y luego Añadir a pantalla de inicio.
- Erakundea: Nafarroako Gobernua.
- Xedea: Nafarroan jarduera ekonomikoa duten langile autonomoen lana eta familia uztartzea erraztea eta kontratazioa bultzatzea.
- Onuradunak: Nafarroako langile autonomoak, pertsona hauek kontratatzen dituztenak:
- 12 urtetik beherako seme-alabak edo odol-ahaidetasunezko edo ezkontza-ahaidetasunezko bigarren mailarainoko mendeko senitartekoak zaintzeko jarduera eteten bada, haien ordez arituko dira.
- Etxean 12 urtetik beherakoak zaintzea (seme-alabak, harreran edo tutoretzan).
- Zenbatekoa: 400 euro kontratazio-hilabete bakoitzeko, 12 hilabete gehienez. Kontratazioa lanaldi partzialekoa bada (gutxienez lanaldiaren % 50), dirulaguntza proportzionalki murriztuko da.
Laguntza horren zenbatekoa % 10 handituko da kontratatutako pertsona emakumea bada, eta % 20 igoko da norberaren konturako langileak 5.000 biztanle baino gutxiago dituen udalerri batean lan egiten badu, edo autonomoak guraso bakarreko familia-txartela indarrean badu. Ehuneko horiek metatu ahal izango dira. - Emakidura prozedura: banakako ebaluazioaren araubidea.
- Eskabidea egiteko epea: hilabetekoa izango da, kontratu-harremana hasi eta hurrengo egunetik kontatzen hasita, eta 2024ko urriaren 31n amaituko da. Hala ere, azaroaren 1etik aurrera egindako kontratazioen eskaerak datorren urtean aurkeztu ahal izango dira, partida honen baimena Nafarroako Aldizkari Ofizialean ofizialki argitaratu eta hurrengo egunetik kontatzen hasita hilabeteko epean.
Informazio guztia hemen.
