y luego Añadir a pantalla de inicio.
Eusko Jaurlaritzak saltokiei bideraturiko laguntza berriek Merkataritza Banaketaren sektorea berritzea eta modernizatzea, eta horrela, horien lehiakortasuna sustatzea dute helburu, horiek beren salmenta-puntuak berritu eta erakargarriago bihurtzeko.
Eusko Jaurlaritzaren laguntza honen bidez EAEko saltokiak zaharberritu nahi dira berrikuntzaren, gestioa hobetzeko tresnen eta azpiegituren bitartez.
Diru-laguntza horiek bereganatu ahal izango dituzte, negozio-bolumenari dagokionez, merkataritza-jarduera oinarritzat duten enpresa txiki eta ertainek, baita ondasun erkidegoek eta sozietate zibilek ere.
Ogasuneko eta Gizarte Segurantzako betebeharrak egunean ez dituzten enpresen proiektuek ez dute diru-laguntzarik jasoko.
Kanpoan geratuko dira, halaber, erakunde publikoak, sozietate publikoak eta zuzenbide publikoari jarraiki eratutako edo gobernatutako enpresa guztiak.
Diru-laguntza jaso ahal izango dute honako baldintza hauek betetzen dituzten inbertsioek:
a) Merkataritza-jarduera garatzeko beharrezkoak diren ekipamenduak, altzariak eta lokala konpontzera eta zaharberritzera bideraturiko inbertsioek, baita barneko nahiz kanpoko elementuak, merkataritza-errotuluak barne, konpotzera eta zaharberritzara bidaraturikoek ere.
b) Balantza elektroniko, ekipo informatiko, aplikazio eta horien osagarriek, betiere horiek merkataritza-prozesuetan txertatuta edo enpresa-gestiora bideraturik badude.
Merkataritza-lokalen edo garraiorako elementuen erosketa ez da inola ere diruz lagunduko,ezta leasingaren edo rentingaren bidez eskuraturiko ekipamenduak ere.
Diru-laguntza jaso ahal izateko, proiektuek 3.000 euroko gutxieneko inbertsioa onartuta izan beharko dute saltoki bakoitzeko.
Inbertsioa aurreko puntuko b) atalean adierazitako aktiboetan bakarrik egiten bada, onartutako inbertsioaren zenbatekoak 900 eurokoa izan beharko du gutxienez.
Diru-laguntzaren bidez 12.000 euro eskuratu ahal izango dira, gehienez ere, urte eta saltoki bakoitzeko.
EROSKETEN BALDINTZAK:(saltokientzako laguntza)
– Aktiboak lehen aldiz erabili edo jarri beharko dira martxan.
– Gutxienez urtebetez merkataritza-jarduera bera gauzatu duen saltokiak edo, kasuan kasu, horren jabe den enpresak soilik aurkeztu ahal izango du laguntza lortzeko eskaera.
– Enpresaren aktiboan gutxienez hiru urtez egotea (ikuskapenak egon daitezke hori egiaztatzeko).
– Hirugarren pertsonei ez lagatzea.
– Eskaera egin duen enpresak fabrikatu, gauzatu edo garatutakoak ez izatea.
– Aktiboak Euskadiko Autonomia Erkidegoan erosi beharko dira.
– MINIMIS laguntza (% 30eraino da bateragarria beste diru-laguntza batzuekin)
Diru-laguntza nola eskatu jakiteko informazio gehiago nahi baduzu, jar zaitez gurekin harremanetan 900 101 143 telefono-zenbakiaren edo info@gaztenpresa.org posta elektronikoaren bitartez.
