×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Eukene Arana, Zainekoa: “Zerotik enpresa bat sortzeko behar genuen prestakuntza eman diguzue”

Entrevista Eukene Araba
Share on facebook
Share on twitter
Share on linkedin
Share on whatsapp
Share on email

Beatriz Ramos eta Tzibi Juaristierekin batera, Eukene Aranak irabazi-asmorik gabeko kooperatiba bat jarri du martxan, erakunde publiko eta pribatuei haurrak eta nerabeak babesten, eta tratu ona prebenitzen eta lortzen laguntzeko. Elkarrizketa honetan azaldu digu.

 

Hobeto ezagutzeko, azalduko al diguzu labur-labur zer egiten duzuen Zain Protección Infancia y Adolescencia erakundean?

Gure lana, batez ere, erakunde publiko eta pribatuei aholkularitza eta laguntza ematea da, haurren eta nerabeen eskubideak errespetatzen dituzten gune seguruak eta tratu onekoak sor ditzaten, igarotzen dituzten eremu guztietan (hezkuntza, kirola, aisia eta denbora librea…).


Zainek hiru bazkide sortzaile ditu. Nola sortu zen elkartzeko eta zuen proiektua gizarte-ekimeneko kooperatiba gisa martxan jartzeko ideia?

2021ean, haurrak eta nerabeak indarkeriaren aurrean babesteko lege bat onartu zen. Bertan ezartzen denez, haurrekin eta nerabeekin lan egiten duten erakundeek eta organizazioek, baita profesionalek ere, adingabeen aurkako indarkeria-kasuak prebenitzeko, identifikatzeko eta haietan jarduteko betebeharra eta erantzukizuna dute..

Guk master batean ezagutu genuen elkar, eta haurrak eta nerabeak babesteko gaiak lantzen ari ginen jada hainbat arlotan; beraz, legea onartuta, ikusi genuen aukera bat genuela gure trebetasunak, osagarriak direnak, proiektu propio batean batzeko. Zer forma juridiko hartu ez genekien, baina zer aukera genituen jakin genuenean, argi geratu zitzaigun gizarte-ekimeneko kooperatiba zela gure proposamenarekin hobekien egokitzen zena..


Eta nola lagundu dizue Gaztenpresak prozesu honetan?

Hasteko, enpresa bat zerotik sortzeak zer esan nahi zuen ulertzeko behar genuen hasierako prestakuntza eman digu, noski, gu haurren babesean adituak garelako, baina ez genekien zer egin behar genuen enpresa bat sortzeko. Beraz, Gaztenpresatik zentzu horretan jaso dugun prestakuntza oso lagungarria izan zaigu kooperatiba bat sortzeko orduan zer zimendu eraiki behar genituen eta zer gauza hartu behar genituen kontuan jakiteko..

Gaztenpresak aholkularitza ere eman digu egin behar izan ditugun kudeaketa guztietan, hala nola notarioarengana joatea, kudeaketaren bati irtenbidea aurkitzea edo nondik atera ez genekien paperen bat lortzea, etab. Egia esan, laguntza handia izan da guretzat.

 

2022ko urtarrilean eratu zenuten kooperatiba. Nola baloratzen duzue denbora honetan izan duzuen jarduera?

Lehen hilabete hauek oso zoroak izan dira, baina, egia esan, oso ondo hasi gara, eta gure beldur nagusia arrakastaz hiltzea izan da. Izan ere, ekin bezain laster, Katalunian 150 gizarte-erakunde trebatzeko aukera ematen zigun proiektu bat sartu zitzaigun, eta, beraz, oso abiatze bizkorra eta interesgarria izan da. Ezin gara kexatu!

Eukene, eskerrik asko zure denboragatik eta Zaineko bazkideen esperientzia ekintzailea kontatzeagatik!

Irabazi-asmorik gabeko kooperatiba honekin harremanetan jartzeko:

Zain Protección Infancia y Adolescencia

Tel. 618 030 779

Helbide elektronikoa: info@zaininfancia.com

Webgunea: https://zaininfancia.com/

LinkedIn: @zain-infancia-y-adolescencia

 

Post gehiago irakurri.

Maitza 15, 2024
GAZTENPRESA: Nerea Forondarekin abiatuko dugu gaur, Bilbon bere ekintzailetzaren sustraiak jartzea erabaki duen ibiltariarekin. Nerea, ingeniaritza ikasi zenuen, baina orain brandingean aritzen zara, ezta? NEREA FORONDA: Hori da. Ingeniari batentzat hau magia da, ezta? Gehiago ulertzen hasi nintzen erakunde baten helburua, pertsonek zergatik kontsumitzen duten kontsumitzen dutena, zer behar duten, produktuak nola konpontzen dituen gauzak....
Maitza 6, 2024
Lehia handiko garai hauetan, bai kalean bertan, bai online eremuan, bezeroak erakartzea eta fidelizatzea da gure negozioaren etorkizunerako gako nagusietako bat. Pandemiak ecommerce delakoa bizkortu zuen, eta, beraz, orain geure burua bereizi behar dugu gure publikoarengana iristeko, kalitatezko produktu edo zerbitzu baten bidez, baina originala eta ezagutzeko modukoa ere izan dadin. Inork ez zuen esan...
Apirila 19, 2024
Negozio berri bat martxan jartzeko zailena ez da sortu nahi denaren ideia izatea, lurrera jaistea baizik, eta zure buruan dagoen ideia hori bideragarria eta errentagarria den benetako negozio bihur daitekeen aztertzea. Kasu hauetan oso erabilgarria gerta dakizukeen tresna bat Canvas Negozio Eredua da (Business Model Canvas); izan ere, paper-orri bakar batean ikus ditzakezu ekiteko orduan...
Apirila 12, 2024
Negozio-plan on bat da gure enpresak arrakasta lortzeko lehen urratsa. GAZTENPRESA: Zertarako esango zenuke dela garrantzitsua negozio-plan bat? AMAIA MAZÓN: Ideia gauzatzen hasten zarenean, beharrezkoa da jakitea ea horretarako lokal bat behar duzun, bazkideak beharko dituzun, hornitzaileak beharko dituzun, toki batean edo bestean kokatuko zaren etab. Gai izan behar zara, baita ere, ideia hori zure...
Martxoa 4, 2024
Digitalizazioa da negozio askoren konpondu gabeko arazoa. Horregatik, gaur Cristina Terán kazetari eta marketin digitaleko aholkularia dugu.   Gaztenpresa: Ekiten duzunean, badirudi dena jakin behar duzula. Eta askotan, tresna teknologikoekin (sare sozialak, internet, etab.) identifikatu naiteke edo ongi eta eroso senti naiteke. Baina izerdi hotzak ematen dizkidate kontabilitatearekin, finantzekin eta abarrekin lotutako beste gai batzuekin....
Otsaila 8, 2024
GAZTENPRESA: Inma, lehen, mikroetatik kanpo, ekitea gauza hutsala ez dela jakitea garrantzitsua dela komentatzen ari ginen. Eta oso interesgarria iruditzen zaidan konparazio bat egiten zenuen. Kontatuko diguzu? INMA RAMOS: Guk 30 urte daramatzagu ekiten duten pertsonekin lanean. Eta askotan, pertsonak ekiten duenean, egiten duen lehen aldia da. Beraz, gelditu gabe korrika egiten ari naizen esprint...