Izena emateko epea: 2014ko iraila (bidali mezu elektroniko bat aartetxe@gaztenpresa.org helbidera Euskadin eta Nafarroan zaudetenok informazio gehiago eskatzeko)
Gaztenpresak Mentoring Programa batean parte hartzen du YBI (www.youthbusiness.org) sarearen eskutik. YBI irabazi-asmorik gabeko erakundeen nazioarteko sare bat da, eta beren enpresa sortzen laguntzen die gazteei, prestakuntza, finantziazioa eta mentoringa konbinatzen dituen metodologia baten bidez.
Estatu mailako ekimen kolektibo bat da eta autoenplegua sostengatuko duen programa eraginkor bat ezartzea du helburu; ekimena profil ekintzailea duten eta duela gutxi negozio bat martxan jarri duten 18 eta 35 urte arteko pertsonei xedaturik dago.
Mentoring deituriko metodologiaren bitartez, esperientzia ekintzailea edo enpresariala duen pertsona batek bere gaitasunak sustatzen laguntzen dio beste bati (bere enpresa-abentura abiarazten ari den beste bati), haren garapen pertsonala eta profesionala ahalbidetuz.
Mentoring programaren helburuak:
- Beren autoenplegu-proiektua martxan jarri duten ekintzaile gazteak ahalduntzea, beren potentzial osoa ustiatzen lagunduz.
- Duela gutxi sortu diren negozio txikiak sendotzea eta haztea.
- Esperientzia ekintzailea duten profesionalen eta enpresarien artean gizarte-boluntariotza sustatzea.
Aholkularien funtzioak:
- Urtebetez, gutxienez, pertsona ekintzailearekin aldizka elkartzea, pertsonaren beraren eta negozioaren bilakaerari buruzko hausnarketa egiteko.
- Gazteari bere negozioaren helburuak identifikatzen, horiek lortzeko beharrezko estrategiei buruz hausnartzen, bere jarduketak planifikatzen eta emaitzak neurtzen laguntzea.
- Mentoringaren eta ekintzailearen negozioaren arteko harremanaren bilakaera-jarraipenean parte hartzea, programaren monitorizatze- eta ebaluazio-galdetegiei erantzunez.
Boluntario edo ekintzaile gisa parte hartu nahi baduzu, Gaztenpresaren taldearekin jar zaitezke harremanetan.Ana Artetxe da izen-emateen arduraduna. Tel: 900.10.11.43. Helbide elektronikoa:aartetxe@gaztenpresa.org
