×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Salmenta-prozesuan zure CRMari etekinik handiena ateratzeko aholkuak

Share on facebook
Share on twitter
Share on linkedin
Share on whatsapp
Share on email

Ba al duzu CRMrik? Agian bai, baina beharbada oraindik ez diozu etekin guztia atera. CRM mota asko dago. Gaur egun, bezeroekiko harremanen gestioa edo Customer Relationship Management kontzeptua adierazten duten siglak baino gehiago da CRMa: enpresa bateko kide guztiei harreman- eta bezero-sarea antolatzen eta zaintzen lagunduko dien funtzionatzeko metodoa da. Jakina, CRM baten azken helburua salmentak lortzea da; horregatik, geureak oso ondo jaso beharko ditu gure bezeroekiko salmenta-prozesuen etapak.

Tresna arina izan dadin, salmenta-prozesuok lau pausotan banatu behar ditugu:

  1. Prospekzioa. Salmenta-prozesuetako lehen urratsa izaten da prospekzio- edo azterketa-fasea. Gure negozioaren bezero izan litezkeenak bilatzean datza.
  2. Aldez aurreko hurbilketa. Oinarrizko informazio xehatua izan behar dugu, gure salmenta-prozesuak arrakasta izan dezan. Jarraian, lortu nahi dugun hitzordua prestatu beharko dugu eta, azkenik, bilera hitzartu edo bisitaldiak hotzean planifikatu.
  3. Salmenta-mezua aurkeztea. Lehen harreman pertsonala lortzen dugunean, gure produktuari edo zerbitzuari buruzko mezu egokia prestatu behar dugu, eta lehiakideen eskaintzarekin alderatuta geureak dituen abantailak eta bezeroari ekarriko dizkion onurak aipatuko ditugu.
  4. Ixtea edo saldu ostekoa. Prozesua salmentarekin buka daiteke, edo bezeroarekiko harremanari eutsi diezaiokegu, saldu osteko zerbitzua eskaini. Zerbitzu horrek bezeroaren gogobetetzea ziurtatuko du eta balio erantsia emango dio gure arteko harremanari.

Prozesua sortuta dugula, fase guztiak zehatz-mehatz dokumentatu beharko ditugu. Alferkeria alde batera utzi eta metodo bat ezartzeko unea da, gure salmenta-estrategia hobetzeko aukera emango baitigu.

Horretarako, salmenta-prozesuan parte hartzen duten pertsona guztiek CRMa erabiltzeko jarraibide berberak izan beharko dituzte.

  • Merkataritza-agenteentzako baliagarria izan behar du. Munduko tresnarik onenak ere ez du ezertarako balio erabiltzaileek ez badute modu egokian erabiltzen. CRMak lanerako informazio baliagarria ematen diela ikusi behar dute merkataritza-agenteek. Beraz, garrantzitsua izango da haiek ere tresnaren diseinuan parte hartzea. Gainera, baztertu egin behar dira agenda eta trikimailuak partekatzerik nahi ez duten eskola zaharreko merkataritza-agenteen ohiturak. CRMak erakunde barruan nabarmentzen dituela eta lana errazten diela ulertu behar dute.
  • Datuak eta datuak. Gogoratu CRM on batek, salmenta-prozesuak erregistratzeaz gain, bezeroak enpresako edozein sailekin izan dituen gorabeherak ere jaso behar dituela, lan komertzialerako garrantzitsua izan daiteke eta.
  • Kontuaren jatorria. Ez ahaztu kontuaren jatorriari buruzko eremua sortzea, abiapuntua mailing-kanpaina bat, Googleko bilaketa bat, harreman pertsonala, biltzar edo ekitaldiren bat edo hotzean egindako telefono-deia izan zen zehaztea. Feedback oso garrantzitsua eskainiko diezu marketin-arduradunei.
  • Sar itzazu garrantzitsuak iruditzen zaizkizun dokumentu guztiak. Zure CRMari dokumentuen kudeaketa gehitzen badiozu, denbora aurreztuko duzu dokumentuak bilatzeko orduan eta modu seguruan, zuzenean eta azkarrean partekatu ahal izango dituzu.
  • Erabilerraza izan dadila. Tresna arina eta erabilgarria izateaz gain, zure CRMak erabilerraza izan behar du arrakastatsua izateko.

 

Guztia konfiguratuta eta erabiltzeko prest duzu: zure CRMari etekinik handiena ateratzeko ordua da. Gure salmenta-teknikak hobetzeko eta marketin-kanpainak aztertzeko, besteak beste, erabilgarria dela egiaztatu dugu. Orain, gure bezeroekin harreman pertsonalizatuak eta iraunkorrak izateko erabiliko dugu. Eta, horretarako, gure CRMak eskaintzen digun segmentatzeko aukera aprobetxatu behar dugu, eta gure dohain komertzialekin uztartu.

  1. Sustatu konfiantza. Bezeroekin harreman erraza izateko gakoetako bat konfiantza da. Eutsi horri eta bezeroak luzaroan izango dituzu zurekin.
  2. Ez egin jarraipenik horrelakorik nahi ez duenari. Pertsona batek harremanetan jarri nahi ez badu, ez egin haren gaineko jarraipenik, onartu haren erabakia.
  3. Egin ahalik eta segmentazio gehien. Ez zaitez mugatu talde handiak sortzera, adinaren, generoaren edo lanbidearen araberako multzoak osatzera: erabili BigData eta zure CRMak eskaintzen dizkizun aukerak, eta segmentatu ahalik eta gehien zure bezero-zorroa, modu horretan zehatzago bideratu ahal izango baitituzu zure produktuak eta eskaintzak.
  4. Eskaini sustapen pertsonalizatuak. Balia ezazu segmentazio hori zure produktua bilatzen duen bezero jakin batekin harremanetan jartzeko. Kontsumitzaileek errazago erantzuten diote eskaintza bati edo sustapen bati hori pertsonalizatuta badago eta, batez ere, denbora errealean egindakoa bada. Azterketa guztiak bat datoz horretan.

 

Ikusten duzunez, salmenten kudeaketa eta bezeroekiko harremanak optimizatzeko oso erabilgarria den tresna baten aurrean gaude. Atera iezaiozu etekinik handiena.

Gogoratu Gaztenpresan zure enpresa sortzeko eta sendotzeko prozesuan laguntzen dizugula, eta ahalik eta etenik handiena ateratzeko makina bat tresna jartzen ditugula zure eskura.

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-18 23:59:56