y luego Añadir a pantalla de inicio.
Xedea
2016ko irailaren 16tik 2017ko irailaren 15era bitarteko epearen barruan sortutako enpresen abiarazteko eta lehen urteko funtzionamendurako laguntzak.
Erakunde onuradunak
Honako hauek eskuratu ahalko dituzte atal honetan ezarritako laguntzen onurak: Bizkaiko Lurralde Historikoko nortasun juridikoko enpresek (banakako enpresaburuak eta profesionalak barne), ondasun-erkidegoek eta sozietate zibilek. Horretarako, baldintza hauek bete behar dituzte:
- 2016-09-16tik 2017-09-15era bitartean ekonomi jardueretan alta ematea.
- Egoitza soziala eta zerga-egoitza Bizkaiko Lurralde Historikoan izatea. Eta, era berean, lantokia ere lurralde horretan izatea.
- Erakunde onuraduneko pertsona sustatzaileetako batek gutxienez Bizkaian eduki behar du egoitza, gutxienez 3 hilabetez jarraian eta etenik gabe eta hilabeteok izan behar dute ekonomia-jardueraren altaren aurre-aurrekoak; enpresa EJZn alta eman aurreko berehalako unean langabezian zegoela eta langile autonomoen araubide berezian edo haren pareko mutualitateren batean alta emanda egotea egiaztatu behar du. Azken baldintza hori ez zaie eskatuko elkartutako langile-kooperatibei, ezta lan-sozietateei ere, baldin eta araubide orokorrean sartuta badaude.
- Banakako prestakuntza eta aholkularitza 15/2017 Dekretu Arautzailearen 1. ataleko erakunde onuradunekin egin duela
Diru-laguntzak jasotzeko eskabideak bidaltzeari dagokionez, pertsona sustatzaile batek ezingo du inola ere enpresa-proiektu baten baino gehiagotan parte hartu. 163/2014 Foru Dekretuaren eta 53/2016 Foru Dekretuaren kargurako diru-laguntza baten adjudikaziodun gertatu diren enpresek ezin izango dute parte hartu, ezta enpresa horien sustatzaileek ere.
Diru-laguntzaren xede izan daitezkeen egitateak
2016ko irailaren 16tik 2017ko irailaren 15era bitartean (biak barne) sortutako enpresei lehen urtean beren jarduera abian jartzeko eta jarduteko gastuak.
Diru-laguntzaren justifikazioa
Diru-laguntza jaso dezaketen gastutzat hartuko dira honako hauek: negozioaren lokalaren errentamendua; hornidurak (argia, ura, telefonoa, gasa); aseguru-primak; garbitasuna eta mantentze-lana; bulegoko materiala; profesional independenteen zerbitzuak; publizitatea eta sustapena; Gizarte Segurantzarekiko kotizazioak autonomoen araubide berezian; bai eta araubide orokorreko gertakizun arruntak ere, urtebeteko epeaz sortutakoak, gehienez, enpresa jarduera ekonomikoan alta ematen denetik. Jardun ekonomikoari uzteak berarekin dakar ordaindu gabeko zenbatekoak jasotzeko eskubidearen galera.
Diru-laguntzaren zenbatekoa
Diru-laguntzaren zenbatekoa 5.000 euro izango da, erakunde onuradun bakoitzeko, baldin eta sustatzaileetako batek gutxienez «erakunde onuradunak» deritzon atalean jasotako baldintzak betetzen baditu
Diru-laguntzaren zenbatekoa:
- 5.000 euro «erakunde onuradunak» deritzon atalean jasotako baldintzak betetzen dituen sustatzaile bakoitzeko.
- 2.000 euro aurreko paragrafoan aipatutakoez bestelako pertsona sustatzaile bakoitzeko, aipatutako atal horretan zehaztutako baldintzak betetzen baditu, banakako prestakuntza eta aholkularitza egin dituen edo ez kontuan hartu gabe.
Erakunde onuradun bakoitzak gehienez jaso dezakeen diru-laguntza: 15.000 euro.
Arautegia
- Bizkaiko Foru Aldundiaren 15/2017 Foru Dekretua, 2017ko otsailaren 28koa (1,19 MB)
- Deialdia: Enplegua, Gizarte Inklusioa eta Berdintasuna Sustatzeko foru diputatuaren 4441/2017 Foru Agindua (459 KB).
- Diru-laguntzak emateko, norgehiagoka araubidea erabiliko da.
Agiriak
- 2. neurriaren laburpena: Enpresak sortzeko eta martxan jartzeko laguntzak. (257 KB)
- Hartzekodunaren fitxa: Diru-laguntzetarako bankuko helbideratzea. (47 KB)
Proiektuak sortu eta martxan jartzeko aholkularitza. Aurreko deialdian erakunde esleipendunen zerrenda.
Adjudikazioduen zerrenda (51 KB)
Epeak
Ekintzak egiteko epeak: 2016ko irailaren 16tik 2017ko irailaren 15era (biak barne).
- Eskabideak aurkezteko epea:2017ko ekainaren 5eko 9:00etan hasi eta 2017ko irailaren 15eko 13:30ean amaituko da..
- Aurkezteko era: – Eskabidea eta eskabideari dagokion dokumentazioa Enplegua, Gizarteratzea eta Berdintasuna Sustatzeko Sailaren bulego birtualaren bidez aurkeztu beharko dira. Horretarako, beharrezkoa da sinadura elektronikoa izatea edo BizkaiBai zerbitzuan alta emanda egotea.
