×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Elkarrekin berrasmatzea: Zelai Txiki jatetxea eta Matalauva taberna

Share on facebook
Share on twitter
Share on linkedin
Share on whatsapp
Share on email

Ostalaritza pandemiak gehien zigortu duen sektoreetako bat izan arren, egunero aurkitzen ditugu pertsona ekintzaileen adibideak, inoiz etsitzen ez dutenak, eta egoera zail honi sormenarekin eta gogo onarekin aurre egiten saiatzen ari direnak. Juan Carlos Carok eta Borja García Argüellesek, adibidez, osasun-krisi honetan aurrerapauso bat ematea eta beren lokalekin —Zelai Txiki eta Matalauva, Donostiako bihotzean— #JarraitzekoBerritzea erabaki dute.

Zapore desberdina duen ekimena

Ostalaritzari jarritako mugak saihestu dituzte biek, eta take away sukaldaritza-zerbitzu oso berezi bat jarri dute martxan: haien proposamena asteburuetara dago bideratuta, eta lau plater eta postreaz osaturiko menu batean oinarritzen da. Dena den, menu horrek ez du zerikusirik janaria jasotzeko zerbitzuarekin lotu ohi dugun fastfood kontzeptuarekin. Plater elaboratuak dira, txingarretan eta tenperatura baxuan prestatuak, kalitate goreneko produktuak erabiliz eginak. Ez dute zerikusirik fastfood delakoaren eskaintza osatzen duten ohiko hanburgesa, pizza, kebab eta abarrekin.

Postontzietan banatutako panfleto komertzial berritzaile bati esker, Juan Carlosek eta Borjak beren menuak ezagutzera eman dituzte QR kode baten bidez. Horretan, bideo atsegin bat ikus daiteke, eta, gainera, pandemiari aurre egiteko oinarrizko osagai bat helarazten dute: giro ona.

 

 

Pandemiaren hasierak

Duela asko ezagutu zuten elkar, Borjak Pedro Subijanaren Akelarre jatetxe mitikoan lan egiten zuenean, eta hortik aurrera, bien arteko harremanak ohiko ibilbidea izan zuen, pandemia iritsi arte. Lehen konfinamenduak Zelai Txikiren erabateko berritze-lanetan harrapatu zuen Juan Carlos, eta lanak amaitzeko baino ez zuen izan denbora, ekaina hasieran. Bestalde, Borjak janaria etxera eramateko zerbitzua martxan jartzea erabaki zuen, Matalauvako kartarekin. Esperientzia horrek negozio-eredu horren onurez eta akatsez jabetzeko balio izan zion, baita bere ibilbide gastronomiko berrirako ideiak hartzeko ere, oraingoan Juan Carlosen eskutik.

Gourmetentzako beren take away menuen xehetasunak

Lehenik eta behin, beren take away-ak besteak ez bezalakoa izan behar zuela erabaki zuten. Nola? «Normalean, fastfoodeko lokaletatik eskaera bat jasotzen duzunean, berehala kontsumitu behar duzu, bestela asko galtzen duelako janariak. Guk tenperatura baxuan prestatzen dugu janaria, eta gure ontziratze-sistemari esker, produktuaren bizitza luza daiteke; ostegunean erosiz gero, adibidez, igandean kontsumi dezakezu, lasaitasun osoz. Horrela, elikagaien iraunkortasun handiagoa bermatzen dugu, berme eta segurtasun osoz», azaldu du Borjak.

Beren proposamen gastronomikoari dagokionez, Juan Carlosek eta Borjak menu oso eta sibaritago bat prestatzea erabaki zuten, fastfoodeko janaria prestatzen duten ohiko lokaletatik eta hori banatzeko plataformetatik bereizteko. Esan eta egin. Honako hau izan zen beren lehen menua eta aurkezpen-txartela: molusku-salpikoia; masaila, zurbeltz txingarretako ukitu bereziarekin, eta ziza-horiekin; robuchon patata-purea; entsalada eta flana, egur-labean gozo-gozo egosia. Menu miragarri horren 150 prestaketa bakarrik egin zituzten, 25 euroren truke, BEZ barne. Emaitza? «Sekulako sorpresa izan da, ezin duzu imajinatu ere egin: larunbat goizean saldu genituen denak, eta ezetz esan behar izan diogu jende askori», adierazi dute.

Lehen esperientzia horren ondoren, bigarrena iritsi zen, ospea eman dien proposamen batekin: aperitiboa; dilista-krema, curry ukituarekin; ardoarekin prestatutako osso-bucoa, kalabaza errearekin; Thai arroz-entsalada, eta pantxineta, egur-labean egina. Eta emaitza berdina izan da.

Sukaldaritzaren oraina eta geroa

Momentuz, Matalauvaren eta Zelai Txikiren arteko sinergia horrek ostiral, larunbat eta igande eguerdietan bakarrik funtzionatzen du, eta ostalaritzaren murrizketek irauten duten bitartean horrela jarraitzea da helburua, haien motibazioa ez baita ekonomikoa. «Ekimena ez dugu jarri martxan diruagatik, sukaldariak garelako eta lan egiten jarraitu behar dugula uste dugulako baizik», dio Borjak. «Izan ere, izen bat sortzen ari gara, eta geldirik geratu ez garela jendeari erakusten. Menuak onak dira, eta 25 euroan ez dute marjina handiegirik, baina jendeak asko eskertzen du egiten ari garen ahalegina», adierazi dute.

Epe motzean, eta berriz ere ostalaritzaren irekiera dekretatu bitartean, bi ekintzaile hauek 150 menu eskaintzen jarraitu nahi dute asteburu oro. «Bion artean egiteko kantitate perfektua dela uste dugu. Izan ere, ez dugu ahaztu behar ez dugula sukaldaririk lanean. Lan-erritmoa desberdina da, eta proposamen honek eskaini nahi dugun xarma mantentzeko aukera ematen digu», esan du Juan Carlosek.

Eta pandemiaren egoerak ostalaritzari normaltasunera itzultzea ahalbidetu zain dauden bitartean, biek lanean jarraitzen dute etengabe garatzen jarraitzeko. «Negozioa egiteko modua aldatzen ari gara beti. Juancarrek baratze berezi bat prestatzeko erronka du orain, baina, proiektu horren ondoren, beste bat etorriko da, eta gero beste bat. Hori da negozio baten alderdirik politena: etengabe aldatzen jarraitzea eta egoerara egokitzea, pandemiarekin egin dugun bezala», adierazi du Borjak.

#JarraitzekoBerritzeko adibide bikaina.

 

 

 

 

 

 

Post gehiago irakurri.

Iraila 26, 2023
2004an hasi zuen bere harremana Gaztenpresarekin Irene Rodríguez ekintzaileak, bere kontura delineatzaile gisa lan egiten hasteko pausoa eman zuenean. Baina harremana ez zen hor bukatu. 2016an, goi-kualifikazioko langile teknikoen outsourcinga bere jardueraren ardatz gisa hartzea erabaki zuen Iddtekek, bere zerbitzuak zabalduz, eta, berriro ere, Gaztenpresan oinarritu zen aldaketa horri aurre egiteko. Eta, orain, mentore gisa...
Iraila 14, 2023
Maiatzaren amaieran ireki zuten Bilbon House Of Movement Experience (HOME) zentroa, entrenamendu pertsonal eta mugimendu egokiturako gunea. Proiektu horren atzean, Laura Leandro eta Noel Herresánchez ditugu, eta euren esperientzia ekintzailea kontatuko digute elkarrizketa honetan. Entrenamendu-zentro horretara joaten diren guztientzat “etxe” bihurtzeko asmoz sortu duzue HOME. Zer du bereizgarri zuen proposamenak ariketa fisikoa egiteko beste aukerekin...
Iraila 4, 2023
Bi emakume gazte ekintzaile hauek urte batzuk zeramatzaten Concha Calle Decoración dendan lanean, Portugaleten (Bizkaia) erreferentziazkoa den interiorismoko negozioa. Orain, jabeek erretiroa hartu dute, eta proiektuaren buru jartzea erabaki dute Cristinak eta Edurnek. Elkarrizketa honetan kontatuko digute prozesu hori nolakoa izan den.   Zein unetan erabaki zenuten dekorazioko eta interiorismoko denda honen jarduerarekin jarraitzea? Edurne:...
Uztaila 7, 2023
Gaur Leire Uretarekin hitz egingo dugu, Nukka dendaren sortzailearekin. Emakume eta gizonentzako marka anitzeko moda-denda da Nukka, duela hiru urte irekia Amorebieta-Etxanon (Bizkaia). Bere apustua outfit erosoak egitea da, estilo handiko jantziekin eta osagarriekin, Leirek 20 urte baino gehiagoko eskarmentua baitu retail sektorean. Baina utz diezaiogun berari kontatzen. Zergatik erabaki zenuen zeure arropa-denda martxan jartzea?...
Ekaina 7, 2023
Laida San Sebastianena izan zen Gaztenpresatik ekimenean jasotako azken testigantza. Gizarte arloan ia 20 urtez ekintzaile izan ondoren, orain Mondragon Unibertsitateko Eskola Politeknikoko ikasleekin partekatzen ditu bere ezagutzak eta esperientziak, Ekintzailetza Teknologikoko arduraduna baita han. “Ni naiz guztiari ‘bai’ esatearen asmatzailea”, aitortu zuen Laidak keinu bat eginez Andrea Fernandezek egin zuen aurreko mintzaldiari. Hain zuzen...
Maitza 31, 2023
Andrea Fernández-ena izan zen Gaztenpresatik ekimenean ezagutu genuen beste ekintzailetza-istorioetako bat. “Argentinar doinurik ez duen ekintzaile argentinarra eta erremediorik gabeko ibiltaria” da. Orain dela 20 urte baino gehiago etorri zen Andrearen familia Bilbora, hark hamabi urte baino ez zituenean. Bizitza pertsonalaren eta profesionalaren arteko orekari eusteak duen garrantziaz hitz egin zigun arlo anitz jorratzen dituen...