y luego Añadir a pantalla de inicio.
Urte eta erdi daramagu egokitzen jakitea eta berritzea zein garrantzitsua den azpimarratzen. Labur esanda, #JarraitzekoBerritzen. Horregatik, 25 urte baino gehiago egon ondoren zu bezalako pertsona ekintzaileei laguntzen, 2021a berritasunez eta berrikuntzaz beteriko urtea da Gaztenpresan.
Urtea hasteko, gure webgunearen irudia garbitu genuen, sinpletu eta intuitiboagoa egiteko. Horrela, orain konexiorik gabe nabiga daiteke bertatik, aplikazio bat erabiliz, eta negozioak eskualdatzeko aukera ere eskaintzen du, nabarmendu beharreko berritasunen artean.
Baina ez dugu hor geratu nahi izan, eta iraila ere indartsu iritsi da. Izan ere, Gaztenpresa Digitala aurkeztu nahi dizugu, zuretzat pentsatutako plataforma bat, beren enpresa-ideiaren edozein garapen-fasetan dauden Euskal Autonomia Erkidegoko eta Nafarroako ekintzaile guztientzat.
Prestakuntza eta laguntza leku berean
Gaztenpresa Digitalean, ekiteko beharrezkoak diren alderdi guztiei buruzko informazioa eta prestakuntza jaso ahal izango duzu material didaktikoaren bitartez, hau da, bideo, irakurgai interesgarri eta ariketa praktikoen bitartez. Baina ez da berritasun bakarra. Betiko aurrez aurreko laguntzaz gain, onlineko laguntza ere izango duzu. Zerbitzu horren bidez, Gaztenpresako taldeko pertsona batek lagundu egingo dizu bide horretan, eta feedbacka emango dizu behar duzun guztietan.
Sar zaitez Gaztenpresa Digitalean
Aukera guztietan sartzeko, urrats erraz hauek eman behar dituzu, besterik gabe:
- Egin klik hemen edo «Gaztenpresa Digitala» botoian, pantailaren eskuineko goiko aldean.
- Egin klik «Izena eman» botoiaren gainean.
- Sartu zure proiektuaren izena, deskribapen labur bat eta zure datu pertsonalak (izen-abizenak, NANa, posta-kodea, telefonoa eta helbide elektronikoa).
Izena eman ondoren, zure eremu pribatuan sartu ahal izango zara. Une horretan, zurekin harremanetan jarriko gara elkarrizketa bat hitzartzeko, zure kasua ezagutzeko, izan ditzakezun aukera guztiak aztertzeko eta, behar izanez gero, zure negozio-plana garatzen laguntzeko.
Eta, orain bai, eman begiratua Gaztenpresa Digitalari! Gogoratu: zalantzaren bat izanez gero, mezu elektroniko bat idatz diezagukezu helbide honetara: info@gaztenpresa.org.
