y luego Añadir a pantalla de inicio.
Erakundea:
Eusko Jaurlaritza
Xedea:
EAEn dauden Bussiness Innovation Center (BIC) zentroetako baten tutoretzapeko enpresa-proiektu berritzaile berrientzako eta/edo industria- eta teknologia-oinarriko eta/edo prozesu-proiektu industrialari lotutako zerbitzuetako enpresa-proiektuentzako laguntza arautzea, Euskal Autonomia Erkidegoan ideiaren heltze-fasean eta enpresa abian jartzeko fasean.
Laguntza hori laguntza mota hauen bidez gauzatuko da:
- 1. ildoa: bidelaguntza ematea pertsona edo talde sustatzaileari edo enpresari, ideiaren heltze-prozesuan eta enpresa-plana egiteko prozesuan, hura martxan jarri arte. Itzuli beharrik gabeko dirulaguntza izango da.
- 2. ildoa: 1. ildoko ekintzailetza-proiektuek sortutako enpresa berrientzako laguntza, zehaztutako enpresa-plana gauzatzeko behar diren inbertsioen finantzaketa errazago eskuratzeko.
Pertsona eta erakunde onuradunak:
- 1. Ildoa: Bidelaguntzaren onuradun izan daitezke Euskal Autonomia Erkidegoan erroldatutako pertsona ekintzaileak eta 2021eko urtarrilaren 1etik aurrera eratutako edo 2021eko urtarrilaren 1az geroztik jarduera ekonomikorik ez duten baina egoitza soziala edo/eta gutxienez jarduera-zentro bat Euskal Autonomia Erkidegoan duten pertsona juridikoak, baldin eta enpresa-proiektu berritzailea eta/edo industria- eta teknologia-oinarrikoa eta/edo produktu-prozesu industrialei lotutako zerbitzuetakoa bada, eta Euskal Autonomia Erkidegoan abiarazi nahi bada.
- 2. Ildoa: Euskal Autonomia Erkidegoan enpresa-plana gauzatzeko konpromisoa hartzen duten eta eskakizun hauek betetzen dituzten pertsona juridikoek eta programa honen oinarri arautzaileetan ezarritako baldintzak betetzen dituztenek jaso ahal izango dituzte finantzaketa errazago eskuratzeko laguntzak.
Prozedura:
Ondoz ondo aitortzeko prozedura
Eskaera epea:
2023ko maiatzaren 24tik abenduaren 11ra
