×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zure negozioa hobetzeko hodeiko tresnak

Share on facebook
Share on twitter
Share on linkedin
Share on whatsapp
Share on email

Hodeia. Mundu guztiak hitz egiten du hodeiaz, baina zer da zehatz-mehatz? Post honetan ez dizugu kontzeptu horren azalpen tekniko bat emango, ez baita gure espezialitatea. Baina nola erabil dezakezun esango dizugu, zure enpresak edo negozioak hobera egin dezan.

 

Datuak biltegiratzeko, kostuak jaisteko, softwarearen mantentze- eta gestio-lanak murrizteko, eta abarretarako espazio ia mugagabea. Hodeiaren erabilerak eskaintzen dituen abantailak anitzak eta askotarikoak dira. Gainera, eskaintzen dituen tresna asko doakoak dira, eta horiek bereziki erabilgarriak izan daitezke ETE eta autonomoentzat.

 

Zehaztu ditzagun. Bai, zure enpresa inolako kosturik gabe antolatzen lagun diezazuketen tresna batzuen izen-abizenak emango dizkizugu. Honako hauek dira horietako batzuk:

 

Dropbox

Dropbox logo

Haren claim-ak dena dio: bizitza erraztuko dizu. Dropbox gaur egun gehien erabiltzen den hodeiko biltegiratze-zerbitzu horietako bat da. Mota guztietako informazioa biltegiratzeko eta hura beste erabiltzaile batzuekin partekatzeko balio du. Nahi duzun momentuan eta lekutik erabil dezakezu, Internet-konexioa baino ez baituzu behar.

 

Enpresentzako ordainpeko bertsioa egon arren, 2 GB-ko espazioa duen doako bertsioa erabiltzen has zaitezke. Dropbox zerbitzuak hainbat aukera eskaintzen ditu espazioa inolako gasturik gabe handitzen joateko. Gainera, zenbait ekipo sinkronizatuta mantentzeko aukera eskaintzen du, norbaitek artxibo bat aldatzen duenean, informazio erabilgarria berehala aldatu dadin.

 

Google Drive

 

Google Drive logo

 

Eta nola ez, Mountain View erraldoiak ere zenbait irtenbide eskaintzen ditu hodeian. Dropboxek bezala, artxiboak doan biltegiratzeko espazio bat eskaintzen du (kasu honetan, 15 GB-koa). Erabiltzaile batek baino gehiagok elkarlanean jarduteko aukera ere eskaintzen du, baita iruzkinak egiteko txat interaktibo bat ere.

 

Baina badu aurrekoarengandik bereizten duen zerbait. Google Drive App deiturikoak, hau da, hodeian dauden aplikazio espezifikoak: testu-prozesadorea (Word gisakoa), kalkulu-orriak (Excel), aurkezpenak (PowerPoint). Google-ekin gertatu ohi den moduan, zure kontua aktibatu ostean dena erabil dezakezu zure nabigatzailetik. Dena oso modu sinplean, intuitiboan eta doan!

 

Trello

Trello logo

Zure jarduera dena dela, hori antolatzea beharrezkoa izango da zuretzat, seguruenik. Bezeroekin deadline-ak bete, baliabideak esleitu, helburuak eta epeak finkatu… Hori guztia antolamendu on batean oinarritzen da. Bada, eginkizunak gestionatzeko ere doako tresnak aurki ditzakegu hodeian. Kasu honetan, gure gomendioak Trello du izena.

 

Tresna malgu horrek (app mugikorra ere badu) banaka nahiz taldean lan egitea ahalbidetzen du. Proiektuen ikuspegi orokorra eskaintzen digu, eta hala, gure lankide bakoitza zein eginkizun betetzen ari den jakin dezakegu. Trellok oso ondo betetzen du bere funtzioa: elkarlana errazten du, mota askotako artxiboak eranstea ahalbidetzen du (Dropbox, Evernote…) eta merkatuan ezagutzen diren ia programa guztiekin erabil daiteke.

 

Evernote

Evernote logo

 

Beste klasiko bat. Eginkizunak gestionatzeko ohar-blokaren gisako tresna bat da. Evernote aplikazioak biltegiratze- eta sinkronizazio-espazioak konbinatzen ditu hodeian, eta horrek mahaigainean nahiz hodeian lan egitea ahalbidetuko dizu. Doako bertsioa izan arren, ordaindu eta Premium bertsioa ere erabil dezakezu.

 

Evernote zerbitzuak zure ideiak antolatuta izaten lagunduko dizu, informazioa hodeira igo ostean, dena behar bezala antolatuta geratzen baita, zenbait parametroren arabera (etiketak, izena, lekua edo gako-hitzak).

 

Hodeian aurkitu ditzakegun eta zure negozioa hobetzen lagun diezazuketen doako tresna gehiago aipatzen jarrai genezake, baina ez zaitugu ito nahi. Horietakoren bat ezagutzen ez bazenuen, probatu, eta gehiago behar baduzu, jarri gurekin harremanetan sare sozialetako gure profilen bitartez –Facebook, Twitter eta Linkedin– eta egin nahi dituzun proposamenak. Izugarri gustatzen zaigu zuekin harremanetan egotea!

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-19 00:16:22