosek honako gomendio hau eman zion behin: “Ez ezazu zeure burua goizegi irudikatu leku oso handi batean. Hori egin aurretik, kanpora irten eta horren ezaguna ez zaren eta zure musikara horren ohituta ez dauden lekuetan abestu behar duzu; eta esperientzia hartu”.

Eta zer gertatuko litzateke New York edo Los Angeles bezalako hiri handietan abesteko aukera izanez gero? “Ekitaldi handiak sal ditzakezunean, beste txikiago batzuetan jarriko zaitugu: eromena piztuko dut sarreren salmentarekin; berehala salduko dira guztiak, eta etortzen zaren hurrengoan, ekitaldi handi batean arituko zara. Eta ona bazara eta zure karrerak aurrera jarraitzen badu, estadioak betetzeko prest egongo zara”. Ordudanik, Elton Johnek 3.000 kontzertu baino gehiago eman eta 250 milioi disko baino gehiago saldu ditu.

Esan genezake Howard Rosek abeslariari egundoko aholkua eman ziola, haren karrerako une bereziki garrantzitsu batean, eta haren ondorengo ibilbidea markatuko zuten hainbat jarraibide eman zizkiola. Rose artista ez izan arren, esperientzia handia zuen eta oso ondo ezagutzen zuen musikaren mundua, eta abeslari britainiarrari asko lagundu zion erabakiak hartzeko orduan; ikusmira zabaltzen lagundu zion, eta ikuspegi berri bat eman, haren karrera sustatzen laguntzeko. Hau da, ez zuen ordezkari gisa bakarrik jardun, mentore gisa baizik.

Funtsezko tresna

Jakina, desberdintasun handiak daude kasu horren eta gaur egun profesional batek egin dezakeen mentoring-lanaren artean. Baina laguntza mota horrek ekintzailetzaren unibertsoan hasten diren pertsonentzat zer nolako garrantzia duen irudikatzeko balio du.

Mentoringak sekulako balioa hartu du pertsonei beren negozio berria martxan jartzeko edo hura sendotzeko orduan orientazioa emateko. Mentore boluntarioek ekintzailetzaren eta enpresa-kudeaketaren munduan duten esperientziak ikuspegi objektibo bat izaten laguntzen die gazteei. Horrek haien gaitasunak indartzen ditu eta pertsonalki eta profesionalki hazten laguntzen die. Hala ere, mentoring-lana egitea ez da beti erraza: mentoreek ezaugarri jakin batzuk izan behar dituzte, ekintzaileei euren bertuteak eta gaitasunak esploratzen laguntzeko.

Lotura eta konpromisoa

Laguntzeko eginkizun horretan, pertsona ekintzailea ondo ezagutu behar da lehenik eta behin. Bien arteko harremanak honako balio hauek izan behar ditu oinarri: konfiantza, enpatia, motibazioa, komunikazioa eta, batez ere, konpromisoa. Mentore batek ekintzaile bati laguntzeko ardura bere gain hartzen duenean, beti gogoan izan behar du ekintzailea, haren erronka eta helburuekin konprometitu behar da, eta prest egon behar da haren negozio-premiei azkar erantzuteko.

Entzute aktiboa eta asmodun galderak

Ezinbestekoa da mentoreak entzute aktiboa egitea, ekintzaileak senti dezan lagundu eta ulertu egiten diola, ideiak hobeto egituratzen laguntzeko. Elkarrizketa horretan funtsezkoa da galderak egitea, lagundu nahi zaion pertsonaren hausnartzeko gaitasuna sustatzeko eta, horrela, pentsatzeko modu desberdinak eta disruptiboak piztu eta erabaki berriak hartu ahal izateko. Azpimarratzekoa da, gehienetan, galdera bat egiteko moduak erantzuna baldintzatzen duela, eta galderak planteatzeko trebetasuna eta asmoa erabakigarriak izan daitezkeela gero erabakiak hartzeko orduan.

Umiltasuna

Mentore on batek izan behar duen ezaugarrietako bat umiltasuna da. Esperientziak ez die automatikoki ematen galdera guztiei erantzuteko gaitasuna, eta ez dute zertan erantzule sentitu behar horregatik. Dena den, oso garrantzitsua da aurreiritzietatik ihes egitea eta laguntzen ari zaien pertsona ez epaitzea, horien hausnarketek onurak bakarrik ekar ditzaten.

Oreka

Pertsona bakoitza eta haren negozioa unibertso bat dira bere horretan, eta planteamendu espezifikoak eta bereiziak egin behar dira bakoitzaren erronkei eta arazoei aurre egin ahal izateko. Desberdintasun pertsonal horrengatik, mentoringa ez  da noranzko bakarreko laguntza, elkarrekin ikasteko eta aberasteko aukera ematen baitie bi aldeei. Izan ere, bi pertsonen artean eraikitzen den harremanak elkarren arteko ikaskuntza- eta hausnarketa-ingurune bat sortzen du eta, ingurune horretan, ezagutzak eta esperientziak partekatzen dira; horrela, mentoreak bere ikuspegi pertsonala eta profesionala zabal dezake.

Horregatik guztiagatik, Gaztenpresaren Mentoring programak bi hartzaile-mota ditu: batetik, kanpo-aholkularitza bilatzen duten ekintzaileak, beren negozioak martxan jartzeko asmoz; eta bestetik, beren konpromiso pertsonala eskaintzen duten profesionalak, enpresa-ehun berria dinamizatzen eta langabeziari aurre egiten laguntzeko asmoz. Bi talde horietako batean bazaude eta gure ekintzailetza-sareko kide izan nahi baduzu, Gaztenpresan zain izango gaituzu.

Post gehiago irakurri.

Otsaila 8, 2024
GAZTENPRESA: Inma, lehen, mikroetatik kanpo, ekitea gauza hutsala ez dela jakitea garrantzitsua dela komentatzen ari ginen. Eta oso interesgarria iruditzen zaidan konparazio bat egiten zenuen. Kontatuko diguzu? INMA RAMOS: Guk 30 urte daramatzagu ekiten duten pertsonekin lanean. Eta askotan, pertsonak ekiten duenean, egiten duen lehen aldia da. Beraz, gelditu gabe korrika egiten ari naizen esprint...
Urtarrila 15, 2024
Simon Zineckek zioen ekintzailetza ez dela lasterketa bat, inoiz amaitzen ez den bidaia baizik. Bidaia honetan, motxila tresna askorekin beteta eraman behar dugu, eta funtsezko tresna bat finantza-osasuna da. Iñaki Ruiz de Balugerarekin hasiko dugu solasaldi sorta. Bere ibilbide profesionala enpresei eta ekintzaileei helburu hori lortzeko aholkuak ematen eman du. GAZTENPRESA: Badirudi ekintzaileek denetik jakin...
Abendua 13, 2023
Patxi Vizcainorekinhitz egin dugu. Imanol Lecuona eta Iñigo Graciarekin batera, Vaprest enpresa gipuzkoarra jarri dute martxan. Enpresa horrek mota guztietako sektoreetarako presiozko aparatuak instalatu, konpondu eta mantentzen ditu: altzairutegiak, galdategiak, elikagai-fabrikak, ospitaleak, garbitegiak, etab. Nola erabaki zenuten Imanolek, Iñigok eta zuk ekitea? Gure ekintzailetza beharretik dator. Argi eta garbi. Hirurok lurrunezko galdarak eta fluido termikoak...
Abendua 4, 2023
Beatriz Ramos eta Tzibi Juaristierekin batera, Eukene Aranak irabazi-asmorik gabeko kooperatiba bat jarri du martxan, erakunde publiko eta pribatuei haurrak eta nerabeak babesten, eta tratu ona prebenitzen eta lortzen laguntzeko. Elkarrizketa honetan azaldu digu.   Hobeto ezagutzeko, azalduko al diguzu labur-labur zer egiten duzuen Zain Protección Infancia y Adolescencia erakundean? Gure lana, batez ere, erakunde...
Azaroa 10, 2023
Sheila Rubiarekin hitz egin dugu gaur. Emakume ekintzaile honek, Emilio Cabrera bikotekidearekin batera, etxeko sukaldaritzako negozio bat jarri du abian Iruñean, eramateko janariarekin. Bere establezimenduak “Pollos Asados La Abuela” du izena eta, elkarrizketa honetan, proiektu honen jatorria eta Gaztenpresak errealitate bihurtzen nola lagundu dion azalduko digu.   Nola sortu zen zuen negozioa abian jartzeko ideia?...
Urria 23, 2023
Eskolan txalupa bat egiten ari zela konturatu zen arabar hau bere bizitza betiere zurarekin lotuta egongo zela. Eta horrela izan da, baina ez beti modu berean. Elkarrizketa honetan, merkatuko premiak aldatzen ziren neurrian bere artisau-jarduera ere nola aldatu den kontatutako digu Félix Pikatzak. Baita berrasmatze-prozesu horretan Gaztenpresak nola lagundu dion ere. Oso txikitatik argi izan...