×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Ekintzaileentzako oinarrizko hiztegia

Share on facebook
Share on twitter
Share on linkedin
Share on whatsapp
Share on email

Ekintzailea zara? Negozioen munduan murgildu berria zara? Bada, orduan, ekintzailetzarekin zerikusi zuzena duten anglizismo batzuk ezagutu behar dituzu.Enpresa txiki eta ertainetako oinarrizko hiztegian txertatu diren terminoak dira. Horregatik, ekintzaile guztiek ezagutu behar lituzkete.

Lean Start UpEric Ries software-ingeniariak asmaturiko kontzeptua da Lean Start Up metodoa. Ohiko metodoak erabiliz sortutako hainbat enpresatan porrot egin ondoren, eraginkortasun handiagoz sortzeko bidea asmatu zuen, Steve Blank-ekin elkarlanean. Metodoak honela funtzionatzen du: arazo edo premia handi bati irtenbidea eman behar dion bezeroa identifikatzen da, eta, arazoa aurkitu ondoren, irtenbidea ematen zaio pausoz pauso, bezeroarekin batera. Bezeroekin dugun etengabeko feedbackari esker, errealitateari lotutako irtenbidea prestatzen dugu, azken emaitza lortu arte. Lehen negozio-ideia ez bezalakoa izan ohi da irtenbide hori.Asmatu, esperimentatu, neurtu eta erabakitzeko dugun abiadura da metodoaren gakoa.

Iteratu.Hitz horrek lotura zuzena du aurreko Lean Start Up metodologiarekin. Prozesu bera behin eta berriro errepikatzean datza, test berri bakoitzaren abiapuntutzat harturik aurreko testaren emaitza. Iterazioaren bidez, ikaskuntza balidatua lortzen da. Izan ere, zenbat eta hipotesi gehiago balidatzen ditugun prozesuen esperimentazioaren bidez, orduan eta oinarri hobeak lortuko ditugu geure negozioa finkatzeko.

J-Curve.Startup bateko ekintzaile guztiek zaindu behar dute J Kurba edo J-Curve deritzon grafikoa. Enpresaren kapital-fluxuak denboran zehar duen bilakaera erakusten du grafiko horrek.Grafikoari izena ematen dion J hizkia grafiko horiek izan ohi duten itxurari zor zaio:hasieran behera egiten du, irabaziak baino handiagoak baitira kostuak; geroago, ordea, irabaziak suspertu eta joera aldatu egiten da, kurbak gora egiten du eta mozkinak apurka-apurka igotzen doaz, proiektuan inbertitutako dirua baino handiagoak izan arte.

Break-even point.Oreka-puntua, itopuntua edo break-even point-a ezinbesteko datua da negozio batentzat, haren bidez jakin baitaiteke zenbat saldu behar duen kostu osoak estaltzeko eta dirurik ez galtzeko (eta ez irabazteko). Puntu horri esker, grafikoki jakin dezakegu zein den negozioaren kaudimena; izan ere, enpresa bat puntu horretara heltzen denean, badakigu hortik aurrera egiten dituen salmenta guztiek errentagarritasuna ekarriko diotela. Oreka-puntua ateratzeko, kostu finkoak zati marjina gordinaren ehunekoa egin behar da.Ehuneko hori, berriz, salmentetatik kostu aldakorrak kenduta ateratzen da.Eragiketa horien emaitza, adibidez, 50.000 bada, horrek esan nahi du zenbateko hori bereganatu behar duela enpresak bere kostuak estaltzeko eta ez galerarik ez irabazirik ez izateko.

Bootstrappers.Kapital txikia edo bat ere ez dutela jarduera ekonomiko bati ekiten dioten ekintzaileak izendatzeko erabiltzen da hitz hori, hau da, eskura dituzten baliabideekin soilik ekiten dutenei.Adibidez, Estatu Batuetan 1980ko eta 1990eko hamarkadetan beren etxeko garajeetan startup bat abian jartzen zutenei deitzen zitzaien horrela.2007ko krisialdiaren ondorioz, milaka lagunek itzuli behar izan zuten Bootstrapping kontzeptura, eta, gaur egun, mikroekintzaile eta lantalde txiki asko hartzen ditu barne, hain zuzen ere bakarrik lan egitea hobesten dutenak, kanpoko kapitalik eta enplegaturik gabe, bizimodu jakin baten bila.

Outsourcing.Enpresa baten funtzio jakin batzuk zeregin horietan espezializatutako beste enpresa baten esku uztea da ousourcinga. Gaur egun, enpresa handi eta txiki gehienek jotzen dute formula horretara zerbitzu jakin batzuk emateko edo lortzeko. Horrela, ez dute pertsonala handitu edo lan-egitura berriak sortu behar.Outsourcingaren abantaila nagusietako batzuk, hain zuzen, kostuak murriztea eta teknologia berriak eskuratzea dira.Halere, outsourcing-enpresak eginkizun horiek betetzeko nahikoa gaitasunik ez badu, lehenaren irudiari begira kaltegarria izan liteke. Oso ohikoa da enpresa berriek edo autonomoek outsourcinga erabiltzea zeregin batzuetarako, adibidez kontabilitatea eramateko. Enpresa handiek eta ertainek gehien azpikontratatzen duten funtzioetako bat, berriz, marketina da.

Dakizunez,Gaztenpresanseriotasun handiz hartzen dugu ekintzailetza, eta, zure negozioa edozein garapen-fasetan dagoela ere, zuri laguntzeko prest gaude.Gogoan izan prestakuntza-tailerrak eta -ikastaroak eskaintzen dizkizugula. Horien bidez, behar dituzun gaitasunak hobetuko dituzu.

Post gehiago irakurri.

Uztaila 29, 2021
Azken aste hauetan, #BerrituErronka-n parte hartu duten pertsonen ideia irabazleak erakutsi dizkizuegu gure sare sozialetan. Beren proposamenekin, ekimenak aurkeztu dituzte osasun-krisiak eragindako murrizketek gehien kaltetutako hiru sektoreetako negozioetarako. #BerrituErronka abian izan den aste hauetan, 50 ideia baino gehiago jaso ditugu, eta ideia horiek guztiek aurrera jarraitzeko lezio bat eman digute. Horrez gain, gogorarazi digute posible...
Uztaila 12, 2021
Batez ere WhatsApp denok daukagun zerbait delako. Bueno, agian ez denok, baina bai gehienok. Mundu osoko bederatzigarren postuan dago Espainia WhatsApp aplikazioaren erabilerari dagokionez: 30,5 milioi erabiltzaile, «Informe ditrendia: Mobile en España en el Mundo 2020» txostenaren arabera (Ditrendia txostena: mugikorren erabilera Espainian eta munduan 2020an). Bestalde, bezeroekin zuzeneko harremana izateko aukera eskaintzen duen doako...
Uztaila 5, 2021
Pandemia dela eta, onlineko denda bat martxan jartzea aztertu dute saltzaile txiki askok. Horrela, konfinamendu bat egongo balitz ere, bezeroei arreta ematen eta diru-sarrerak eskuratzen jarraituko lukete. Hala ere, onlineko salmentari ekin aurretik, kontu batzuk aztertu behar dira arreta handiz. Lehena eta garrantzitsuena honako hau da: argi izatea online saltzea beharrezkoa den gure negozioarentzat eta...
Ekaina 28, 2021
Gaur egun, Espainian Facebook da, oraindik ere, sare sozialik ezagunena eta erabiltzaile gehien dituen bigarrena (WhatsApp da lehenengoa), IAB Spain elkarteak urtero egiten duen “Sare Sozialen Azterketaren (2021)” arabera. Txosten horretan adierazten denez, Instagram da azken urtean gehien hazi den sare sozialetako bat, bereziki emakumeen eta gazteenen artean, eta huraxe da erabilera-maiztasunik handiena duen bigarrena...
Ekaina 23, 2021
Ekintzailetza abentura zirraragarria da, erronkaz betea. Zure negozio berria martxan jartzeko orduan, zalantza pila bat izango dituzu, eta horiei ahalik eta segurtasunik handienarekin erantzun beharko diezu arrakasta ziurtatzeko. Horregatik, arduratsua izan behar duzu, zure negozio berriaren xehetasun guztiak zehaztu behar dituzu eta aurrez aurre aurkituko dituzun erronken jakitun izan behar duzu. Erronka horietako bat, beharbada...
Ekaina 22, 2021
Bazenekien, Google My Business fitxari esker, zure enpresa Googlen emaitzen lehen orrian ager daitekeela, web-orririk ez baduzu ere? Eta, gainera, leku garrantzitsua eta nabarmena izango duzu bilatzailean. Jakina, hori ez da gertatuko edozein bilaketa motatan. Erabiltzaileak zuzenean zure negozioaren izen zehatza bilatzailean jartzen duenean baizik, edo pertsona batek zuk eskaintzen duzun zerbitzu, produktu edo marka...