×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Antolaketarako ezinbesteko bost tresna digital

herramientas digitales
Share on facebook
Share on twitter
Share on linkedin
Share on whatsapp
Share on email

Badakigu: ekintzaileen egunerokoan nagusi dira bilerak, gestioak, deiak, izapideak, kolaborazioak eta abar. Zoragarria bada ere, beti ez da erraza izaten. Gaztenpresan ondo dakigu hori eta guztia ordenan eramaten lagundu nahi dizugu. Zer egin dezakezu? Badaude betiko agendarekin ondo moldatzen direnak, papera eta boligrafoa erabiliz, baina, egia esan, gero eta programa hobeak daude zure denbora kudeatzeko. Erabilerrazak eta erabilgarriak dira, eta hobeto lan egiten lagunduko dizute. Antolaketarako ezinbesteko bost tresna digital gomendatzen dizkizugu.

Evernote, Trello, RescueTime… Paperezko agenda batek baino aukera gehiago ematen dizkizuten aplikazioak dira. Kontaktuak gorde ditzakezu, oharrak sartu, dokumentuak eskaneatu, dokumentuak partekatu… 22 urtez Euskadiko eta Nafarroako pertsona ekintzaileei negozio-ideiak gauzatzen lagundu ondoren, Gaztenpresan argi daukagu tresna digital berrien esparruan eguneratua egotea abantaila dela, geroz eta lehiakorragoa den merkatu batean. Gero, zeuk erabakiko duzu betiko agendarekin eta oharrentzako blokarekin jarraitu nahi duzun. Baina informatuta egotea eta tresnak ezagutzea lagungarri izango dituzu erabakirik onena hartzeko orduan.

Evernote

Zure bulegoan paper gehiegi dituzula iruditzen al zaizu? Bisita-txartelak, telefono-zenbakiak, oharrak, post-itak eta abarrak pilatu egiten al zaizkizu? Paperen bila denbora galtzen al duzu? Evernote aplikazioari esker, guztia zeure telefonoan izan dezakezu, zauden tokian zaudela ere. Oharrak har ditzakezu, zeregin-zerrendak sortu, interneten aurkitzen duzun guztia gorde, oharrak eta bisita-txartelak eskaneatu… Eta informazio hori guztia sinkroniza dezakezu aplikazio bakar batean eskura izateko, telefonoan zein edozein ordenagailutan. Dagoeneko Evernote erabiltzen baduzu, haren bloga gainbegiratzea gomendatzen dizugu, aholkuz betea baitago.

Trello

Ordenagailuarekin lana egiten duzula eta posta elektroniko kate luzeak, kalkulu-orriak, Word dokumentuak, ohar itsaskorrak eta abarrak pilatu egiten zaizkizula? Horrela bada, agian aukera bat eman beharko zenioke Trellori. Aplikazio horri esker zeregin-zerrendak sor ditzakezu (zer dagoen prozesuan, zer egin den eta zer dagoen egiteke ikusteko), mezuak eta dokumentuak lagunekin partekatu, oharrak hartu… Eta guztia begiratu batean ikus dezakezula da onena, mugikorrean edo ordenagailuan daramazun kortxozko bulegoko taula balitz bezala. Eta, batek baino gehiagok dokumentu bera lantzen duzuenean, lankideen arteko lana erraztuko dizu. Hemen ikus ditzakezu funtzio guztiak.

RescueTime

Ordenagailuarekin lana egiten duzula eta batzuetan eguna programa batetik bestera pasatzen joaten zaizula iruditzen zaizu (internetetik Excelera, Wordetik diseinu-programara, posta idaztetik Youtuben katutxoen bideoak ikusten denbora galtzera)? RescueTime programak ordenagailuan egiten duzun guztia erregistratzen du eta, egunaren amaieran, grafiko bat eskaintzen dizu eguneroko zure ohiturak ulertu eta emankorragoa izan zaitezen. Ikusiko duzu zenbat denbora eskaintzen diozun zehazki gauza bakoitzari, eta zure lan-jardunaren ikuspegi ezberdin eta objektiboa emango dizu. Asteko zein egun izan den emankorrena ere esango dizu programak. Eta ez arduratu zure pribatutasunaz, RescueTimek ez baitu zure pasahitzik erabiliko.

Buffer

Twitter, Facebook, Instagram, Pinterest, Linkedin… Lana pilatzen al zaizu sare sozialetan? Guztiak programa bakar batetik antolatzen lagunduko dizu Bufferrek, denbora aurrezteko. Zure sarrerak programa ditzakezu bertan, zeuk nahi duzunean argitara daitezen. Sare sozial batean edo hainbatetan mezu bat argitaratzen lagunduko dizu (mezu bera edo aldaketekin). Diseinuak ikusgarriagoak egiten lagunduko dizu. Eta analitikak eskaintzen dizkizu, sarrera bakoitzak sare sozial bakoitzean izan duen eragina ikus dezazun.

Things

Zereginez betetako lan-jarduna izanik, funtzio gehiegi dituzten aplikazioekin nahasi nahi ez duten pertsonei zuzenduta dago Things. Mac, iPhone eta Apple Watch gailuentzako programa honek egiteko dituzun zereginak zerrendatzen laguntzen dizu, modu errazean pantailan ikusteko eta ezer ez ahazteko.

Ekintzailetzarekin lotutako edozertan laguntzarik behar baduzu, Laboral Kutxaren zure bulegoan aurki gaitzakezu, bai eta gure Gaztenpresa web orrian ere. Sare sozialetan ere bagaude: FacebookTwitter eta Linkedin. Zain gaituzu!

Post gehiago irakurri.

Maitza 23, 2023
Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea. Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen...
Maitza 17, 2023
Duela egun gutxi batzuk gure 2022ko Memoria aurkeztu genuen Donostian. Izan ere, aurten Donostia Gizarte Ekonomiaren Hiriburu izendatu dute. Prentsaurrekoaren ondoren, Gaztenpresatik ekitaldia egiteko aprobetxatu genuen, hain zuzen ere, gure erkidego ekintzailea inspiratu, motibatu eta babesteko ekitaldia. Topaketa hau oso mamitsua izan zenez, eta ezer ez ahazteko, bertan gertatu zen guztia kontatzea erabaki dugu. Has...
Apirila 28, 2023
Gure inguruko errealitate soziala hobetzeko helburuari jarraikiz, Gaztenpresan 314 negozio berri abiarazten lagundu dugu 2022an, eta horiei esker 637 lanpostu sortu dira. Hori horrela izanik, ia 30 urteko ibilbide honetan, 6.578 enpresa eta 12.041 enplegu sortzen lagunduko dugu, eta LABORAL Kutxaren bitartez 192 milioi euro lortzeko aukera eman dugu, mailegutan. Datu horiek guztiak gure 2022ko...
Apirila 17, 2023
Guztion ahotan dago Adimen Artifiziala (AA), eta ChatGPT tresnari zor zaio bere ospearen zati handi bat. Tresna hori OpenAI enpresak merkaturatu zuen joan den urtearen amaieran, eta guztiok harrituta utzi gaitu galderei erantzuteko, elkarrizketak izateko eta testuak modu natural eta koherentean sortzeko duen eraginkortasunagatik eta zehaztasunagatik. Tresna horrek zer egin dezakeen ikus dezazuen, pentsatu dugu...
Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...