y luego Añadir a pantalla de inicio.
- Erakundea: Iruñeko Udala.
- Xedea: gazte ekintzaileei Iruñeko udalerrian jarduera ekonomiko berriak sortzen laguntzea.
- Pertsona eta erakunde onuradunak: 2023ko irailaren 5etik 2024ko ekainaren 30era bitartean, biak barne, Nafarroako hiriburuan abian jarri diren negozio berriek jaso dezakete laguntza, baldin eta honako hauek jarri badituzte martxan:
- 18 eta 35 urte bitarteko pertsona fisikoak.
- Sozietate zibilak, irregularrak, kolektiboak edo komandita-sozietate sinpleak, baldin eta gutxienez bazkideen bi herenek (edo % 66k) 18 urte beteta izan behar badituzte eta 35 urte gainditu gabe.
- Kapitaleko merkataritza-sozietateak, lan-sozietateak eta kooperatibak, zeinetan, gutxienez, kapital sozialaren bi heren 18 eta 35 urte bitarteko bazkideek jarri beharko baitituzte.
- Zenbatekoa: jarduera sortu eta abian jartzeko gastuen % 70erainoko dirulaguntza ezartzen da, gehienez ere 2.000 euroko dirulaguntzarekin pertsona fisikoentzat, sozietate zibilentzat eta nortasun juridikorik gabeko sozietate irregularrentzat, eta 3.000 euroko dirulaguntzarekin nortasun juridikoa duten pertsonentzat.
- Emakidura prozedura: dirulaguntza hori banakako ebaluazio-erregimenean ebatziko da; horrek esan nahi du espedienteak eskabideak aurkezteko ordenaren arabera izapidetu eta ebatziko direla, eta horretarako aurrekontu-kreditua dagoen bitartean.
- Eskaera egiteko epea: 2024ko urriaren 10era arte (egun hori barne).
Informazio osoa hemen.
