×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Baduzu ekintzailetzarako konpetentziarik?

gzt-art-competencias-emprendedoras
Share on facebook
Share on twitter
Share on linkedin
Share on whatsapp
Share on email

Zure enpresa-proiektua sortu eta haren buru izan nahi baduzu, konpetentzia pertsonalak oso lagungarriak izan daitezke proiektu horretan arrakasta izateko.

Zer dira soft skill edo konpetentzia pertsonalak?

Gure helburuak lortzen laguntzen diguten jokabideak, jarrerak eta ezaugarri pertsonalak dira. Inguratzen gaituzten pertsonekin gustura lan egiten eta ziurgabetasun-egoeretan arazorik gabe nabigatzen laguntzen digute: gaur egun bizi dugunaren gisako egoeretan, adibidez.

Bada jakin behar duzun gauza garrantzitsu bat: konpetentzia horiek lortzeko, ezinbestekoa da horiek egunerokoan entrenatzea. Batzuk berezkoak dira, jakina, eta, beraz, falta zaizkizunak entrenatzea gomendatzen dizugu.

Arrakastaz ekiteko 10 konpetentziarik garrantzitsuenak

David McClelland psikologoak egindako lanaren arabera, hauek dira arrakastaz ekiteko garatu beharko dituzun 10 konpetentziarik garrantzitsuenak:

  1. Aukerak bilatzea eta ekimen pertsonala. Askotan, hauxe dakar ekiteak: beste pertsona batzuek arazoak ikusten dituzten lekuetan aukerak identifikatzea eta aukera horiek martxan jartzea. Konpetentzia horiek garatzeko, ekintzailea, proaktiboa eta berritzailea izan behar duzu, eta ez zaizu arriskuak hartzea axola behar.
  2. Ekina izatea. Proposatutakoa lortzeko irmotasun eta erabakitasun handia izatea esan nahi du. Askotan, sakrifizio handia egin behar da helmugara iristeko, eta oztopoak ere egongo dira seguruenik; baina, saiatua bazara, borroka egiten jarraituko duzu, beste batzuek ez bezala. Bidean, akatsetatik ikasi eta errealitatera egokitu ahal izango duzu zure xedea.
  3. Informazioa bilatzea. Informazio fidagarria izatea, susmorik gabea, zure negozioaren arrakastaren gakoetako bat bihur daiteke, gainerako lehiakideei aurrea hartzeko aukera emango baitizu. Horregatik, funtsezkoa da datuak aurkitzen eta, jakina, horiek erabiltzen jakitea. Horretarako, zure bilaketa-plana zehaztea gomendatzen dizugu; hasteko, zer bilatu nahi duzun eta zertarako jakin behar duzu, eta, gero, non eta nola bilatu zehaztu behar duzu.
  4. Konpromisoak betetzea. Konpromisoa zintzotasunaren eta prestigioaren sinonimo da; konfiantza sortzen du, lanari balioa ematen dio eta irtenbideak (ez aitzakiak) bilatzen laguntzen dizu. Konpetentzia hori hain da garrantzitsua, ezen, konpromisoa hartu aurretik, promesa bat aztertzeko gai izan behar duzu; eta behar duen denbora eman diezaiokezun aztertu behar duzu, baita behar adina motibatzen zaituen eta, batez ere, promesa betetzeko gai izango zaren ere.
  5. Kalkulatutako arriskuak norbereganatzea. Ekiteak arriskuak hartzea esan nahi du. Negozio-planak zure ideia martxan jartzeko arriskuak kalkulatzen, aztertzen eta identifikatzen lagunduko dizu, arriskuen inpaktua arindu ahal izateko. Zeureganatu nahi duzun arriskua zehaztea eta zeharkatu nahi ez dituzun lerro gorriak marratzea zure esku dago, noski.
  6. Helburuak zehaztea. Esan ohi da bide bakar bat ere ez dela ona nora zoazen ez badakizu. Horregatik, negozioek ondo zehaztuta izan behar dituzte beren helburuak, eta helburu horiek espezifikoak izan behar dute, neurtzeko eta lortzeko modukoak, errealistak eta denboran mugatuak, sine die atzera ez daitezen. Helburuek jomuga finkatzen dute eta, horrela, horietara iristeko bidea planifikatu ahal izango duzu.
  7. Eraginkortasuna eta kalitatea. Eraginkortasuna da jardun pertsonalaren eta profesionalaren gakoetako bat. Zure helburuak lortuko dituzula esan nahi du, zure baliabide guztiak ahalik eta gehien optimizatuz. Jakina, funtsezkoa da zure lanak ahalik eta kalitaterik handiena izatea. Biak konbinatzen badituzu, bikaintasuna lortuko duzu edozein helburutan. Gainera, zure eskakizun pertsonala areagotzen eta lana optimizatzen lagunduko dizute ezaugarri horiek.
  8. Plangintza eta jarraipena. Esan genezake aurreko zazpi puntuak ia ziurtatuta dituzula, konpetentzia hori ondo garatzen baduzu. Aurrea hartzeko eta zure helburuak lortzeko egin beharreko bidea prestatzeko aukera emango dizu plangintzak. Gainera, plangintzari jarraipena gehitzen badiozu, plana egokia den ala ez egiaztatu ahal izango duzu, eta, horrela, planetik ez desbideratzeko behar dituzun zuzenketak egin ahal izango dituzu.
  9. Konbentzitzeko gaitasuna eta kontaktuak. Konpetentzia horri esker, zure proiektuaren ontasunaz konbentzitu ahal izango duzu edonor: zure taldea, merkatua eta gainerako eragileak. Eta, jakina, zure taldearen eta enpresa laguntzaileen lidergoa eta leialtasuna erraztuko dizkizu. Gainera, jendetasun horrek harremanetan jartzeko eta harreman-sare zabala izateko aukera emango dizu, eta proiektu garrantzitsu bat martxan duzunean kontaktu horiengana jo ahal izango duzu.
  10. Independentzia eta autokonfiantza. Autokonfiantzaren konpetentziari esker, lortu nahi duzun edozer eskuratu ahal izango duzula sinetsiko duzu. Normalean, autokonfiantza uste osoko pertsona indartsu eta seguruarekin lotuta egoten da. Pertsona guztiz independenteak eta kontsekuenteak dira, hau da, beren arrakastak onartzen dituzte, baina baita porrotak ere. Eta, noski, erori egingo dira, baina behin eta berriz altxatuko dira.

Ekintzailetzarako konpetentzia horiek lantzen badituzu, askoz baliabide gehiago izango dituzu proiektu bati arrakastaz ekiteko. Gainerakoan, Gaztenpresan eta Youth Business Spain (YBS) fundazioan lagunduko dizugu.

Gainera, horretan sakontzen jarraitu nahi baduzu, hona hemen Ana Hernández Serena YBSko gure lankidearen web-orrirako esteka, konpetentzia horiek entrenatu ahal izateko.

Post gehiago irakurri.

Ekaina 12, 2024
Imajina dezakezunez, Eko-Ekintzailetzak goraka doazen bi joera biltzen ditu: ekologia eta ekintzailetza. Ekintzailetza berdea edo ingurumenekoa da, proiektu profesional bat sortzean jasangarritasunari ere garrantzia eman behar diozulako. Gaur egun, klima aldaketarekin kezkatuta dagoen jende gehiengoarekin eta 2030 agenda ezartzearekin, ez da nahikoa ekonomikoki funtzionatuko duen negozio bat sortzea, ekologikoki ere funtzionatu behar baitu. Jasangarritasunaren eta...
Ekaina 11, 2024
Ana Aguirre zerbaiten munduko presidentea den pertsona-kopuru txiki horretakoa da, berari txantxetan aritzea gustatzen zaion bezalakoa. Bere kasuan, “zerbait hori” Nazioarteko Kooperatiba Aliantzaren Gazteria Batzordeko Presidentetza da, eta kargu horretarako hautatu zuten botoen % 86rekin. Eta nola iritsi da haraino transatlantiko bateko kapitain izan nahi zuen emakume bat (izan ere, Nautika Eskolan izena eman zuen)?...
Ekaina 4, 2024
Ba al zenekien Euskadiko enpresen % 2k ekonomia sozialaren barruan garatzen duela bere jarduera? Ehuneko txiki hori, ordea, Euskadiko ordaindutako enpleguaren % 10 da. Gure inguruan pisu handia duen arren, askotan ez dakigu enpresa-eredu hori behar bezala definitzen. Horregatik, gure podcastaren hirugarren denboraldia ekonomiari eta inpaktu sozialari eskaintzea erabaki dugu, haren balioak, erronkak eta aukerak...
Maitza 15, 2024
GAZTENPRESA: Nerea Forondarekin abiatuko dugu gaur, Bilbon bere ekintzailetzaren sustraiak jartzea erabaki duen ibiltariarekin. Nerea, ingeniaritza ikasi zenuen, baina orain brandingean aritzen zara, ezta? NEREA FORONDA: Hori da. Ingeniari batentzat hau magia da, ezta? Gehiago ulertzen hasi nintzen erakunde baten helburua, pertsonek zergatik kontsumitzen duten kontsumitzen dutena, zer behar duten, produktuak nola konpontzen dituen gauzak....
Maitza 6, 2024
Lehia handiko garai hauetan, bai kalean bertan, bai online eremuan, bezeroak erakartzea eta fidelizatzea da gure negozioaren etorkizunerako gako nagusietako bat. Pandemiak ecommerce delakoa bizkortu zuen, eta, beraz, orain geure burua bereizi behar dugu gure publikoarengana iristeko, kalitatezko produktu edo zerbitzu baten bidez, baina originala eta ezagutzeko modukoa ere izan dadin. Inork ez zuen esan...
Apirila 19, 2024
Negozio berri bat martxan jartzeko zailena ez da sortu nahi denaren ideia izatea, lurrera jaistea baizik, eta zure buruan dagoen ideia hori bideragarria eta errentagarria den benetako negozio bihur daitekeen aztertzea. Kasu hauetan oso erabilgarria gerta dakizukeen tresna bat Canvas Negozio Eredua da (Business Model Canvas); izan ere, paper-orri bakar batean ikus ditzakezu ekiteko orduan...