LALF: Mikroenpresen, pertsona fisikoen eta nortasun juridikorik gabeko erakundeen inbertsiorako laguntza finantzarioa.
Bizkaiko Foru Aldundiaren diru-laguntza honek inbertsioetan laguntzea du helburu, jarduera ekonomikoa hobetu, areagotu edo berritzeko, hain zuzen.
Diru-laguntza hauek jaso ditzaketen erakundeak
Jarduera ekonomiko bat gauzatzen duten eta honako baldintza hauek betetzen dituzten mikroenpresak, pertsona fisikoak eta nortasun juridikorik gabeko erakundeak:
- 6 langile baino gutxiago izan beharko dituzte, eta helbide soziala eta zerga-egoitza Bizkaian izan beharko dituzte.
- Ondasun-erkidegoen eta sozietate zibilen kasuan, kide guztiek ohiko egoitza Bizkaian dutela egiaztatu beharko dute, eta horietako batek, gutxienez, LAAB edo mutualitate baliokide batean alta emanda egon beharko du.
- Jarduera ekonomiko bat gauzatzen duten pertsona fisikoek LAAB (Langile Autonomoen Araubide Berezia) edo mutualitate baliokide batean alta emanda egon beharko dute, eta ohiko egoitza Bizkaian dutela frogatu beharko dute.
Zertarako dira Bizkaiko Foru Aldundiaren diru-laguntzak?
Jarduera ekonomikoa hobetu, areagotu edo berritzeko helburuarekin erosi den ibilgetuak diru-laguntza jaso dezake.
Diruz lagun daitekeen inbertsioaren zenbatekoak 15.000 eurokoa izan behar du gutxienez.Ibilgetuetan egindako inbertsioak diruz lagun daitezkeen gastu gisa hartu daitezke, Kontabilitate Plan Orokorreko epigrafe hauei jarraiki:
- Informatika-aplikazioak; 211. Eraikuntzak (higiezinak erosi eta eraikitzea izan ezik); 212. Instalazio Teknikoak; 213. Makineria; 216. Altzariak; 217. Informazioa prozesatzeko ekipamendua.
- Salbuespen gisa, garraio-elementuak (218), erakundearen jarduera nagusia garraioa denean.
Honako kontzeptu hauek ez dira diruz lagun daitezkeen gastu gisa hartuko:
- Diruz lagun daitezkeen 500 eurotik beherako gastuen frogagiriak.
- Enpresa eskatzailearekin lotutako enpresen edo pertsonen bitartez egindako gastuak.
- Erakunde onuradunaren jarduerarekin identifikatu ezin daitezkeen gastuak.
- Ez dira aurrekontuak, proformako fakturak eta eskaintzak onartuko.
Diru-laguntzen zenbatekoa
Diru-laguntza diruz lagun daitekeen inbertsioaren % 7koa izango da. Diru-laguntza 10.000 eurokoa izango da, gehienez ere, erakunde eskatzaile bakoitzeko.
Ordaintzeko modua: % 70eraino diru-laguntza ematen den momentuan, eta gainerako guztia 2017an.
Diru-laguntzak eskatzeko epea
Eskaerak: 2016ko ekainaren 1eko 08:30etik ekainaren 30eko 13:30era arte, diru-laguntzen fondoak lehenago agortzen ez badira.
Inbertsioak gauzatzeko epea: 2015eko urriaren 1etik 2016ko ekainaren 30era.
Eskaera eta gainerako dokumentazio guztia Ekonomia eta Lurralde Garapenerako Sailaren Bulego Birtualaren bitartez aurkeztu beharko dira (www.bizkaia. eus/sustapena-oficinavirtual). Horretarako, sinadura elektronikoa beharko da, edo bestela, Bizkaibai zerbitzuan alta hartu beharko da; horretarako txartela Orueta Apezpikuaren kaleko 6. zenbakiko bulegoetan eskatu ahal izango da.
Más información sobre el Programa AFA de Diputación de Bizkaia
