Gaztenpresak Aipamen Berezia lortu du Europako Mikrofinantzetako Jardunbide Egokien Sarian - Gaztenpresa

Gaztenpresak Aipamen Berezia lortu du Europako Mikrofinantzetako Jardunbide Egokien Sarian

Giordano Dell´Amore Fundazioak Aipamen Berezia eman zion Gaztenpresari joan zen ekainaren 19an, “Europako Mikrofinantzetako Jardunbide Egokien Sarien” barruan.

  • Giordano Dell’Amoreko epaimahaiak Aipamen Bereziarekin saritu du Gaztenpresa Fundazioa, LABORAL Kutxan aurrera daraman mikrofinantzen ereduagatik. 
  • Gaztenpresa Lisboan izan zen ekainaren 19an eta 20an, Mikrofinantzen Europako Sarearen 11. Urteroko Biltzarrean. “Enplegua, erronkak eta aukerak mikrofinantzentzat” izan zen ekitaldiaren gai zentrala. 
  • Europako finantza-krisiaren panorama berriarekin lotutako erronkak partekatzea, elkartrukatzea eta aztertzea izen zen biltzarraren helburu nagusia. 

Gaztenpresa Fundazioak Aipamen Berezia jaso zuen ekainaren 19an, Giordano Dell´Amore (FGDA) fundazio italiarrak emandako Europako Mikrofinantzetako Jardunbiderik Onenen 2014ko Sarien esparruan, Euskal Herriko ekintzaileei laguntzeko programagatik. Ekitaldia Lisboan izan zen, Mikrofinantzen Europako Sareak egindako 11. Urteroko Biltzarraren barruan.

Urteroko ekitaldiaren gai zentrala “Enplegua, erronkak eta aukerak mikrofinantzentzat” izan zen, eta mikrokredituen egungo egoerari buruzko eztabaida sustatzea izan zen helburu nagusia. Izan ere, ekintzaileentzako laguntzak eta negozio berrien finantzaketa dira enpresaburu berriek aurrean dituzten oztopo handienetakoak.

Ideiak eta esperientziak partekatzeko elkargunea sortzea izan zen ekitaldiaren asmoa. Mikrofinantzen Europako Sarearen antolatzaileak, EBko erakundeetako ordezkariak, inbertitzaileak eta Europa osoko eta kanpoko mikrofinantzetako profesionalak gonbidatu zituzten mikrofinantzetako jardunbide egokienak partekatzera, elkartrukatzera eta eztabaidatzera. Biltzarrean elkartruke sakonak eta interaktiboak egin ahal izan zituzten, osoko bilkuren, lantegien, mahai-inguruen eta elkarrizketen bidez.

Iruzkinak 0

Utzi iruzkin bat

Zure e-posta helbidea ez da argitaratuko. Beharrezko eremuak * markatuta daude

*

HARPIDETU

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Log in with your credentials

Forgot your details?