Gaztenpresak ekintzailetzaren aldeko apustua egin du B-Venture foroan - Gaztenpresa

Gaztenpresak ekintzailetzaren aldeko apustua egin du B-Venture foroan

Urriaren 29an eta 30ean egingo da aurtengo B-Venture topaketa, ekintzailetzaren alorreko gure inguruneko garrantzitsuena, Bilboko Euskalduna Jauregian, non Gaztenpresa berriro ere protagonista nagusietakoa izango baita.

Zenbait korporazio handi, inbertitzaile eta arrisku-kapitaleko enpresa bertaratuko dira, eta han izango dira azkenaldiko 24 startup ezagunenak ere, industria-sektorerako eta Interneterako proiektu berritzaileak aurkezten.

Berrikuntzaren gure ekosistemako hainbat protagonista ere B-Venturen izango dira; besteak beste, hauek:

  • Eraldaketa digitalaren arloko arduradunak.
  • Software- eta marketin-alorretako enpresak.
  • Crowdfunding-arloko enpresak.
  • Proiektu-azeleratzaileak.

Horrez gain, networking-eremuak, trebakuntza-lantegiak eta hitzaldiak antolatu dira, forua ekintzailetzaren eremuko ardatz nagusietakoa izan dadin.

Hona hemen zenbait datu, B-Ventureren garrantziaren adierazgarri: 3.000 bat lagun, puntako 50 enpresa, 60 inbertitzaile handi eta ehundik gora startup izango dira bertan. Hizlariei dagokienez, berriz, 75 jardungo dira, ospetsuak guztiak; besteak beste, Wallapopen eta Glovoren sortzailea, Gerard Olivé, eta Notion Capitaleko inbertsio-zuzendaria, Itxaso de Palacio.

Gaztenpresaren zuzendari Inma Ramosek ere hartuko du parte ekitaldian, gure fundazioak ekintzailearekin, talentuarekin, berrikuntzarekin eta negozio-ideia berriekin duen konpromisoa adierazteko. Finantza-eta kudeaketa-kulturaren bidez beren bizi-proiektuan ekintzailetzari ekiten diotenen aldeko gure apustuaren emaitza izango da Gaztenpresaren protagonismoa B-Venturen.

  • Hautatutako 24 startupek pitchingari, legezko alderdiei, finantzei eta metrika eta analitikei buruzko lau asteko trebakuntza-programa egingo dute; ekitaldian, berriz, beren proiektuak 50 bat lagunen aurrean aurkezteko aukera izango dute (arrisku-kapitaleko funtsetako kideak eta business angels eta talent-hunters deritzenak).
  • Bestalde, foroa gune bikaina izango da bertaratutako enpresek elkarren artean topaketak eta bilerak egiteko, networkinga sustatzeko eta B2B hitzarmenak lortzeko B-Ventureren matchmaking-aplikazioaren bidez.

Izan ere, Iberiar Penintsularen iparraldeko ekintzailetza- eta berrikuntza-fororik garrantzitsuena da B-Venture, eta orain arte egin dituen lau topaketetan 400 startup baino gehiago bildu ditu, horietatik ia ehun lehiaketa bidez hautatuak. Indra, CAF Ventures, Acciona, Microsoft, Iberdrola, BStartup, Laboral Kutxa, Lanzadera eta, jakina, Gaztenpresa Fundazioa dira ekitaldian parte hartu duten korporazio, inbertitzaile eta enpresetako batzuk. Azken urteotan, ekintzailetzaren alorrean Fundazioak bereganatu duen protagonismoaren ondorioz, partaidetza nabarmena izan du foroan, enpresa-munduko inbertitzaile eta erreferente ospetsuen artean. Gure fundazioak enpleguaren eta ekintzailetzaren alde egindako lanaren emaitza da protagonismo hori, dagoeneko 5.300 enpresatik gora sortzen lagundu baitu EAEn eta Nafarroan.

Iruzkinak 0

Utzi iruzkin bat

Zure e-posta helbidea ez da argitaratuko. Beharrezko eremuak * markatuta daude

*

HARPIDETU

Harpidetu blogean

Idatzi zure helbide elektronikoa, sarrera berrien jakinarazpenak jasotzeko.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Log in with your credentials

Forgot your details?