×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Laboral Kutxak eta AVA-ATA EUSKADIk, Euskal Autonomoen Elkarteak, autonomoen finantzaketa sustatzeko eta kontsumoa hobetzeko hitzarmena sinatu dute

Share on facebook
Share on twitter
Share on linkedin
Share on whatsapp
Share on email
  • Gaur sinaturiko hitzarmenari esker, Elkarteko bazkide diren autonomoek kreditu abantailatsuak izango dituzte aukeran, zirkulatzaile-beharrei erantzuteko, baita beste banku-produktu batzuk ere, erosketak sustatzeko.
  • Banku-entitateak berehalako kredituak emango dizkie negozioei, eperako erosketak ordaintzeko, eta saltokiko terminalak ere baldintza onetan izango dituzte.
  • GAZTENPRESA Fundazioaren bitartez, ekintzaileei baldintza berezietan emango zaie finantzaketa, beren negozio-proiektua gauzatzeko, eta ibilbide osoan zehar jasoko dute laguntza.

 

Euskal Autonomoen Elkarteko lehendakari Ernesto García Ozaetak eta Laboral Kutxako lurralde-zuzendari Pello Ugalde Ayerbek sinatu dute hitzarmena, eta Elkarte horrek ordezkaturiko 3.100 autonomoei eragiten die. Urtebetez egongo da indarrean eta luzatzeko aukera izango da.

Laboral Kutxak eta AVA-ATA EUSKADIk, Euskal Autonomoen Elkarteak, irtenbidea eman die egun autonomoak kezkatzen dituzten bi arazori, hau da, beren lanbide-jardueran inbertitzeko finantzaketa aurkitzeko arazoei eta kontsumoaren beherakadari, Elkarteko gerente Emi Sánchezek azaldu duenez.

Gainera, autonomoen eskura jarriko ditu Laboral Kutxak horien bezeroarentzat onuragarriak diren produktuak. Banku-entitateak kontsumitzaileen erosketak finantzatzeko aukera emango die negozioei. Horrela, kontsumitzaileek erosketak epeka ordaindu ahal izango dituzte, baina negozioak ez du beregain hartuko kontsumitzaileek ez ordaintzeko arriskua. Laboral Kutxako lurralde-zuzendari Pello Ugaldek adierazi duenez, “horrela, kontsumoari begira, posizionamendua hobetzen da, erosteko azken erabakia erraztu eta, hortaz, kontsumoa sustatu”.

 

Ekintzaileak

Hitzarmeneko beste puntu estrategiko bati esker, GAZTENPRESA Fundazioaren bitartez, ekintzaileei baldintza berezietan emango zaie finantzaketa, beren negozio-proiektua gauzatzeko, eta ibilbide osoan zehar jasoko dute laguntza, negozio-plana diseinatzetik edo prestakuntzatik hasi eta administrazio-izapideak egiteraino.

Hitzarmenak, aitzitik, negozioentzako beste finantza-tresna batzuk ere hartzen ditu barne, oso baldintza onuragarrietan.  Hori horrela, merkatariek kreditua lotzeko aukera duten kontuak, autonomoentzako berariazko online banka, aurreikuspen-planak eta aseguruak izango dituzte aukeran.

Laboral Kutxak erakunde publikoek eta  elkarren bermerako sozietateek eskaintzen dituzten laguntzak eta dirulanguntzak gestionatuz ere lagunduko die autonomoei. “Hitzarmenak lau ardatz ditu: elkarlana, konpromisoa, babesa eta lankidetza”, azpimarratu dute Laboral Kutxako arduradunek.

Post gehiago irakurri.

Ekaina 18, 2024
Gaur Joanes Roso, Tazebaez kooperatibako CEO eta presidentearekin hitz egin dugu. Kooperatiba horrek 15 urte baino gehiago daramatza negozio eta proiektu jasangarriak bultzatzen, pertsonak prozesuaren erdigunean kokatuz beti. Jakin nahi duzu nola egiten duten eta zerk motibatzen duen enpresa honetako taldea? Aholku bat: entzun gure podcastaren atal hau, eta baita hurrengoa ere, elkarrizketa hain interesgarria...
Ekaina 12, 2024
Imajina dezakezunez, Eko-Ekintzailetzak goraka doazen bi joera biltzen ditu: ekologia eta ekintzailetza. Ekintzailetza berdea edo ingurumenekoa da, proiektu profesional bat sortzean jasangarritasunari ere garrantzia eman behar diozulako. Gaur egun, klima aldaketarekin kezkatuta dagoen jende gehiengoarekin eta 2030 agenda ezartzearekin, ez da nahikoa ekonomikoki funtzionatuko duen negozio bat sortzea, ekologikoki ere funtzionatu behar baitu. Jasangarritasunaren eta...
Ekaina 11, 2024
Ana Aguirre zerbaiten munduko presidentea den pertsona-kopuru txiki horretakoa da, berari txantxetan aritzea gustatzen zaion bezalakoa. Bere kasuan, “zerbait hori” Nazioarteko Kooperatiba Aliantzaren Gazteria Batzordeko Presidentetza da, eta kargu horretarako hautatu zuten botoen % 86rekin. Eta nola iritsi da haraino transatlantiko bateko kapitain izan nahi zuen emakume bat (izan ere, Nautika Eskolan izena eman zuen)?...
Ekaina 4, 2024
Ba al zenekien Euskadiko enpresen % 2k ekonomia sozialaren barruan garatzen duela bere jarduera? Ehuneko txiki hori, ordea, Euskadiko ordaindutako enpleguaren % 10 da. Gure inguruan pisu handia duen arren, askotan ez dakigu enpresa-eredu hori behar bezala definitzen. Horregatik, gure podcastaren hirugarren denboraldia ekonomiari eta inpaktu sozialari eskaintzea erabaki dugu, haren balioak, erronkak eta aukerak...
Maitza 15, 2024
GAZTENPRESA: Nerea Forondarekin abiatuko dugu gaur, Bilbon bere ekintzailetzaren sustraiak jartzea erabaki duen ibiltariarekin. Nerea, ingeniaritza ikasi zenuen, baina orain brandingean aritzen zara, ezta? NEREA FORONDA: Hori da. Ingeniari batentzat hau magia da, ezta? Gehiago ulertzen hasi nintzen erakunde baten helburua, pertsonek zergatik kontsumitzen duten kontsumitzen dutena, zer behar duten, produktuak nola konpontzen dituen gauzak....
Maitza 6, 2024
Lehia handiko garai hauetan, bai kalean bertan, bai online eremuan, bezeroak erakartzea eta fidelizatzea da gure negozioaren etorkizunerako gako nagusietako bat. Pandemiak ecommerce delakoa bizkortu zuen, eta, beraz, orain geure burua bereizi behar dugu gure publikoarengana iristeko, kalitatezko produktu edo zerbitzu baten bidez, baina originala eta ezagutzeko modukoa ere izan dadin. Inork ez zuen esan...