×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Crowdfundinga, 3F-ak eta bestelako finantzaketa moduak

Share on facebook
Share on twitter
Share on linkedin
Share on whatsapp
Share on email

Negozio edo enpresa bat abian jartzea ez da lan erraza. Negozio-ideia garatzea, abian jartzeko izapideak betetzea eta lokalaren kokapenik egokiena aukeratzea gutxi balitz bezala, orain horren guztiaren kostua kalkulatu beharko duzu eta martxan jartzeko finantzaketa bilatu.

Ohiko finantzaketa-bideak izango dituzu buruan, seguruenik, eta zure finantza-erakundean egongo zinen maileguen merkatu-baldintzen berri jasotzeko. Baina post honetan bestelako aukera batzuk azalduko dizkizugu, zure negozioa abian jartzeko baliabideak aurki ditzazun.

Hiru F-ak (Family, Friends & Fools)

Ekintzaile gisa duzun ametsa bete ahal izateko aurrean dituzun iturri gertukoenak eta, ustez, eskuragarrienak dira. Hiru ‘efe’-ez ari gara: Family, Friends & Fools, edo, euskarara ekarrita, familia, lagunak eta eroak. Lehenengo biei buruz ez dugu ezer esatekorik, zuk inork baino hobeto ezagutzen baitituzu. Alderdi emozionala aldeko duzu familiartekoak eta lagunak zure negozioaren onurez konbentzitzeko, mailegua eska diezaiekezu edo inbertitzaile gisa parte har dezaten. Baina alde txarra ere badu horrek, dirua baino askoz gehiago jartzen baituzu arriskuan: zure harreman pertsonalak. Gainera, litekeena da senide edo lagun horrek negozioaren partaide izateko asmoa edukitzea, eta denboran aurrera hura ondotik kendu ezinik ibil zaitezke.

Hirugarren taldeak tarte berezia merezi du: adituak izan gabe zure negozioaren aldeko apustua egiten duten pertsonen taldeaz ari gara. Agian haietakoren batekin egon zara eta zure ideiak dituen abantailak sinetsi ditu, edo, beharbada, hirugarren batek jarri zaituzte harremanetan. Nolanahi ere, zure proiektuari begira daude eta finantzatzeko prest dira. Baina, zeren truke? Inbertitzaile amateurrak direnez, kontrapartida gutxiago eta kontratu malguagoak eskatuko dituzte. Baina, aldi berean, inbertitzeko gaitasun txikiagoa izango dute eta inbertitzaile profesionalek eskaintzen dituzten abantailarik ez dugu izango, gomendioak, kontaktuak, esperientzia eta kaudimena, esaterako.

Crowdfundinga

Crowdfundinga finantzaketa-eredu masiboa da, non partikularrek proiektu bat finantzatzen duten ordainen edo partaidetzen truke, edo modu altruistan. Eredu horren abantaila nagusia da inbertitzaileek inbertitu duten proiektuan sinisten dutela, eta, horrenbestez, kausa edo jarduera jakin baten nolabaiteko mezenas bilakatzen dira. Ildo horretan, inplikatutako kolektiboek osatu ohi dute inbertitzaile-taldea, jarduera berria edo berritzailea finantzatzen dute eta ekimenak oihartzun informatiboa izaten du. Gure inguruan nahiko berria da formula hori, eta haziz joan da Interneteko plataformen ugaritzeari esker; izan ere, bide horretatik sustapenerako eta hedapenerako aukerak zabaldu dira. Crowdfunding edo mikromezenasgo mota bat baino gehiago dago:

  • Saria dutenak. Mezenasgoarekin zuzenean lotutako proiektuak dira, eta jardueraren inguruko produktuak, esperientziak edo zerbitzuak izaten dira inbertsioaren ordaina edo saria. Mota horretako crowdfunding plataformetako bat Verkami da, sorkuntzaren esparrukoa; Goteo izenekoak, berriz, batez ere elkartasunaren arloan dihardu.
  • Inbertsio motakoak. Formula horrekin enpresa baten akzioak, partaidetzak edo mozkinak eskaintzen dira emandako diruaren ordain gisa. Crowdcube da ezagunenetako bat.
  • Mailegu erakoak. Partikularrek maileguak ematen dizkiete enpresei online plataformen bidez, eta ordainean interes-tasa lortzen dute. Horietako bat Arborius da.
  • Dohaintzakoak.  Dohaintza egiten dutenek proiektua aurrera ateratzea dute helburu bakar, ez dute ordainik espero. Xede sozialetarako dohaintzak biltzeko tresna ezaguna da Teaming, euro batetik aurrerako dohaintzak egin daitezke bertan.

Business Angels

Hurbileko inbertitzaile ere esaten diete. Kapitala, esperientzia eta merkatuan dituzten kontaktuak eskaintzen dituzten pertsona pribatuak dira. Dirua jartzen dute, baina mentoring profila dute, eta haien know-howa ia-ia kapitala bezain garrantzitsua da. Azken alderdi hori, hain zuzen, arazo-iturri ere izan liteke. Gaitasuna eta ezagutzak dituztenez, negozioaren gestioan gehiegi eskuhartzeko gogoa izan dezakete; azken finean, haien dirua jokoan baitago. Horregatik, business angelaren aukera oso aproposa da gure nitxo-proiektua haren sektore eta ingurune geografiko berekoa bada.

Autofinantzaketa

Aztertu beharreko lehenengo aukera da, jakina. Izan ere, negozioan duzun konfiantza transmititzeko modurik onena zuk zeuk inbertitzea da. Gainera, horrela egiten ez baduzu, zeure negozioaren gaineko agintea galtzeko arriskua duzu, zure erabakitzeko gaitasuna hutsaren hurrengoa izan daiteke. Abantailak agerikoak dira. Nagusia autonomia da, erabakiak hartzeko orduan ez zaude inoren esanetara. Erraztasuna da beste abantaila bat, ez baituzu inongo legezko izapiderik bete behar; onura ekonomikoak ere baditu autofinantzaketaren aukerak: ez duzu interesik ordaindu behar eta ez duzu abalen edo bermeen beharrik. Haatik, alde txarrak ere baditu. Lehenik eta behin, zure baliabideak mugatuak izango dira, seguruenik, eta, agian, langabezia-prestazioa ere erabili nahi izan duzu ekintzaile-proiektua aurrera eramateko. Era berean, inbertsioak zuk zeuk egiten dituzunez, zehaztasun eta zorroztasun gutxirekin inbertitzeko arriskua duzu. Ildo horretan, komenigarria da kanpoko aditu baten iritzia jasotzea beti, aurrera daramatzazun ekintzak baloratzen lagundu zaitzan.

Edonola ere, gogoratu Gaztenpresan zure negozioa sortzeko prozesu osoan zehar laguntzen dizugula, hala nola abiatzean, negozio-planean, negozioa sendotzen eta, noski, finantzaketan ere.

¿Quieres leer más artículos relacionados?

Septiembre 16, 2022
Antes de lanzarse a la piscina del emprendimiento, hay que comprobar que tiene agua, lo que en este caso equivale a llevar a cabo un análisis de riesgos y a elaborar un plan de negocio. Recuerda que el plan de negocio o plan de empresa, es un documento muy útil que debe resumir el carácter...
Julio 29, 2022
HALO Donostia es el resultado de la reunión 3 enfermeras con ganas de emprender y de darle la vuelta a la oferta actual en el sector de la enfermería y la dermoestética. En el mes de las Cooperativas, desde Halo Donostia nos cuentan su historia y sus primeros pasos.   HALO Donostia se define como...
Julio 15, 2022
Un proyecto emprendedor puede materializarse en muchas formas jurídicas: Autónomo/a, Sociedad Limitada, Cooperativa, … con motivo del Día Internacional de las Cooperativas, entrevistamos a Ingravity Dreams, un centro enfocado al bienestar animal que inició su andadura empresarial de la mano de Gaztenpresa.   ¿Qué es Ingravity Dreams y cómo surge? Ingravity Dreams es bienestar animal....
Junio 27, 2022
El espíritu emprendedor se abre paso en todos los contextos y sectores, incluido el industrial y en circunstancias tan singulares como la actual. Con motivo del día de la Pyme, entrevistamos al equipo de IGASI Vacuum Solution, un proyecto emprendedor que pronto cumplirá un año de andadura empresarial.   ¿Cómo nace Igasi y cómo definiríais...
Junio 23, 2022
Desde Gaztenpresa hemos seguido adaptándonos a un tejido empresarial que continúa presentando dificultades para hacer frente a la crisis. Por ello, tal y como destacaba ayer Ibon Urgoiti, presidente de Gaztenpresa, durante la presentación de la Memoria Anual 2021, es necesario poner en valor el esfuerzo que ha realizado el equipo de la Fundación para...
Mayo 17, 2022
La llegada de la pandemia hizo que los hábitos de consumo de las personas se modificarán radicalmente y tuvieran que adaptarse a un entorno más digital. Si los datos ya eran alentadores, en 2021 la población de Euskadi usuaria de internet continuó creciendo, hasta alcanzar el 84,9%. De este tema hablamos hoy, Día Mundial de...