×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Etengabeko hobekuntza Potxolines Haur Eskolan

Share on facebook
Share on twitter
Share on linkedin
Share on whatsapp
Share on email

Egunero hobera egitea. Topikoa dirudi, baina pertsona ekintzaile batzuek arrakasta zergatik duten aztertzen dugunean, konformatzen ez diren eta egunero hobera egiten saiatzen diren pertsonak direla egiaztatzen dugu beti. Horren adibide da Cristina Santiago Chavarri (Zalla, 1984), Potxolines Haur Eskolaren jabea eta zuzendaria. Enpresa 22 urte zituela sortu zuen eta, hamar urte igaro ostean, hobera egiteko kanpoko ikuspuntu bat behar zuela sentitu zuen. Ingelesez dioten moduan, beste ikuspegi batetik pentsa zezakeen norbait (“think outside the box” adierazpen anglosaxoia). Orduan, Cristinak Gaztenpresaren Mentoring programara jotzea erabaki zuen.

Ordudanik, Cristina hilean behin elkartzen da bere mentorearekin, María Mestraituarekin (Deustu, 1968). Ekintzaileak bere eguneko jarduera azaldu eta bere zalantzak partekatzen ditu, eta Maríak –ibilbide luzeko enpresaria– horiek ebazten ditu. Mentorearen arabera, batzuetan nahikoa da entzutea, bere arazoak azaldu eta kanporatu ostean, ekintzailea bera iristeko irtenbideetara. Baina, beste batzuetan, gutxitan izan arren, mentoreak irmoa eta inpartziala izan behar du. Bien arabera, harreman horretan bi aldeak hazten dira. Programa enpresa berriei nahiz dagoeneko finkatuta dauden negozioei bideratuta dago. Eta mentore guztiek boluntario gisa parte hartzen dute.

Guk Cristinarekin hitz egin nahi izan dugu, bere esperientzia konta diezagun.

GAZTENPRESA BLOGA: Zer nolako harremana duzu mentorearekin?

CRISTINA SANTIAGO CHAVARRI. Oso ona. Berarekin konektatu dut. Entzun eta hankak lurrean jartzen laguntzen dit. Berak ez du nire sektorea ondo ezagutzen, baina ama da, eta, beraz, beste ikuspuntu bat eman diezadake, bezeroarena.
GZT. Esan duzun moduan, mentorearen profila eta zurea oso desberdinak dira. Hura ez dator irakaskuntzatik, baina ibilbide ekintzaile luzea du, bi enpresa berritzaile sortu baititu (bata web-orrien garapenerako, 1996an, hau da, ia Interneten historiaurrean, eta bestea hitzordu komertzialak eta merkataritza-komunikazioa hitzartzeko). Zertan laguntzen dizu bere ikuspegiak?

C. S. C. Niri asko interesatzen zaidan sektore batetik dator, hura baita nik gutxien menperatzen dudana. Teknologia berriak leiho ikaragarria dira munduari zure lana erakusteko.

 

GZT. Potxolines Haur Eskolak hainbat metodologia konbinatzearen aldeko apustua egin du, besteak beste, Montessori, eta horrek beste haur-eskola batzuetatik bereizi du. Era berean, hezkuntza hirueledunaren aldeko apustua egin duzue, eta ikasgela guztiek argi naturala dute. Besteengandik bereiztea al da negozioak arrakasta izateko gakoetako bat?

C. S. C. Aita eta ama guztiek onena nahi dute beren haurrentzat, eta metodo on bat eta instalazio ezin hobeak bilatzen dituzte haientzat; jende onbera bilatzen dute batez ere, beren seme-alabak ulertuko dituzten eta maitasunez eta errespetuz tratatuko dituzten pertsonak, modu oso indibidualizatuan tratatuko dituztenak. Irakasle-taldea eta ni oso maitekorrak garela uste dut, enpatia, pazientzia eta ilusio handiko pertsonak. Guk familiek behar duten konfiantza, naturaltasuna eta gertutasuna transmititzen dugu, eta hori da, zalantzarik gabe, gure arrakastaren gakoa. Bestalde, gure hezkuntza-proiektua paregabea eta oso berezia da. Haurrek modu zoriontsuan eta autonomoan ikasteko prestatzen dugu ingurunea, beren buruarekiko konfiantza izan dezaten eta autoestimu sendoarekin haz daitezen. Egituratu gabeko materialekin eta elementu naturalekin lan egiten dugu. Landareak eta animaliak ere guk garatzen ditugun proiektuen parte dira, eta, egunero, korri egitera irteten gara kalera, salbuespenik gabe. Hainbat ordu igaro ditzaket honen inguruan hitz egiten, eta ez nintzateke nekatuko. Nire gairik gogokoena da, zalantzarik gabe, baina beharbada nahikoa izango da gaur egun haurrik ez duten edo metodoaren inguruko ezer ez dakiten pertsonentzat. Edonola ere, gehiago jakin nahi dutenak gurekin harremanetan jartzera gonbidatzen ditut, informacion@potxolines.com helbidearen bitartez edo gure instalazioetara gerturatuz.

 

Bokazioz ekitea

GZT. Azken hilabeteetan, obren eta homologazio-prozesu baten bidez haztea erabaki duzu. Gero eta lehiakorragoa den merkatu horretan, ekintzaileak egunero egin behar al du hobera?

C. S. C. Noski baietz! Ondo doakizulako konformatzen bazara, non dago zure espiritu ekintzailea? Oso harro sentitzen naiz nire sektoreko enpresa txikiek nire ideia berritzaileak kopiatzen dituztela ikustean. Horrek ideia onak direla esan nahi du. Txikiekin egin nahi ditugun lanetan egunero aurkitzen ditugu arazoak eta horiei aurre egiteko nik neuk eraikitako gauzak asmatzea gustatzen zait, baina ez ditut inoiz erregistratu. Orain horiek homologatzea pentsatzen ari naiz, familiei beken bitartez laguntzeko.

 

GZT. Ekitea pentsatzen ari den pertsona baten kasuan, negozioa ikusten duen lekuan ekin behar du edo, zure kasuan bezala, bokazioa duen esparruan?

C. S. C. Oso gogoko duen zerbaitetan ekin dezala esango nioke. Oso polita da goizero ilusio berarekin esnatzea. Egunero izan behar dugu zoriontsu. Horrek pertsona hobeak izaten laguntzen gaitu eta izugarri aberasten.

 

GZT. Eta dagoeneko negozioa finkatuta duen pertsona bati, Gaztenpresaren mentoring programa gomendatuko zenioke? Horrela bada, zergatik?

C. S. C. Noski baietz. Askotan gehiegi murgiltzen gara gure egian, eta ez dugu haratago ikusten. Oso positiboa da norbaitek epaitu gabe irakats diezazula.

¿Quieres leer más artículos relacionados?

Marzo 4, 2024
La digitalización es la asignatura pendiente de muchos negocios de a pie. Por ello, hoy contamos con Cristina Terán, periodista y consultora en marketing digital.   Gaztenpresa: Cuando emprendes, parece que tienes que saberlo todo. Y muchas veces, yo me puedo identificar o puedo sentirme bien y cómoda con herramientas tecnológicas como puede ser la...
Febrero 8, 2024
GAZENPRESA: Inma, antes, fuera de micros, comentábamos que es importante descubrir que emprender no es algo trivial. Y hacías un símil que me parece muy interesante. ¿Nos lo cuentas? INMA RAMOS: Nosotras llevamos 30 años trabajando con personas que emprenden. Y muchas veces, cuando la persona emprende, es la primera vez que lo hace. Con...
Enero 15, 2024
Simon Zineck decía que el emprendimiento no es una carrera, es un viaje que nunca termina. En este viaje tenemos que llevar la mochila llena de muchas herramientas y una fundamental es la salud financiera. Arrancamos esta serie de charlas con Iñaki Ruiz de Balugera, que ha dedicado toda su carrera profesional a asesorar a...
Diciembre 13, 2023
Hablamos con Patxi Vizcaíno, que junto a Imanol Lecuona e Iñigo Gracia, han puesto en marcha Vaprest, una empresa guipuzcoana dedicada a la instalación, reparación y mantenimiento de aparatos a presión para todo tipo de sectores, desde acerías y fundiciones hasta fábricas alimentarias, pasando por hospitales, lavanderías, etc. ¿Cómo os decidisteis Imanol, Iñigo y tú...
Diciembre 4, 2023
Junto con a Beatriz Ramos y Tzibi Juaristie, Eukene Arana ha puesto en marcha una cooperativa sin ánimo de lucro que ayuda a entidades públicas y privadas a proteger, prevenir y conseguir el buen trato a la infancia y la adolescencia. Nos lo cuenta en esta entrevista. Para conoceros un poco mejor, ¿nos puedes explicar...
Noviembre 10, 2023
Hoy hablamos con Sheila Rubia, una emprendedora que, junto con su pareja, Emilio Cabrera, ha puesto en marcha en Pamplona un negocio de cocina casera para llevar. Su establecimiento se llama Pollos Asados La Abuela y, en esta entrevista, nos explica el origen de este proyecto y cómo le ha ayudado Gaztenpresa a convertirlo en...