Finantzak finantzari ez direnentzat, Excelen laguntzaz

Hobetuzek diruz lagundutako doako ikastaroa, urriaren 6tik 10era, Gasteizen.

Egunak: urriaren 6tik 10era (20 ordu)

Ordutegia: data horietan egunero, 15:30etik 19:30era

Helbidea eta lekua: ikastaroa BULTZ-LANek ematen du Florida kaleko 58.ean.

Nori zuzenduta dago? Ikastaroa enpresetako eta negozio-unitateetako zuzendaritzako eta gerentziako langileei eta finantza alorrekoak ez diren espezialistei eta teknikariei zuzenduta dago, baina baita finantza-hizkuntza eta informazioko eta kontroleko baliabide nagusiak ezagutu eta erabili behar dituzten gainerako pertsona guztiei ere.

Ikastaroaren helburu orokorrak:

• Enpresa-kudeaketaren jarduera eta emaitzak aztertu, planifikatu eta kontrolatzeko ezinbestekoak diren finantza- eta kontabilitate-alorreko kontzeptu eta baliabide nagusien ikuspegi integratua eskaintzea.

Helburu bereziak:

• Arduradun eta teknikari ez-finantzariei “finantza-hizkuntzaren” funtsezko kontzeptuak eta hiztegia argi eta garbi azaltzea.
• Oinarrizko mailatik abiatuta, kontabilitateko egoera-orriak (balantzea eta emaitzen kontua) ulertu eta aztertzen laguntzea.
• Enpresaren ondare- eta ekonomia-egoera interpretatzen laguntzea, ekonomia eta finantzak aztertzeko baliabide nagusien bidez.
• Erakunde baten finantzak eta finantza-egoera ulertzea, globalizazio-ingurunean lehiatzeko aukerak eta hobekuntzak antzematen direnean, erabakiak hartzen laguntzeko.

Ikastaroaren egitaraua:

• Kontabilitateko lehen urratsak.

1. Kontabilitatea: zer da eta zertarako balio du.
2. Kontabilitateak ematen dituen txosten nagusiak.
3. Balantzea.
4. Fondo propioak: Kapitala eta Erreserbak.
5. Nondik eskuratzen du enpresak finantzaketa, eta zertan erabiltzen du.

• Balantzeak aztertu eta interpretatzea.

1. Azterketa ekonomikoa.
2. Azterketa finantzarioa.
3. Finantza-kalkulua.
4. Inbertsioak aztertu eta aukeratzea.
5. Metodo dinamikoak.

Hobetuzek diruz lagundutako aurrez aurreko ikastaro hau egin nahi baduzu, 900 373 051 telefono-zenbakian eman dezakezu izena.