y luego Añadir a pantalla de inicio.
Atzo, Labora Kutxa Fundazioaren lehendakari Xabier Egibarrek, Enplegu sailburu Angel Toñak eta Gaztenpresa Fundazioko zuzendari Inmaculada Ramosek urteko txostena aurkeztu zuten. Azpimarratzekoa da sorturiko enpresen errekorra hautsi dela 2014an.
Autoenpleguari buruzko xehetasun aipagarriak eta 2014an Gaztenpresaren laguntza izan duten enpresa berriak:
- 2014an abian jarritako 462 proiektuetatik 204 Bizkaian kokatu ziren, 114 Araban, 98 Gipuzkoan eta 46 Nafarroako Foru Erkidegoan.
- Ekintzaileek batez beste 38 urte zuten, % 59 gizonezkoak ziren eta hamarretik seik lana zuten. Horietako askok lana galtzeko beldurra zutenez, negozio bat sortzea erabaki zuten.
- Ekintzaileen profilari dagokionez, % 69k ez zuen unibertsitate ikasketarik eta % 65ek negozioa zerbitzuen sektorean jartzea erabaki zuen. % 29k, aldiz, saltoki bat irekitzea erabaki zuen.
- Enpresa-proiektu berri horiek batez beste 50.700 euro inbertitu dute eta 30.000 euroko maileguak jaso dituzte 2014an.
- Finantzaketa errazteko helburuarekin, fundazioak iaz 11 milioi euro bideratu zituen maileguetara. Horietatik % 65 mikrokredituak izan ziren eta gainerako % 35a 25.000 eurotik gorako maileguak.
Gaztenpresaren 2015eko helburua 550 enpresa-plani laguntzea da. Horiek 1.000 lanpostu berri baino gehiago sortuko dituzte.
