Hona hemen ekintzaile bat... Lumiere&Lumiere - Gaztenpresa

Hona hemen ekintzaile bat… Lumiere&Lumiere

lumiere videoclub

LUMIERE & LUMIERE

Zerbitzua: Bideokluba
Webgunea: www.lumiereylumiere.blogspot.com.es
Helbidea:
Telefonoa:
Helbide elektronikoa: blog@filmartebilbao.com

Posible al da betiko bideoklub batek Interneten garaian bizirik irautea? Oso pertsona gutxik erantzungo lukete baietz; baina, urteetan zehar ehunka enpresa sortzen lagundu ostean, ilusio bat modu egokian planteatu, aztertu eta babestuz gero, hark aurrera egin dezakeela erakutsi digu gure esperientziak.  Gure lehen galderari “baietz” erantzungo lioketen pertsona horietako bati, Iñigo Libanori, adibidez, ondo atera zitzaion. Lotura digitalen eta espazio birtualen garai hauetan, gune fisiko batek asko eskain zezakeela pentsatu zuen, eta Lumiere & Lumiere sortu zuen.

Bideoklub bat baino askoz gehiago.

Paris, 1895eko abendua. Pelikulak 46 segundo bakarrik irauten zuen. Geldirik zegoen tren batekin hasten zen, eta kamerarekiko angelu diagonalean agertu eta pantailaren ezkerraldetik desagertzen zen. Legendaren arabera, ikusleek beldurtuta oihu egin zuten, eta batzuek aretotik ihes egin zuten. Erregistro historikoa duen pelikula baten lehen proiekzioa izan zen, eta Auguste eta Louis Lumière anaiei eskertu behar diegu. Bilboko Belostikaleko 11. zenbakian (hirigune historikoaren erdian) dagoen gune eder horrek bi aitzindari horiek omentzen ditu. Ez da Lumière anaien lehen proiekzio hori eman zen Salon Indien du Grand Café aretoa, baina zinema xede duen gune horretan kafea eta tea har daitezke, eta pelikulekiko maitasun-giro kutsakorra nabari da. Bertan, hitzaldiak eta hizketaldiak egiten dira, proiekzioak eskaintzen dira eta film laburren lehiaketa bat antolatzen da. Eta hori guztia leku eder batean, adituen arabera, ezinbestekoa Bizkaiko hiriburuko zinemazaleentzat.

«Gozatzeko aukera eskaini nahi dugu, zinema maite dutenen gozamenerako eta horiek elkarrekin harremanetan egoteko pentsatutako ingurune atsegin batean, etengabe aldatzen ari den baina beti Zinema protagonista duen agerlekuan». Horrela deskribatzen du Iñigo Libanok. Hura ere Gaztenpresara hurbildu zen bideoklub klasiko bat kafetegia eta liburutegi espezializatua barne hartuko zituen zinemazaleen topagune bihurtzeko ideiarekin. Izan ere, zinema kultura zabaltzeko baliabide gisa hartuko zuen eta bideokluben tradiziotik onena jasoko zuen leku bat sortu nahi zuen Iñigok. Nola lortu duen jakin nahi baduzu, ikus ezazu ikus-entzunezko formatuan. Pelikulekiko maitasuna arnasten den gune horretara gerturatuko zaituen bideo hau ikustera eta, jakina, zure negozio-ideia abiarazteko asmoa baduzu, gure laguntza guztiz doan eskatzera animatzen zaitugu. LABORAL Kutxaren gizarte-ekintzaren parte garen aldetik, hasierako unetik zuri laguntzea dugu helburu, finantzaketa berezia eta gure profesionalen laguntza ordainezina eskainiz. Hemen gaituzue.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Log in with your credentials

Forgot your details?