×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zergatik egon behar du zure negozioak Google My Businessen?

Share on facebook
Share on twitter
Share on linkedin
Share on whatsapp
Share on email

Zenbat aldiz entzun duzu Bill Gatesen “Interneten ez badago, ez da existitzen” esaldia? Behin baino gehiagotan, ezta? Bada, gaur egun esaldi hori egokitu eta honako hau esan dezakegu: Googlen agertzen ez bada, ez da existitzen. Bilatzailearen lehen lekuetan agertzen ez bada, hobeto esanda.

Izan ere, gure inguruneko bilaketa guztien % 96 egiten du Googlek, eta Bing eta Yahoo bilatzaileen aliantzak soilik egin diezaioke nolabaiteko itzala, bi horiek elkar hartuta bilaketa guztien % 3,69 hartzen baitute. Hori dela eta, enpresek baliabide ugari erabiltzen dute beren SEOa (search engine optimization) hobetzeko, hau da, posizionamendu organikoko teknikak hobetzeko, Googleren robotak errazago aurki ditzan.

Helburu horrekin, enpresentzat berariaz sortutako Google My Business doako plataforma dugu. Negozioei sarean ikusgarritasun handiagoa izaten laguntzen die, funtsean. Hona hemen haren abantailak:

Gure negozioari buruzko informazioa eta elkarrizketa bezeroekin. Interneten gure negozioari buruzko informazioa erraz eta bizkor gehitzeko aukera ematen digu tresna horrek. Enpresen sare sozial baten moduan funtzionatzen du, behar diren datu guztiak argitaratzen baititu erabiltzaileek gu aurkitzeko eta gurekin harremanetan jartzeko: posta-helbidea, telefonoa, geolokalizazioa…

Plataforma dinamikoa da: berriak, artikuluak, irudiak eta bideoak YouTuben erraz argitaratzeko eta zure berritasun guztiak ezagutarazteko aukera ematen dizu. Sare sozialaren alderdi horrek lagunduko digu  bezeroekin elkarreragina izaten, gure zerbitzu edo produktuei buruz zer uste duten jakiteko eta haiekin etengabeko harremanetan egoteko. Kalitateko edukiak argitaratzen baditugu eta gure erabiltzaileekin elkarreragina sustatzen badugu, bisita gehiago izango du gure sareak.

 

 

Google Mapsen agertuko zara. My Businessen zure fitxa betetzen duzunean, zure negozioa Google Mapsen agertzea lortu dezakezu, edozein bezero zure enpresara erraz eta eroso iristeko. Horrez gain, Googlek erabiltzaileen geolokalizazioa lehenesten du bilaketaren emaitzak eskaintzean. Adibidez, Donostiako pertsona batek zerbitzu bat bilatzen badu Googleren bidez, bilaketa egiten ari den zonako negozioak eskainiko dizkio horrek lehendabizi.

Sortu zure nortasun digitala eta hobetu zure SEOa. Google My Business direktoriotik datozen tokiko emaitzak gainerako emaitza organikoen gainetik jartzen ditu Googlek, norberaren sare eta plataformak erabiltzen dituztenak saritu egiten baititu. Bestela esanda: bi negozio lehian ari badira bilaketa-emaitza organikoen zerrendako lehen postuetan egoteko, My Businessen alta emanda dagoena nabarmenduko du Googlek. Horregatik, zure bezeroek Interneten aurki zaitzaten burutu behar dituzun ekintzen zerrendan egon behar du plataforma horretan sartzeak.

Jarraipen-estatistikak. Plataformak honako estatistika erraz hauek eskaintzen dizkizu: nola bilatzen zaituzten bezeroek, zenbat aldiz ikusi dituzten zure argazkiak, zenbat aldiz deitu duten telefonoz zure negoziora eta zer ekintza egin dituzten zure fitxarekin, baita zure negoziora autoz heltzeko zenbat aldiz eskatu dituzten argibideak ere. Hau da, estatistika erraz eta ulergarriak jasoko dituzu zeure bezeroen portaera orokorra ulertzeko, Analyticsen aditua izan gabe.

Hobetu zure marketin-kanpainak bilatzaileetan. Adwordseko publizitate-kanpaina bat egin nahi baduzu, kokapen-eremu bat azal dadin (hau da, nahi baduzu zure iragarkiak esteka bat erakustea, non helbidea eta telefonoa azalduko diren, eta erabiltzaileak hori klikatuz zure kokapena mapan ikustea), ezinbestekoa da zure negozioa Google My Businessen alta emanda egotea.

Doakoa eta erabilerraza da. Ez izan beldur: Google My Business oso erraza da erabiltzen eta lagundu egingo dizu zeure markari buruzko informazioa Googleren aplikazioetan sinkronizatzen. Horrez gain, app batzuk ditu zure mugikorretik erabiltzeko, dela Android dela iOS.

Dagoeneko haren abantaila guztiak ezagutzen dituzunez, hartu une bat alta emateko eta bete erregistroa zure enpresaren datuekin. Informazioa bilaketa-emaitzetan ager dadin, PIN kode batekin balidatu behar dugu enpresaren fitxa. Googlek emango digu kode hori, posta bidez.

Zure enpresari alta ematean, kontuan hartu alderdi hauek:

  • Egiaztatu zure enpresaren fitxa osaturik dagoela eta zehatza dela: gehitu harremanetarako telefonoak, irudiak, irekitzeko ordutegia eta negozioaren deskribapena.
  • Aukeratu kategoria espezifikorik egokienak zure negozioarentzat. Aukeratu Googlek eskaintzen dizkizunetako bat, zure enpresa bilaketa egokietan erakusten laguntzeko.
  • Ezarri presentzia sendo eta egoki bat Interneten. Izan zaitez fidagarria eta eman informazio baliagarria soilik.
  • Eskatu bezeroei zure enpresari buruzko iritzia emateko. Horretarako, tokiko fitxan Idatzi aipamen bat aukeran klik egin behar dute.
  • Sustatu zure Google+ orrialdea eta lortu jarraitzaileak: egin argitalpen ugari eta eguneratu zure profila.

Google My Businessen aditua zara jada. Orain, ospe digitala doan sortu besterik ez duzu egin behar. Gainera, Gaztenpresak eskaintzen dizkizun prestakuntza-ikastaroak eta -tailerrak erabil ditzakezu, zure negozioari bultzada berria ematen lagunduko dizuten gaitasun digitalak eta profesionalak eskuratzeko. Zain gaituzu!

¿Quieres leer más artículos relacionados?

Diciembre 27, 2021
En pocos días cerramos 2021 y un año más queremos aprovechar estas fechas para daros las gracias. Este año que se va, nos ha servido para ir superando poco a poco esos grandes obstáculos que el 2020 nos puso en el camino con el inicio de la pandemia. Para algunas/os de vosotras/os, esos retos incentivaron...
Diciembre 2, 2021
Antes de poner en marcha un negocio, hay que tomar múltiples decisiones, realizar muchos números y tener en cuenta un sinfín de factores, pero el verdadero reto comienza el día que levantamos la persiana de nuestra tienda/restaurante/oficina. Día a día el volumen de las compras, la categoría o tipología de los productos/servicios más y menos...
Noviembre 23, 2021
Son muchas las personas emprendedoras a las que, cuando se les plantea la posibilidad de realizar publicidad de su negocio en Internet y/o redes sociales, no lo ven necesario porque contemplan esta opción más como un gasto que como una inversión. Y, desde luego, si hacemos un anuncio en Google, Facebook, Instagram… sin tener claros...
Noviembre 19, 2021
Hoy, 19 de noviembre, celebramos el Día Internacional de la Mujer Emprendedora. Por eso, desde Gaztenpresa, queremos aprovechar el día para felicitarnos a nosotras las emprendedoras por nuestro constante trabajo y esfuerzo para sacar adelante nuestro negocio. Somos conscientes de la desigualdad que a día de hoy continúa existiendo en nuestra sociedad y del esfuerzo...
Noviembre 8, 2021
En nuestro trabajo en Gaztenpresa muchas veces nos encontramos con personas emprendedoras que, tras varios meses con el negocio abierto, siguen obsesionadas con querer llegar a nuevos clientes a toda costa y centran todos sus esfuerzos de marketing digital en intentar conectar con públicos que aún no han oído hablar de ellos. La estrategia parece...
Noviembre 3, 2021
Ni siquiera una pandemia puede frenar el espíritu emprendedor. Después de haber estado trabajando casi 20 años por cuenta ajena y haberse quedado en paro, estas tres mujeres emprendedoras decidieron ponerse manos a la obra y sacar adelante su proyecto. La confianza en ellas mismas, en sus clientas y en el conocimiento que tenían del...